| | مجموعة مختارة من شعر ( صلاح جاهين ) |  |
|
|
|
| كاتب الموضوع | رسالة |
|---|
mamado
من اسره مترو
الجنس : 
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| موضوع: مجموعة مختارة من شعر ( صلاح جاهين )  الأربعاء مايو 25, 2011 3:05 am | |
|
مجموعة مختارة من شعر ( صلاح جاهين )
قصاقيص ورق
منين اجيب مقص مجنون زيي
بس نص نص
واجيب ورق وافضل
اقص اقص اقص
افضل اقصقص ورد
من على كل لون
لحد ما اعمل عندى
حبه كتير كتير
واركب لى نسمه
واطير اطير
واحفن وادردب ع البلاد
مطر غزير
ينزل يرخ يرخ على قرعه
بنات اخت البشر
يتسبسبوا ويتشيكوا
ويبقوا لابسين لا مؤاخذه طراطير
ويا سلااااام..........
لو كان كمان معايا
وقتيها قلم كوبيا طويل
طويل طويل
ابله من قلبى اللى
عرقان م السفر
واكتب به وانا طاير
على خذ القمر
انا بحبك يا جميييييييييييل
قصاقيص ورق..
لكن مطر
يرخ ,جامد,قد
ما يحبوا الولاد
يادوب كده
مقدار ما يجروا ويمسكوا
مطر!..خطر!
ينزل على كتاف العجايز..
.يضحكوا
يشبك فى سلك التلفون
هنا وهنا وهنا وهنا
على كل لون
واللى ف جنازته فى التابوت
يفوت يبص
يلاقى عالم كله كله كله
زينه عيد ميلاد
ويبقى فصل,
لكين مفيش بالشكل ده
لابد من عيد الميلاد
انا عيد ميلادى مالوش معاد
فين الورق..والنسمه ..
والمقص والقلم يا واد
والا بلاش ده مفيش امل
اعياد كتير بيبتدوا وبيفرغوا
وبيفضل العالم كده
مكبوس ودمه تقيل تقيل
يا ربنا
ياللى خلقت لنا الايادى
للهزار وللعمل
ادينى قوه الف مليون ايد
علشان
ازغزغه!! | |
|
 | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: الموتى الأربعاء مايو 25, 2011 3:07 am | |
| الموتى
فى صفحه الموتى
بيكلمونى كل يوم الصبح
بصورهم الباهته
بعيونهم الثابته
بيسألونى كلهم إمتى
ح تنطبع صورتك كمان
انتا..........
هنا زيينا فى صفحه الموتى؟
حبايبنا يا غاليين
محناش ح نتأخر
الدور هيجى والمصير محتوم
ياللى صورتها بطرحه الزفه
ده حكم من قبل الوجود محكوم
يا اتنين عجايز حاج ومقدس
صورتين بلاسه والجبين مهموم
يا مغترب
يا صوره طالعه من جواز السفر
يا رسم على وش التابوت مرسوم
فى حفاير الفيوم....
وحفاير الفيوم
جبانه م الزمن العتيق
مشهوره بالصناديق
وعليها بالاالون صور مخاليق
كاهن..مراكبى..ست بيت..تاجر
بنيه حلوه..عسكرى..شاعر
صور بشر ايامهم انحسرت
مداينهم اندثرت
توابيتهم انكسرت
ما فضلش منها غير وشوش
بيبصوا نفس البصه
وبيحكوا نفس القصه
مستغرقين فى الموت
وفى الخلود رايحين
زى اللى فى الجرنال
فى صفحه الموتى
قلت الشبه من اين يتأتى؟
قالوا عشان الكل مصريين
الكل مصريين
الكل نفس الهويه
نعى المطارنه جنب نعى الشيوخ
طالبين سوا الرحمه الالهيه
طالعين سوا امجاد سماويه
فى وحده ابديه
ما تعرف الطايفه المسيحيه
م الاسلاميه...
