مجموعة مختارة من اشعار ( فؤاد قاعود )

مجموعة مختارة من اشعار ( فؤاد قاعود )

غنيوة مصريـــــــــــــــة

محبوبتى غنيوة مصرية ضفايرها
فرعين الليل و عيونها عسلية محبوبتى
غنيوة لعبية سمعوها شطين النيل و قالوها
مراكبية محبوبتى نجماية صبح يستفتح بها
الصياد يضمن يومه ترنيمة رب ترتيلة راهب
يصحى لها العصفور من نومه و أنا قلبى حباية
قمح سوتها الشمس و رمتها لعصفورة شقية بتحب
الرمح لقطتها و طارت زرعتها على شط النيل
طرحت شجرة مواويل

رقصـــــــــــــة

الشجرة بتخضر لو عشش فوق منها
عصفورة و عصفور و الخد بيحمر لو
طافت فوق منه شفايف و القلب الخايف
يطمن و يشوف النور و البحر البنور بيهدهد
سمكاية بتحب العالم إيد ناعمة و إيد خشنة
و شبكهم قلب العالم سمكاية بتحب ف بحور
النور و الشجرة بتخضر الشجرة بتخضر
و الشجرة بتخضر

الألفــــــــــــــــــــــــــة

إتمسحى فى ركبتى الشمال
إتمسحى فى ركبتى اليمين
و صابى ديلك إذا مسحت
ضهرك القطيفة و إذ تغوص
صوابعى طى شعرك الغزير
يتمد ما بينا حديث الوجد أنا
بلمسة الوداد و إنتى بالهرير
عرفت من يشفق من التواصل
و يخشى من تكاليف العواطف
و يمجد التوحد الرهيب غريب
ف غرفته عن الأشياء و ف
قعدة الصحاب غريب ! و عرفت
من تهز قلبه نسمة الربيع بسيط
و سهل الإستجابة للجميع يتمددوا
الصحاب على بساطة الأحمدى
و يطمعوا فى جنبه اللين بلا حدود
و لما أصحابه يحوطوه تشع جبهته
بنور و ينطفى إذا تخلفوا عن الحضور
عرفت دا ودا قطبين تنافر لكل منهم
منطقة المغاير و ناف مقام الحيرة دون
دليل مازلت لا أدرى على التحقيق
الأفلة راحة و للأقيد تقيل ؟!

الفلوس

لما النفوس .. تعبد فلــــوس
تلقى الرجال .. بقرون طوال
زى التيوس

تلقى الشريف .. زاهـــد عفيف
يخزى الشيطان .. وينام خفيف
ويقوم نضيف

ولو غفير ... اصبح مديـــــــــر
لابس نضيف .. واكل كتــــــــير
بأتومبيلات ... وسكرتـــــــيرات
ينسى اللى فات .. ويعيش أمير

وابن الحــــرام لو شاف بــــــرام
يخش فيه من غــير كـــــــــــــلام
مايهمهوش .. له أو مالــــــوش
ملو الكروش ... هوه المــــــرام

والناس وراك تطلب رضــــــــاك
طول ماانت بيه .. قرشك معــاك
ولو فقير ... ويـــــــاك نفيــــــر
وبتستجير .... يورم قفــــــــــاك

فراشــــــــــــــــــــــــة

و هدى الأتوبيس قصاد المحطة
و طارت فراشة
و حطت على الكرسى
جنبى و صفرت يا كمسرى
دى صفارة
دى ولا ضحكة
مرح سمعها الأتوبيس
و طار فى بهجة
و فرح يبوس الطريق
و تبعت عيونه بريق
يوشى حواشى الرصيف
بالدهب و فجأة الأتوبيس وقف
و قلبى وقف
و طارت فراشتى ف ثانية
و أصبحت فى دنيا
تانية و صفرت يا كمسرى
صفارة دى و لا
صرخة ألم سمعها الأتوبيس
و ثار و هب
و هجم يدوس الطريق
و تبعت عيونه حريق
يشعلل حواشى الرصيف باللهب !

وعجبى
شكرا لاختياراتك

مجموعه رائعه اخى ممادوا
ومجهود يستحق التقدير
تقبل تحياتى

شكرا جميلا على الرد والمتابعة

تحياتى

مخالفة

وف مره أفندى معذب
يائس ف حياته وحاير
خدنى من واحد صاحبه
قابله ف الشارع ساير
طبعا علشان يتغدى
ويجيب ببقيتى سجاير
****
ومشى المسكين هيمان
يتنقل ع الرصفان
وقوام لقى نفسه فى ورطه
واقع ف ايدين الشرطه
قال للعسكرى ياشاويش!
أنا آسف وما قصديش
قال له ف شارع سليمان
ممنوع يمشى الانسان
من أى رصيف للتانى
من غير الاستئذان
****
ودفعنى وهوه حزين
من بعد ماكان فرحان
ورجعت خزينة الدوله
والراجل لسه جعان !

النشال

ومره واحد مفتح من اللى غاويين حداقه
خدنى وشالنى لقيتنى مزنوقه جوه البطاقه
زياده ف الحرص قال م النشالين التقال
****
لكن ولاد الحرام اللى ف قلب الترام
يهفوا كحل العيون ويغطسوا ف الزحام !
****
ركب ترماى تلاته كان رايح العباسيه
وفى ميدان عبده باشا حسس بأيده عليا
لقى جيبه مشروط بموس زعق وقال الفلوس
أتلمت الناس عليه تصبره وتواسيه
****
وكنت انا بالبطاقه مع شخص آخر عياقه
من قبل ماحد يشعر نزل ف وسط الخناقه!
****
فتح البطاقه لقانى كشر ف وشى وطوانى
وف قهوة النشالين قعد مبوز حزين !

