أسعار السكر ارتفعت 4 مرات في 15 يوماً ورئيس الشركة يؤكد أن حرائق غابات روسيا السبب

شهدت أسواق المواد الغذائية ارتفاعات جديدة في أسعار بعض السلع، إذ ارتفع سعر السكر إلي 4400 جنيه للطن بزيادة قدرها 50 جنيهاً عن سعره قبل 15 يوماً، ليصل إلي المستهلك بسعر 5 جنيهات للكيلو.

وأرجع عمرو عصفور - نائب رئيس شعبة المواد الغذائية بالغرفة التجارية بالقاهرة - الزيادات الجديدة في أسعار السكر إلي ارتفاع سعره في الأسواق العالمية.

وقال إن أسعار السكر ارتفعت أربع مرات خلال 15 يوماً، حيث زاد سعر الطن بعد العيد من 3850 جنيهاً للطن إلي 4050 ثم 4350 لتصل إلي 4400 حاليا.

ومن جانبه نفي حسن كامل - رئيس مجلس إدارة شركة السكر للصناعات التكاملية - تجاوز أسعار السكر في السوق خمسة جنيهات للكيلو، وقال إن الأمر لا يتجاوز شركة واحدة - لم يسمها «لا تتعدي مبيعاتها ثلاثة أو أربعة آلاف طن في العام»، وتابع: «أسعار السكر في المجمعات الاستهلاكية 75.3 جنيه للكيلو، ولا تتعدي في السوق 30.4 للكيلو».

وقال كامل الذي تخصص شركته كل إنتاجها لتلبية حاجات وزارة التضامن الاجتماعي من السكر الموجه لبطاقات التموين، إن أعلي سعر لطن السكر تتعامل به أي شركة «لا يتجاوز أربعة آلاف جنيه فقط»، وأضاف: «أسعار السكر في السوق العالمية مرتفعة بصورة عامة.. بسبب تدني كمية المعروض نتيجة الجفاف في البرازيل والسيول في الهند وباكستان، بالإضافة لاحتراق محصول البنجر في روسيا بسب حرائق الغابات هناك».

تسلم على تقديمك الرائع


وانشاء الله ان الاسعار تنطفي مثل ماتنطفي حرائق روسيا

البحرالوافي كتب:

تسلم على تقديمك الرائع


وانشاء الله ان الاسعار تنطفي مثل ماتنطفي حرائق روسيا

للاسف يا بحر
حرائق روسيا لا تتوقف طوال العام

الاستاذه الجليله ايناس جوهر

شمعتنا المضيئه
اختى الغاليه شوق واحترام
مش على طريقه غلاء السكر
لو ربطنا السكر بالطماطم المجنونه
ولو علمنا ان جهابزه الصناعه عندنا
انتجوا السكر من الطماطم سوف نعلم ان الغلاء طبيعى
عندنا عم أحمد بتاع الخضار من كام سنه
ينده على الطماطم ويقول يا معسله يا قوطه
واكيد فى رابط بين النداء والصناعه
والخوف ان كل ما هو معسل يغلى
لازم الكروش تتملى فلوس
والمغلوب على امره هو المتعوس
وبكره باذن الله يطلع من على دمغنا يدوس

وأنا لله وأن اليه راجعون اصبح الفقير
هو كبش الفداء ولا من مجيب ولا من رقيب

وعلى فكره ارسلت موسوعه قانونيه شامله
عايز ردك عليها لانه مهم
ولو كان الرد ايجاب
حشتغل محامى

ويا ترى روسيا مفيهاش مطافى ولانبعتلهم من عندنا

حتى لو روسيا نزل عليها تلج من المريخ
هيقولوا ان التلج عمل حرايق علشان كده غلينا السكر
والسكر غلى
وانا احيله بأيه
على رأى سماسم العالمه فى ليالى الحلميه

العيب مش ان فى حرائق فى روسبا العب فى السكر

يا جماعة لازم تربطوا بين ارتفاع السكر المفاجأ وعرض مسلسل ازمة سكر
وعلاقة احمد عيد بحرايق روسيا