تشهد صورهم جنب بعضيهم
فى الاعمده السوده البكائيه
بإن دى..هيا ديا
باحكى عن الموتى وملك الموت
يحصد امم ويدرى فى الملكوت
يقعوا كندف التلج غير مسموعين
او كالجبال يقعوا باربعها صوت
باحكى عن الموتى فى شتى العصور
وباقول عليهم الف رحمه ونور
مش باحكى ابدا عن امل دنقل
عايش رغم سكنى القبور
وقالوا فى الامثال..اللى خلف ماماتش
وعن امل يتقال ..اللى الف ماماتش
وسلام على اللى فى صفحه الموتى
وسلام على اللى فى صفحه الاحياء | |
|
| | |
حنان الحب
ناظرة محطة كل الناس
الجنس : 
عدد المساهمات : 1138
نقاط : 1698
تاريخ التسجيل : 28/09/2009
| | موضوع: رد: مجموعة مختارة من شعر ( صلاح جاهين ) الأربعاء مايو 25, 2011 1:04 pm | |
| واضح يا ممادو انك متزوق جيد للكلمه الحلوه
لدرجه انك بتعمل موضيع عباره عن جواهر لامعه من الشعر لكبار الشعراء
تحياتى القلبيه لمجهودك الرائع | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الخميس مايو 26, 2011 3:09 am | |
|
شكرا لكلامك الجميل .....ومتابعتك
وان شاء الله سنواصل ما بدأت
| |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: اه يا ضميرى الجمعة مايو 27, 2011 2:48 am | |
| اه يا ضميرى
آه ياضميرى يارزيل
طول عمرى وانت بلوتى
فى ساعة الصفو الجميل
تقطع عليا نشوتى
وتهفنى توشيح
كأنه شربة شيح
أصرخ بعزم قوتى
يادهوتى
****
فيه ناس كتير من غير ضمير
مش زعلانين من قلته
واشمعنى انا فى عكننه
من الضمير ومعاملته
على أى غلطه يشكنى
وف أوضه ضلمه يسكنى
يربطنى فى عمود السرير
ومستحيل يفكنى
ويدقنى بمسامير
ويدور المزامير
أصرخ بعزم قوتى
يادهوتى
****
حتة شريك لكن عاديك
دماغه أنشف م الخشب
نخرج سوا نشم الهوا
يعمل فصول لها العجب
نلاقى مثلا محفظه
على الرصيف .. مكلبظه
يشاورلى على قسم البوليس
ويملا مخى بموعظه
اجى أزوغ يقول ياغفير
ويبقى درس مرير
أصرخ بعزم قوتى
يادهوتى
****
فى مره كنت باحب بنت
وقعدت ييجى فوق عن سنه
فى المواعيد أقعد بعيد
علشان ضميرى فى وسطنا
هجرتنى صممت أنتقم
وابقى ولد شرير لئم
لكن ضميرى عضنى
ورفسنى خلانى انكتم
وادانى فى المناخير
خلانى أقول يامجير
واصرخ بعزم قوتى
يادهوتى
****
ليه بس ليه يا ضميرى بيه
مالينى همه ولحلحه
عاجبك كده بالشكل ده
بقيت كبير فى المصلحه
والشغل فوقى تلول تلول
وعرقى مرقى سيول سيول
واكبر وتكبر علتى
واعلى وتعلالى الحمول
ياسالقنى ع البواجير
مضايقنى قوى ياضمير
باصرخ بعزم قوتى
يادهوتى
يادهوتى
يادهوتى | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: مصر السهرانة ف عيون جاهين الإثنين مايو 30, 2011 5:21 am | |
| مصر السهرانة ف عيون جاهين
النور ملو الشوارع
و مليون راديو والع
الساعة اتنين صباحا
لكن إيه الموانع ! ..
