كرسي الأعتراف

كرسي الاعتراف لعبه رأيتها في احدي المنتديات
فكرتها اختيار احد الأعضاء كل اسبوع
ويقوم كل الاعضاء بتوجيه كل الاسئله التي
ترد علي اذهانهم ويقوم العضو بالرد عليها
لمده اسبوع كامل وبعدها يتم اختيار عضو جديد
اري في هذه العبه
ذياده التقريب بين الأعضاء وخلق فرصه للحوار المتواصل بيننا
ولشغف كل منا لمعرفه الكثير عن باقي الاعضاء
اتمني ان توافقو عليها
وسيكون المسئول عن اختيار الاعضاء كل اسبوع طبعآ المدير محمد الشيخ عن طريق القرعه
اتمني ان تنفذ وتثبت
كرسي الأعتراف Www.gulfup

انا موافق عليها وانا معاكى يا بريق بس اول واحدة تكون على كرسى الاعتراف هى انتى طباخ السم لازم يدوقه

ههههههههههههههههه

ههههههههههه
فكره جميله بس لازم انتي اول واحده تعترفي ههههههههههههه

شكرا اختى العزيزه بريق على الموضوع الجميل
وهو فعلا فرصه اننا تقارب مع بعض وهو فرصه للتواصل بيننا
وبما اننى المسؤل عن اختيار الاعضاء
فقمت بعمل قرعه
وكان الاستاذ ربيع من نصبنا اول مره
المطلوب من كل عضو ان يسأل سؤال واحد فقط كل مرة علشان نعطى فرصه لمن يجلس على الكرسي للاجابه
واتمنى لكم قضاء وقت سعيد على الكرسي

كرسي الأعتراف 41058love

اول سؤال للاستاذ ربيع
اسم ابنك او بنتك الكبيره وعمرها

اولا اشكرك
اختى العزيزه نجوى
لدى بنتان.... نوران 14 سنه ورهف 11شهر
كان لى ابن الكبير 19 سنه رحمه الله فى حادث
والحمدلله على كل شىء
شكرا لكى

اول مشاركه لى بالمنتدى بسببك ( ايزى كول)

أستاذ ربيع ما هي الحكمة ..أو المثل ..الذي تعتبره قاعدة ذهبية ..؟

اهلا استاذه لقاء

كلمات لعلى بن ابى طالب رضى الله عنه
[color=green]اغنى الغنى.....العقل
واكبر الفقر.......الحمق
واوحش الوحشه......العجب
واكرم النسب.....حسن الخلق

فكروا وتأملوا هذه الحكمه

وحكمه اخرى اتق شر من احسنت اليه

اشكرك

استاذنا ربيع

طبعا انا مش عارف اسالك ازاى بس غصب عنى لازم اسالك

فاهنقول سؤال خفيف كدة علشان محدش يزعل مننا

ايه هى هواياتك المفضله وايه الالعاب اللى بتلعبها

ولو جالك منصب كبير فى الدوله هتعمل ايه

سؤال لى للاستاذ ربيع
عن عمله واين يسكن الان

اسأل واقول
استاذ ربيع
حضرتك اتجوزت اللى بتحبها
ولا حبيت اللى اتجوزتها

اهلا اخى اياد

هواياتى اولا القراءة فى اى اتجاة دينى رياضى سياسى
سماع الموسيقى والاغانى القديمه..وسودانى طبعا
فى الرياضه...احب التنس الارضى والاسكواش
امارس كرة القدم مع اصدقائى اسبوعيا يوم الجمعه صباحا
فى رمضان قبل الافطار بعد العصر...مشاهده الدوريات الاروبيه
اسبانيا المانيا اوايضا الدورىالقطرى والسعودى

اولا لا اقبل تصدق دى
الحكم شىء صعب من الناحيه الدينيه لو علم المتصارعون
على الكرسى ما ينتظرهم من حساب لفروا منه كما تفر الابل

استاذ كمال النجار
اهلا بك

اعمل فى شركه قطاع خاص
وكلاء كبرى شركات الرياضه
ادارة المخازن
اسكن فى منطقه الطالبيه
فيصل -قسم بولاق الدكرور

الاخت العزيزة فراوله
اهلا
هههههههههههه
هى التانيه
احيانا تقف الظروف والتقاليد ضد رغبه الانسان
كانت لتا تقاليد تمنع الزواج خارج بلدتنا .تخطى
هذه التقاليد كا ن شىء صعب تعنى مقاطعه
الاهل الان الحمدلله نتيجه العلم انتهت هذه
التقاليد.
العشرة بعد الزواج تصنع الحب وحبك لاولادك
واسرتك شىء ضرورى

سؤالى لاستاذى ربيع
ودى فرصة كبيرة بعد الكلام اللى سمعته من اخويا ايهاب عن السلطة بتاعتك ايه هو سر الخلطة
ههههههه