دنيا

وف مره قبضنى صنايعى كان طول اليوم شقيان
خش لبقال ع الناصيه عنده جميع الالوان
خد جبنه وشاى وسكر وكمان صندوق دخان
وفضل له بريزه عزيزه تفرح قلب الغلبان !
****
بعديها واحد بيه قال علبه كرافن ايه
جه نصيبى أنى أروح له ف بقيت العشره جنيه
خدنى وخش الكباريه !

****

شرب الشمبانيا ومز وفضل ساعتين يتطوح
م الاكل وكتر الهز اتهد وحب يروح

****

قال له حسابك يامخالى قال حاضر يا مونبيه
الليله حسابنا خفيف قفلت على سبعه جنيه
دفع المبلغ وانا فوقه قال له مخالى مرسيه

****

وصحيح الدنيا عجيبه أعجب م الدنيا مافيش
فيها خدنى العامل أجره ودفعنى البيه بقشيش !

زياره

الصرف بحره كبير
مطوحنى من ايد لأيد
والجزر والمد جابنى
لحد باب الحديد
لقيتنى فى جيب أفندى
راكب ف قطر الصعيد
****
نزلت وياه ف قريه
بيوتها صاج وحصير
وجوه عشه قابلنا
راجل مسن ضرير
****
قال العجوز للجدع
كيف مصر حاجباك وغايب ؟!
قال لقمة العيش بتحكم
بالفرقه بين الحبايب
والله يابويا ف بالى
بس الحضر ميكرفون
ونفير يجيب الصمم
ونيون يغش العيون
والصبر ضاع ف الصراع !
****
قال العجوز حكمته
"يفيد بايه الصبر
لما يطول الطريق
غير الرغيف والقبر
ماينضمن أى شيىء"
ومات ورا كلمته !
****
وسمعت صوت الانين
من قلب انسان حزين
عقله اندفن ف المدينه
وضميره ف الفلاحين !

حكايه غير مفهومه

ومره واد شحط أنما ف اعدادى
سرقنى وش الفجر من جيب أبوه !
وبعد لحظه كان ف وسط الشارع
طلع ف بيت رن الجرس .. دخلوه
لقيت تلات طلاب وواحده تخينه
باين عليها انها مسكينه
خدتنى منه فى صدرها وزنقتنى
لكنى ما اعرفش الحكايه ايه
وبعدها حطتنى فى شنطتها
لقيت تلات ورقات بربع جنيه !
لا فهمت ايه الست دى صنعتها
ولا الجدع ده كان سارقنى ليه !!

لو نزلت المحروسة

لو نزلت المحروسة ملفوفة القوام
أم العيون بنفسجى
من قصرها العالى و شاورت لى
لوحدى من دون الأنام
حأغض بصرى
و مش حرد السلام
علشان أنا من سنة
نفضت إيدى من الغرام
***
لو دندن البلبل بصوته الرخيم
و ضم عودته تحت جناحاته
و كنت أنا وحدى النديم
حأقفل ودانى فى وش أنغامه
و أهيل عليه التراب
علشان أنا من سنة
شفت الغنا كداب
****
لو أصطفانى المضحك المشهور
بلبعه و أتشقلب قصادى
حيطل من عينى الغضب
و مستحيل أبتسم
مهما المهرج هاص و زاط
علشان أنا من سنة
عرفت إن الضحك إبن العياط
****
لو خصنى الفيلسوف
بحكمته المحفورة فى ذهن الزمن
و بدأ يوجه لى الحديث
حأخد طريق غير طريقه
و أمشى بعيد عن ندوته و الزحام
علشان أنا من سنة
مؤمن بلا جدوى الكلام

****
لو أتحشى فرشى بريش نعام
و لو ستارة غرفتى
مطرزينها بأجمل الأحلام
محال أغمض عيونى
مهما يزيد لومى
علشان أنا من سنة
ضيعنى نومى
***
لو النجوم تنزل و تمشى فى الشوارع
و لو العمارات تطير
و لو الضفادع فى الشتا عرقت
و الجو فى أغسطس أصبح مطير
و لو الحمير أتكلمت بفصاحة
و النملة صبحت فى ضخامة الفيل
مش حأندهش
بعد اللى فات
علشان أنا من سنة
إحساسى بالدهشة مات

مخالفه

وف مره أفندى معذب
يائس ف حياته وحاير
خدنى من واحد صاحبه
قابله ف الشارع ساير
طبعا علشان يتغدى
ويجيب ببقيتى سجاير
****
ومشى المسكين هيمان
يتنقل ع الرصفان
وقوام لقى نفسه فى ورطه
واقع ف ايدين الشرطه
قال للعسكرى ياشاويش!
أنا آسف وما قصديش
قال له ف شارع سليمان
ممنوع يمشى الانسان
من أى رصيف للتانى
من غير الاستئذان
****
ودفعنى وهوه حزين
من بعد ماكان فرحان
ورجعت خزينة الدوله
والراجل لسه جعان !

» مجموعة مختارة من اشعار ( سيد حجاب )
» مجموعة مختارة من شعر ( فؤاد حداد )
» مجموعة مختارة من شعر الأبنودى
» مجموعة مختارة من شعر الشاعر ( على سلامة )
» مجموعة مختارة من شعر ( ايمان البكرى )