الخلق رايحة جايه
و الدنيا لسه حيه
مليانه بالهأَو أَو
و زعيق القهوجية
واحد يقول لواحد :
خليك يا عم قاعد
التانى يقول له :
شكرا
ده انا م المغرب مواعد
فيه سهره لسه عندى
فى بيت فلان افندى
ح ناكل حاجة حلوه
و نشرب تمر هندى
و اللى تروح دالقه جردل
فوق حضرة المبجل
طبعا صاحبنا يزعل
و ينفجر شتايم
و الحى كله يوصل
ما بين مصلح و لايم
اللى يقول : يا جماعة
و اللى يقول : يا بهايم
و مطرب الاذاعة
يصرخ ، و ف وجده هايم
و لو طرطقت ودنك ،
فى وسط دى العظايم ،
تسمع مسحراتى ،
بطبله صوتها واطى ،
بيقــــــــــــــــــــول :
اصحى يا نايم | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: صــــديق عـمـري الجمعة يونيو 17, 2011 2:21 am | |
| صــــديق عـمـري
عشرين سنة
عمري أنا
أنا العجوز الشايب الحزين
أنا العجوز من غير ما تمضي السنين
أنا العجوز من قبل سن أربعين
عمري النهاردة
رغم المرار ده
في عمر وردة
عشرين سنة
كانلي صديق وكان حبيب عمري
هو اللي علمني المشيب بدري
حضرت مولد كل شعراية بيضا
عبرت سوالفه كما الشهاب تجرى
كما برْق سيف الحق في الهيضا
وسط الظلام تبرق هلال هجري
تحسب تاريخ الكون حقيقة ومجاز
كالأبجدية بالقلم لردواز
بالشعر لابيض كان يعلمني
أستاذ تاريخ وفي التاريخ أستاذ
قابلته من عشرين سنة وكلمني
وأنا لسة باحبي في الظلال
علمني مشية الرجال
سلمني راية النضال
ولحد هذا اليوم . . بيلهمني
وخياله كل ما اقع يقومني
وكل ما اتبعتر يلملمنى
وانهض واقوم بأمل جديد
وبقلب أقوى من الحديد
وليد . . عجوز . . شايب . . حزين
وعمري عشرين سنة | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: شوفــي قد إيه السبت يونيو 18, 2011 1:46 am | |
| شوفــي قد إيه
صلاح جاهين
يا بخت من يقدر يقول
و اللى ف ضميره يطلّعه
يا بخت من يقدر يفضفض بالكلام
وكل واحد يسمعه
يقف فى وسط الناس و يصرخ : آه يا ناس
و لا ملام
ييجى الطبيب يحكى له ع اللى بيوجعه
يكشف مكان الجرح و يحط الدوا
ولو انكوى
يقدر ينوح
و انا اللى مليان بالجروح
ما اقدرش اقول
ما اقدرش ابوح
والسهم يسكن صدري ما اقدرش انزعه
شوفي قد إيه؟
إحنا النهارده إيه فى أيام السنة
شتا والاّ صيف
و فين أنا
إيه اللى وصّلنى هنا
أنا صاحب البيت والاّ ضيف
صوتي انحبس
ما اقدرش اقول
ما عرفش حاجه عشان اقول
ما عرفش غيرك انتى بس
يا بت ياللى فى حبك العقل اتهوس
مكان غريب
كأنه سجن كأنه مخدع لحبيب
كأنه بير
شباك حديد وعليه ستاير من حرير
والريح بينفد منه زى المسامير
الريح عوى
قلبي انقبض
قلبي اتلوى
الشمس تلج اصفر شعاعها صاروخ هوا
الضلمه تلج اسود كتير
أُلوف أُلوف القناطير
خبينى فى شعورك يا بت
أحسن عروقي اتخشِّبت
شعرك خشن زى الحِرام الصوف يا بت
خبّينى فيه م الزمهرير ..
و نيمينى فى السرير | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) السبت يونيو 18, 2011 2:37 am | |
| عجبتني كلمة من كلام الوَرَقْ
النور شَرَق من بين حروفها وبَرَق
حبّيت اشيلها ف قلبي...قالت حرام
ده انا كل قلب دخلت فيه اتحرَق
عجبي!! | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| |
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| |
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| |
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| |
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: اوبريت الليلة الكبيرة الثلاثاء يونيو 21, 2011 2:14 am | |
| اوبريت الليلة الكبيرة
قبة سيدنا الوالي دي نوروها
محلا البيارق و الناس بيزوروها
قبة سيدنا الوالي في الجو عالية
محلا البيارق لما نوروها
حمص حمص دا اللي ماينقص
عمال يرقص يرقص
و يقول
اللي شاف حمص و لا كلشي
حب و اتلوع و لا طالشي
بسترك هات حبة بقرش
ها ها ها ها ها ها
حمص حمص حمص
إسعى إسعى إسعى إسعى
خدلك صورة ستة في تسعة
إسعى إسعى إسعى إسعى
ياسي عجورة النار خسعة
الله الله الله الله
عجمية باللوز طعمية أراجوز
اليلة الكبيرة يا عمي و العالم كتيرة
ماليين الشوادر يابا في الريف و البنادر
دول فلاحين و دول صعايدة