صديقتى العزيزة ايناس
من المسؤل عن حرق مزارعنا فى مصر
اين خريطه مصر التى كانت مليئه با الاراضى الزراعيه والمناطق الصناعيه
الطماطم ب 7 جنيه
الفاصوليا ب 10 جنيه
الباميه ب 8 جنيه
الارز ب 3 جنيه
احدى الشركات ارتفع تمن منتجها بسبب الطماطم يا سيدتى
انا عاوزة اعرف اين وزير الزراعه
او اين الارض الزراعيه نفسها
اين القطن المصرى
اين زراعه البنجر لاستخراج السكر
اين زراعه قصب السكر لاستخراج السكر
اين زراعه القمح
اين التصدير
وحشنى قوى شعار القطن المصرى
وحشنى اوى شعار القمح المصرى
تفتكرى اجيب تفاح ولا طماطم؟؟؟؟؟؟؟؟؟؟؟؟؟

هما المسئولين كدا زى البوم لما الاسعار بتنخفض فى البورصات العالميه
طبعا بيصابو بالعمى والطرش مابيشوفوش حاجه سهم البورصه دائما عندهم
طالع لفوق
حسبنا الله ونعم الوكيل فيهم

عمليه تخريب مصر عمليه منظمه ومتقدمه خطوة خطوة بدون كلل او ملل او معارضه او حتى واحد فاهم
والعمليه دى ابتدت من 82 ولسه هتستكمل مشوار التخريب بعد الانتخابات القاده لمده 6 سنوات اخرى
ربنا يكون فى عونا احنا الجيل الهابط هابط

moh_aboabdo كتب:

العيب مش ان فى حرائق فى روسبا العب فى السكر

الاخ الاستاذ أبــــــــــو عبده
وعساها ترجمه صحيحه
وبعدها سوف اؤلف قصائد واشعار انجليزى
وهذا بفضلكم بس كفايه عليه 3لغات
الصعيديه وهى لغتتى الرسميه وعبادتى
والعربيه وهى لسان حال اهلى وحبابيبى
والانجليزيه اه بنده من البلاكون على رايح ولا جاى
حبيبى ابو عبده
نعود لموضوعنا
العيب فينا احنا
بيقولوا علينا شعب دمه سكر
عندى اقتراح نسبلهم السكر ونشرب دمنا السكر
طول عمرنا ماصين دمنا رزقنا
والحجج كتيره نضحك عليهم مره
ونشرب المشاريب مـــــــــره
يمكن النمل يعشش فى سكرهم
فى كروشهم وعيلهم يمكن يجى يوم
يحسوا بينا او يسمعوا انا نسينا
والسلام عليكم ورحمه الله

جميله محمود كتب:

عمليه تخريب مصر عمليه منظمه ومتقدمه خطوة خطوة بدون كلل او ملل او معارضه او حتى واحد فاهم
والعمليه دى ابتدت من 82 ولسه هتستكمل مشوار التخريب بعد الانتخابات القاده لمده 6 سنوات اخرى
ربنا يكون فى عونا احنا الجيل الهابط هابط

الاخت اوالابنه الجليله / جميله محمود
انتم جيل الامل جيل العمل
انتم النور الا حاسينه احنا فيكم انتم بكره
وكيف يخشى المستقبل من الامس
ارجوا ان تكون نظرتك فيها تفاؤل فيها أمل
وانتم حماه الوطن ورجال وسيدات المستقبل
وخلى السكر وحراميه السكر ينفعهم
ربنا يزود سكرهم الى ان ياخدهم بيه
ولاتزعلى أنشاء سياتى لك يوم جديد
حيبقى فيكم عمر حيبقى فيكم
صلاح الدين يداوى لكم جرح السنين
شرط الا تفقدوا الامل العمل
واجوا رجاء خاص ان تكون نظرتك فيها أمل

يا جماعه
لو فيه كام واحده فى مصر عسوله كده زى
لازم السكر يغلى
مش صح برضوا