_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

انا لازم اسال طبعا
السؤال بيقول
انت نفسك تنتقم من حد من صحابك خانك

الو
انت فين يا استاذ ربيع
انت سيبت الكرسي ورحت فين
اكيد بتفطر او بتتسحر مع العيال
احنا فى الانتظار
والسؤال هو
اكثر ثلاث اشخاص تتمنى ان تراهم فى الحقيقه من اعضاء المنتدى اللى ماتعرفهمش الا عن طريق المنتدى

ههههههههههههه
اولا مش ح تبقى سر...ممنوع اى حد خارج المنتدى يقراها او تسرب
يعنى حصريه لكم

اولا لازم طبق السلطه لازم يكون فيه كل الالوان من الخضروات
اوطه خيار خس جرجير فلفل بنجر جزر بقدونس
ملح كمون فلفل اسود شطه فصين توم زيت ضرة او زيتون لامون او خل
توضع كله فى اناء وتقلب جيدا.....توضع قبل الاكل بعشر دقائق
عشان تحتفظ الخضروات ببريقها ولاتدبل
رايك بعد التجربه
دا سر
هسسسسسسسسسسسسسسسسسسسسسسسسسس
شكرا لك

اهلا
تاج الايمان
فى الحقيقه المنتدى والقائمين عليه
بفضل الاستاذ محمد الشيخ يقوم بالتطوير
دائما ويفاجئنا باستايلات جديده للمنتدى
اعرض فكرة لاخى ايهاب بوجود صفحه
للمناسبات الدينيه والقوميه يكتب فيها
الاعضاء انطباعتهم عن المناسبه......

اهلا
يالولو
الحمدلله وبفضله
طول حياتى لم اتعرض موقف فيه خيانه من اصدقائى
ولم اخسر اى صديق او صاحب...انتقى جيدا من اصادقه
على الرغم من كثرة معارفى فى النادى والعمل وجيرانى
ليس عندى خصله الانتقام...عندما ارى شخصا لا يناسب
افكارى وطبيعتى يكون كلامى معاه فى اضيق الحدود
واذا حدث منه شىء ..اشطب عليه تماما . يعنى الغلطه
الاولى والاخيرة له معى

الله احلي حاجه اننا هنبتدي بعم واستاذ المنتدي
سؤالي هو لقب العائله وحضرتك اصلآ من اي بلد؟

في الحقبقه في اسأله كتير بس هنبتدي بواحد ذي ما قال الاستاذ محمد الشيخ
انا سعيده ان الفكره عجبتكم ومتشكره جدآ للأستاذ محمدالشيخ انه نفذ فكرتي

اهلا بالاخت العزيزه رحاب

اولا بعد الافطار
احيانا اكون فى العمل ...وبعد العشاء والقيام
زيارات ياما عندى باليت او خارج البيت او بالنادى
دورات الكرة... انتصف شهر الخير وانقضت ايامه
سريعا...
اتمنى ان اقابل الجميع هذا شعورى تجاه كل من
فى المنتدى هو شعور الاسرة صعب جدا ان افضل
احد عن غيرة.. عندما يختفى عضو عن الظهور
بالمنتدى فترة بسب ظروفه اسعد كثيرا بعودته
واطمئن عليه...
والله هذا شعورى تجاهكم جميعا

اهلا بالاستاذه
صاحبه الفكرة الرائعه
اولا اسمى بالمنتدى هو اسمى الحقيقى
انا من اسوان من مركز نصر النوبه قريه اسمها
المالكى...العائله اسمها عرب العقيلات تنتمى
الى عقيل بن ابى طالب رضى الله عنه.. يعنى
اصلنا من الجزيرة العربيه . مقيم بالجيزة واذهب
على فترات بعيده بسبب العمل الى بلدتى..
اكثر من 12 سنه لم ازورها.
تحت امركم باى سؤال

السلام عليكم ورحمة الله وبركاته

والله فكرة جميلة وشكرا للاخت بريق صاحبة الفكرة وللاستاذ محمد الشيخ والذى يتبنى الافكار الناجحة

وطبعا لكونى قريب جدا من عمى ربيع فانا فى حيره من امرى ومش عارف اساله اقوله ايه

بس لو احب اسأله اقوله :

هل وافقت احلامك فى الصغر ما حققته الأن فى حياتك ، أم كنت تأمل فى تحقيق شىء أخر وما هو ؟

» لملذا يصعب الأعتراف بالحب ؟؟؟؟؟؟؟
» أتحداك تجلس على أي كرسي في هالصور ..!!!!
» كرسي الإعتراف ...اتمنى الكل يجاوب
» فيديو.. منسق حملة صباحى: تركته لأنه هيولع البلد عشان كرسي الرئاسة
» بالصور..في عزاء الأمير نايف ..د.مرسي علي كرسي الرئيس و عنان بجوار إبراهيم كامل المتهم في موقعة الجمل والشاطر والكتاتني والمرشد أبرز الحضور