دول من القنال و دول رشايدة
يا حضرة الأراجوز قولي
نعم يا عمدة عاوز إيه
منين يروحوا لمتولي
إمدح نبينا و صلي عليه
اللهم صلي عليه
تمشي كدة على طول على طول
لحد ما تلاقي عمارة
تكسر يمين تلقى بتاع فول
دكانته على ناصية حارة
تدخل يمينك و شمالك
شارعين و في التالت تكسر
شارعين و في التالت أكسر
على اليمين واخد بالك
وتمشي على طول تتمخطر
وأمشي على طول و أتمختر
تفضل كدة تمشي و تلف
وتخش من مطرح ما طلعت
وأخش من مطرح ما طلعت
ولما تلقى مقلة لب
تعرف بإنك توهت و ضعت
دي وصفة سهلة
قوي قوي
دي وصفة هايلة
قوي قوي
مع السلامة
مع السلامة
يا ابو عمة مايلة
فتح عينك تاكل ملبن
فينك فينك تاكل ملبن
إوعى لجيبك لا العيب عيبك
قرب جرب نشن وسطن إيدك و سطن
إضـــــــــرب
يحميك يا بني تبقى غالبني
قرب خدلك حتة ملبن
فريرة للعيل
يابو العيال ميل
خدلك سبع فرافير
زمارة شخليلة عصفورة يا حليلة
طراطير يا واد طراطير
طراطير طراطير طراطير
الليلة الليلة السيرك تعالوا
دي فرجة تساوي جنيه قولوا هيه
بمناسبة هذا المولد يا ولاد
برنامج سواريه قولوا هيه
في السيرك شجيع يهجم عالسبع
ويركب دوغري عليه قولوا هيه
وبنات قمرات زي الشربات
حلوين مش عارف ليه قولوا هيه
وكمان بلياتشو تعالوا إسمعوا ناتشه
وشوفوا هيعمل إيه قولوا هيه
هيـــه هيـــه هيـــه
أنا شجيع السيما أبو شنب بريمة
أول ما أقول عليهوب و أصرخلي صرخة
السبع يتكهرب و يبقى فرخة
حالاً بالاً سأصارع أسد إنما إيه متوحش
وهخلي وجهه شوارع تسقيفة يا ناس ميصحش
أهو جه أهو جه تسقيفة بقا
تسقيفة أمال تشجيعة أمال
تعالالي الالي اللالي يا حبيبي تعالالي
السمك مقلي كل و برقلي صنف زي الفل
استخار و إختار فشة أو ممبار
يالا سمي و كل
يا ام المطاهر رشي الملح سبع مرات
بمقامه الطاهر خشي و قيدي سبع شمعات
يا عريس يا صغير
علقة تفوت و لا حد يموت
لابس و مغير و هتشرب مرقة كتكوت
بالزمة دة سابع عيل مزفوف من وقت قليل
مولد شالله يا معلم عقبال أولادك
كلم
واحد مظبوط و إتنين مصري
عمك حاضر جايلك دوغري
مسا التماسي مسا التماسي
ياورد قاعد على الكراسي
هات شاي يا دقدق عيني و راسي
سمعنا يا ريس حنتيرة
للصبح معاك السهيرة
سمعنا سمعنا
يا غزال يا غزال العشق حلال
دوبتني دوب خلتني خيال
يا شفتك فص فراولة و أنا لا قوة و لا حول
دوختلي قلبي على اولة
أه يا غزال العشق حلال
يارب يا عالم بالحال
تهدي حبيبي و يصبح عال
و أغني و أرجع بالموال و أقول يا غزال
وقف ياريس حنتيرة في ناس هنا قاعدة كتيرة
ولا حد قال هات تعميرة و لا واحد شاي
أه
اللي هيطلب راح يقعد
و اللي ما يطلبش يبعد
يالابنا نخرج يا مسعد شارع التورماي
ورينا القوة يا بني إو أضرب نت وهو
مين عنده مروه و عاملي فتوة
يقدر بقدارة على زق التارة و يفرقع بمبة
وسع وسع وسع وسع
أنا أزق التارة ميت بمبة
دانا الاسطى عمارة من درب شكمبة
سيطي من القلعة
لسويقة اللالة
لا لا لاله
أنا واخد السمعة
طب يالا تعالى
لاياعم سعيدة هأأو
دي البدلة جديدة
ههههأه سعيدة يابو بدلة جديدة
إوعد يارب إوعد أدي كمان قهوة
يالابنا يا مسعد ندخل على سهوة
طار في الهوا شاشي و إنت متدراشي
طارفه شاورلي شاورلي عليك
حكم الهوى ماشي
هوا العصاري على سطح جاري
خدني و رماني عليك و لا إنت داري
أهين يا ناري منك يا جاري
خدني ورماني رماني عليك هوا العصاري
طار في الهوا شاشي و إنت متدراشي
طارفه شاورلي شاورلي عليك
ماشي ماشي ماشي كلامك
اللي هيطلب راح يقعد و اللي مايطلبش يبعد
يالابنا نخرج يا مسعد شارع التورماي
ناس من بلدنا هناك أهم
روح يا إبراهيم إندهلهم
سلامات سلامات سلامات
سلامات
ع البلديات
ليلتكوا أنس و جلجلة إنشد و لعلع يا ولا
شفت في منام صاحب المقام دة أوبهة
و يمامة حايمة عليه بتسبح ربها
ميلت فوق يده وجيت أحبـــــها
صحوني من النوم خدت بعضي
وتني جاي و بعودة
حـــي
ياولاد الحلال بنت تايهة طول كدة
رجلها الشمال فيها خلال زي دة
زحمة يا ولداه كام عيل تاه؟؟
اليلة الكبيرة يا عمي و العالم كتيرة
ماليين الشوادر يابا في الريف و البنادر | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الأربعاء يونيو 22, 2011 2:32 am | |
| الشاى باللبن
اربع ايدين على الفطار
اربع شفايف يشربوا الشاى باللبن
ويبوسوا بعض ويحضنوا نور النهار
بين صدرها وصدره وبين البسمتين
ويحضنوا الحب اللى جمعهم سوا
على الفطار
ويحضنوا الشمس اللى بتهز الستار
وتخش من بين الخيوط وبعضها
مع الهوا
للاوده ترسم نفسها على ارضها
على البساط اللى اشتروه مع الجهاز
على الغرام اللى اشتروه من غير تمن
وعلى القزاز
ويشربوا الشاى باللبن
فى فنجالين
على الفطار اربع ايدين ودبلتين
بيصحوا قلبى كل ليله فى المنام
وبيكتبولى بلون منور فزدقى
على الهوا الاسود وع الجفن اللى نام
كلمه "سلااااااااااام" | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الجمعة يونيو 24, 2011 2:59 am | |
| رباعيات جاهين
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي!!
...................
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!
.............................
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي!!
..........................
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي!!
........................
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي!!
...........................
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي!!
.........................
أحب أعيش ولو في الغابات
أصحي كما ولدتني أمي و ابات
طائر .. حيوان.. حشرة .. بشر ..بس أعيش
محلا الحياة.. حتي في هيئة نبات
عجبي !!......................
سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!
.......................
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!......................
رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!
....................................
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبى !! | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الجمعة يونيو 24, 2011 3:00 am | |
|
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!......................
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
...........................
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!
.........................
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!
...........................................
ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!
.....................................
منين أجيبها كلمه متألمـــــــــــــــــة
لعيبه فايره حايره و مصممــــــــــه
منين اجيبها كلمه تكون بنـــت ارض
تشفي اللي ما شافهوش كلام السمـا
عجبي !!
.........................................
أنا قلت كلمة و كان لها معنييـــــــــن
كما بطن واحده و توأمين زي وشين
لو دنيا شر.. التوأم الخير يمـــــــوت
لو دنيا خير .. الشر ح يعيش مــنين
عجبي !!
................................
أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي !!
.............................
بره القزاز كان غيم و أمطار و بــــــــرق
ما يهمنيش – أنا قلت – و لا عندي فرق
غيرت رأيي بعد ساعة زمـــــــــــــــــان
و كنت في الشارع .. و في الجزمة خرق
عجبي !!!
...........................................
عيني رأت مولود علي كتف أمـــــــــــه
يصرخ تهنن فيه يصرخ تضــــــــــــمه
يصرخ تقول يا بني ما تنطق كـــــــلام
ده اللي ما يتكلمش يكتر همـــــــــــــه
عجبي !!
...........................................
في الهو ماشي يا بهلوان إش إِش
يا فراشة منقوشة علي كل وش
شقلبت عقلي و عقلي شقلبني
و كنت باحسبني بقيت ما اندهش
عجبي !!
| |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الجمعة يونيو 24, 2011 3:02 am | |
| وقفت ساعة الصبح باغسل سناني
قالت لي شايف قوتي و لمعاني ؟
إيش تطلب اليوم مني ضحكة أسد ؟
والا ابتسامة اعلانات أمريكاني ؟
عجبي !!
............................................
الحلو يم اليم صابــــــــــح رايح
سارح في حضن الميه سابح سايح
الحلو داب في البحر , قلــــت أدوقه
وجدت لسه البحر برضك ماــــــلح
عجبي !!!
.............................................
يا كل كلمة للعجب في قامــــــــــــوس
انسكلوبيديا لسان العرب أو لا لاروس
تعالوا نجدة . ده لسه في عصـــــرنا
الشمس و البحر العريض بالفـــلوس
عجبي !!!!
............................................
الموج تلول تهبط وتطلع تلــــــــــــول
يا بحر خدني الشط صاحبك ملـــــــول
و الا بلاش الشط ح اعمل به أيـــــــه
ده ريحته طحلب مهري و ام الخلــول
عجبي !!!
............................................
ما آنتاش بتلعب ليه يا روح بابــــا ؟
و لا عسكري و لا لص في عصابة ؟
إلعب أسد أو ديب رهيب أو غـــــزال
دي الدنيا في نهاية المطاف غابـــــة
عجبي !!!
.................................
ورد في ورق سلوفان يا حلوة اهديلك ؟
و الا انقله بالطين في الشتلة و اجيلـــــك
الأولاني لو وحا بحنــــــــــــــــــــــانــي
عجبي علي التاني بإيــــــــه يوحيلــــــــك
عجبي !!
.......................................
أنا قلبي كوكب و انطلق في المدار
حواليكي يا محبوبتي يا نور ونـــار
يلف مهمــــا يلف ما بيكتفــــــفيش
وتمللي نصه ليل و نصه نهــــــــار
عجبي !!
...........................................
الأرض شوك أيوه لكين هايش
و الحمرة مش يعني الطريق حايش
دي دمنا السيال .. وبشرة خيـــــــر
ان انتي عايشة و ان كنت أنا عايــش
عجبي !!!
.........................................
إيه اللي خدته من مرور السنــــــين
يا قلبي الا دمعتك و النيــــــــــــــين
بتئن و ترجع و بتفرح و ترجع تحــن
مع إن مش كل البشـــــــــــر فرحانين
عجبي !!!!
.............................
اوقات أفوق و يحل عني غبــــــــــايا
واشعر كأني فهمت كل الخبايـــــــــــا
و افتح شفايفي علشــــــان اقول الدرر
ما أقولش غير حبة غزل في الصبايــــا
عجبي !!!
..............................
يا ملونين البيض في شم النسيـــــم
لون الحنين و الشوق و خمر النديم
ما تعرفوش سايق عليكو النبــــــي
تلونوا الأيام بلون النعيــــــــــــــم ؟
عجبي !! | |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الجمعة يونيو 24, 2011 3:04 am | |
|
الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور
عجبي !
..........................
قطي العزيز راقد علي الكنبــــــات
في نوم لذيذ .. و بيلحس الشنبات
و انا كل عين فنجان مدلدق قلــق
صدق اللي قال إن الحياة منابات
عجبي !!
.....................................
قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي !!!
...............................
سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهــــوه
يطلع كلام سلام .. و سلام كلام
عجبي !!!!
..................................
فوق تحت . ورا قدام . يمين شمـــال
في الجو . تحت الميه . أو في الرمال
طلب الكمال يحرم علي الممـــــــــكن
و الممكنات دول محرومين م الكمال
عجبي !!!
.................................
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
...................................
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت
عجبي !!
......................................
حاسب من الاحزان و حاسب لها
حاسب علي رقابيك من حبلها
راح تنتهي و لابد راح تنتهي
مش انتهت أحزان من قبلها؟
عجبي !!!
| |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الجمعة يونيو 24, 2011 3:06 am | |
|
أنا إله الوجد رب الهيــــــــــــــــام
أضرب بسهم الوهم وهم الغـــــرام
و هم الغرام من كتر ما هو لذيـــــذ
رشقت انا ف صدري جميع السهام
عجبي !!!
__________________
حدوته عن جعران و عن خنفســــــــــه
اتقابلوا حوا بعض ساعة مســـــــــــــــا
و لا قال لهم حد اختشوا عيب حـــــرام
و لا حد قال دي علاقة متدنســــــــــــــة
عجبي !!!!
===============
ياللي عرفت الحب يوم و انطــــــــــــوي
حسك تقال مشتاق لنبع الهـــــــــــــــوي
حسك تقول مشتاق لنبع الغــــــــــــــــرام
ده الحب .. مين داق منه قطره...ارتوي
عجبي !!!
===============
زحام و أبواق سيارات مزعجـــــة
للي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة
عجبي!!
===============
إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!
===============
يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!
| |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الأحد يونيو 26, 2011 2:11 am | |
|
أعـرف عيـون هي الجمـال والحسـن
واعـرف عيـون تـاخد القـلوب بالحضن
وعيون مخيفة وقـاسـية وعيـون كتيـر
وبـاحس فيهـم كـلهـم بـالحــزن
عجبي !!
ازاى شبـابنـا يقـوم ويـاخـد دوره
من غيـر صـراخ يؤذيه ويجـرح زوره
يـا هال ترى أحسـن لـه يقعـد سـاكت
أو ينثرك ولـو خـرج عـن طـوره ؟
عجبي !!
إخطـفنى ياللى تحـبنى ع الحصـان
الدنيا قالت يــوم فى مـاضى الزمان
إخطـفنى ياللى تحبني ع الفـرس
الدنيا قالت . . قم خطـفها الشــيطان
عجبى!!
أحـب أعيش ولـو أعيش في الغابـات
أصحي كمـا ولدتني أمي وأبات
طـائر . .. . حشرة . . بشر . . بس أعيش
محـلا الحيـاة . . حتى فى هيئـة نبـات
عـجبى !!
إقلـع غمـاك يـا تـور وارفض تلـف
إكسـر تـروس السـاقيـة واشـتم وتف
قال : بس خطوة كمان . . وخطوة كمان . .
يا أوصل نهـاية السـكة يا ألبير يجف
عـجبى !!
أنا شـاب لـكن عمري ولا ألف عـام
وحيـد ولـكن بين ضلوعي زحـام
خافي ولـكن خوفي مـنى أنـا
أخـرس ولـكن قلبي مـليـان كـلام
عـجبى !!
أنا كـل يـوم أسـمع . . فلان عذبوه
أسـرح في بغـداد والجزاير واتوه
مـا اعجبش م اللي يطيق بجسمه العـذاب
وأعجب مـن اللي يـطـيق يعذب أخوه
عـجبى !!
أنا قلبي كان شخشيخة أصـبح جـرس
جلجلت بت صـحيوا الخـدم والحـرس
أنـا المـهرج . . قمتو ليـه خفتو ليـه
لاف إيدى سـيف ولا تحت مـنى فـرس
عـجبى !!
انـا الذى عشـت الزمن مضـيعة
بـروح حـزينة معـفنة مضعضعه
زرعت شـجرة سـنط لجل أنجرح
لقيتهـا شـعر البنت ومفـرعـه
عـجبى !!
انا الذى عمري اشـتياق فى اشـتياق
وقطـر داخـل في محطـة فــراق
قصـدت نبـع السـم وشـربت سـم
مـن كتر شـوقى وعشـمى فى الترياق
عـجبى !!
| |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الأحد يونيو 26, 2011 2:14 am | |
|
أنا اللي بالأمــر المحــال اغتـوى
شـفت القمـر نطـيت لفوق فى الهوا
طـلته مـا طـلتوش إيه انـا يهمنـى
وليـه … ما دام بالنشـوة قلبـى ارتوى
عـجبى !!
أنـا إلـه الـوجــد رب الـهيــام
أضـرب بسـهم الوهـم وهــم الغـرام
وهــم الغــرام مـن كتر مـا هو لذيذ
رشـقت انـا ف صـدرى جمـيع السـهام
عـجبى !!
أنا قلبـى كـورة . . والفـراودة أكـم
يـامـا اتنطـح وانشـاط .. وياما اتعكم
واقـول له كـل ح ينتهى فى المعـاد
يقـول بسـاعتك ؟ والا سـاعة الحكم ؟
عـجبى !!
يا باب يامقفول أمتى الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!
| |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الأحد يونيو 26, 2011 2:16 am | |
|
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!
إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!
في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!
وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!
يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!
جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!
أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!
كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمــــــــــــــــــــ ـوع
و ما لوش دوا غير لمسه من إيد حبيب
عجبي !!!!
| |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الأحد يونيو 26, 2011 2:18 am | |
|
إيه اللى خدتـه من مرور السـنين
يا قلبـى الا دمـعتك والأنـيـن
بتئن وبتفــرح وترجــع تحــن
مـع إن مـش كل البشر فرحـانين
عـجبى !!
إيش تـطلبى يـا نفسـى فـوق كـل ده
حظــك بيضــحك وانـتى متنكـدة
ردت قـالت لـى النفس : قـول للبشـر
مـا يبصـوليش بعيـون حـزينـة كـده
عـجبى !!
آه لـو أنا ومحبـوبى جـزنا الفضـى
فـى سـفينة وحـدينا . . وأشـيا رضا
سـاعة صـفا تعجبنـا نرجـع لـهـا
والهـم قبـل ما ييجى … يبقى مضى
عـجبى !!
أهوى الهـوى وهمس الهوى فى العيـون
وبسـمة المغـرم . ودمـعـه الحنــون
وزلــزلات الحــب نهــد الصــبا
اكـون أنـا المــحبوب . أو لا أكـون
عـجبى !!
أوصـيك يا إبنـى بالقمــر والزهـور
أوصـيلك بـليل القاهـرة المســحور
وإن جـيت فى بالك .. إشـترى عقـد فل
لأى سـمرا … وقبـرى إوعـك تـزور
عـجبى !!
اوقـات افـوق ويحــل عنـى غبـايا
واشـعر كأنى فـهمت كـل الخبـايـا
وافتـح شـفايفى عشــان أقـول الدرر
مـا أقـولش غير حبة غزل فى الصبايا
عـجبى !!
إيـديا فـى جيوبـى وقلبـى طـرب
سـارح فى غربة بس مش مـغترب
وحـدى لكـين ونسـان وماشـى كده
وبـابتعد … ما اعرفش … أو باقترب
عـجبى !!
أيـوب رمـاه الـبـين بـكـل الــعلل
سـبع سـنين مـرضان وعـنـده شـلل
الصـبر طيـب . . صـبر أيـوب شـفـاه
بـس الأكـاده مـات بـفـعل الـمـلل
عـجبى !!
إنشـد يـا قلبـى غنــوتك للجـمـال
وارقص فى صـدرى من اليمين للشـمال
مـا هـوش بعيـد تفضـل لبكره سـعيد
ده كـل يـوم فيـه ألف ألف احتمـال
عـجبى !!
| |
|
| | |
mamado
من اسره مترو
الجنس :
عدد المساهمات : 1497
نقاط : 2413
تاريخ التسجيل : 06/10/2010
الموقع : العجوزة-الجيزة
| | موضوع: رد: مجموعة مختارة من شعر ( صلاح جاهين ) الأحد يونيو 26, 2011 2:20 am | |
|
بحـر الحياه مليـان بـغرقـى الـحياه
صـرخت خش الـمـوج فى حلقى ملاه
قارب نجـاه ! . . صـرخت قالوا مفيش
غير بـس هو الـحب قـارب نـجـاه
عـجبى !!
بره القزاز كـان غيـم وأمطـار وبـرق
مـا يهمنيش – أنا قلت – ولا عنـدى فـرق
غيرت رأيــى بعــد ســاعة زمـان
وكنت فـى الشـارع … وفـى الجزمة خرق
عـجبى !!
البـط شـال عـدى الجبال والبحـور
ياما نفسـى اهـج … أحج ويا الطيـور
أوصـيك يا ربى لمـا امـوت … والنبى
مـا تودنـيش الجنـة … للجنـة سـور
عـجبى !!
بلياتشـو قال إيـه بس فايدة فنونى ؟
وتلات وقق مسـاحـيق بيلـونـونى
والطـبل والزمـامـير وكتر الجـعير
إذا كان جنون زبونى زاد عن جنونى
عـجبى !!
بين موت وموت . . بين النـيران والنيران
ع الحبـل ماشـيين الشـجاع والجبـان
عجبى علادى حيـاة . . ويـا للعــجب
إزاى أنـا – يـاتخين – بقيت بهـلوان
عـجبى !!
الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!
علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!
- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!
السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!
علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!
عيني رأت مولود علي كتف أمـــــــــــه
يصرخ تهنن فيه يصرخ تضــــــــــــمه
يصرخ تقول يا بني ما تنطق كـــــــلام
ده اللي ما يتكلمش يكتر همـــــــــــــه
عجبي !!!!
غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون … و ليــــــــه
رسمت ورده وبيت و قلب و علـــــــــــم
عجبى!!!!
| |
|
| | |
| | مجموعة مختارة من شعر ( صلاح جاهين ) | |
|
