الماضى الجميل
راكب نشيط
الجنس : 
عدد المساهمات : 167
نقاط : 324
تاريخ التسجيل : 30/05/2010
العمر : 45
 | موضوع: اى كلام وخلاص  الأربعاء مارس 16, 2011 9:08 pm | |
| هو : هاي
هي : هاي
هو : ممكن نتعرف ؟
هي : ممكن ... مين معايا ؟
هو : معاكي ديفيد ... ديفيد بيكهام
هي : ديفيد بيكهام ... لعيب الكورة
هو : أيوه يافندم ... الله ... انتي تعرفيني
هي : أكيد ... أنا كنت متابعاك امبارح في ماتش انجلترا وموزمبيق ... كنت تجنن وانت واقف جون
هو : متشكر على ذوقك العالي
هي : ويا ترى انت منين
هو : هولندا
هي : بلد جميل جدا ... خصوصا برج ايفل
هو : طبعا .... أنا لازم أشربه كل يوم قبل التدريب ... أصله مفيد جدا
هي : وبتلاقي وقت تخش على الماسنجر ؟؟؟
هو : أيوه ... أصل في سيبر جنب الاستاد ... بزوغ بين الأشواط وفي الوقت بدل الضايع وأديها شات ..
هي : جميل جدا ... طول عمري بحب التزويغ
هو : بس أنا معرفتش مين معايا ؟
هي : أنجلينا جولي
هو : لا مش ممكن ... حضرتك بطلة طومب رايدر ؟؟؟
هي : ايوه ... الله ... شكلك بتتفرج على أفلام كتيييير ...
هو : أيوه طبعا ... وبحب كل أفلامك ... خصوصا دورك في سبايدر مان
هي : أووووه ... ده كان دور صعب جدا ... الواد بيتر تعبني جدا
هو : فعلا ... هوه شكله واد خيخة جدا ومش عاجبني ...
هي : انت كمان خدت بالك؟ ... لأ وكمان كان على طول يجي ضارب كشري ... وريحة بقه مليانة توم ... ياااااي
هو : معلش ... هيه دي مشكلة الشباب الضغير ... مبيراعيش أعراض القولون ...
هي : بس انت حلاقتك تجنن ... بتحلق فين ؟
هو : عم مستكة الحلاق .... حلاق عالمي مشهور في العتبة
هي : العتبة ؟ ... فين دي ؟
هو : دي مكان راقي جدا في القاهرة .... بيجمع أفضل الفنانين في كل المجالات ... لازم تيجي تشوفيه
هي : القاهرة ....؟؟؟ ... بس انت قلت انك من هولندا
هو : أيوه ماهو أنا بقضي الهوليداي بتاعتي في إيجيبت بلد الحضارة
هي : اااااااه ... طيب ويا ترى هواياتك ايه ؟؟؟
هو : يعني ... كوره ... بلاي ستايشن ... شعبطة أتوبيسات
هي : شعبطة إيه ..... ؟؟؟
هو : دي رياضة مشهورة في إيجيبت ... بيمارسها الناس كل يوم الصبح ... بتحرك كل عضلة في جسمك .... وتوديها حتة تانية غير مكانها
هي : حاجة هاي وروعة
هو : فعلا حاجة "سو فاني" .... وانتي ايه هواياتك ؟
هي : يعني ... أخرج مع براد بيت ... ألعب مساكة
هو : واو ... مساكة ... شكلك دماغ
هي : أيوه ... أصل بابي كان مربينا في أرقى مناطق هوليوود .......... شبرا
هو : جميل جدا .... طيب أستأذن عشان سامع صفارة الشوط التاني
هي : وأنا كمان ... لحسن براد بيدور عليا ... الظاهر مش لاقي الممسحة
هو : باي
هي : باي
هو : (في سره) "بت هبلة"
هي : (في سرها) "عيبط ده ولا يه"
| |
|
بريق الامل
من اسره مترو
الجنس : 
عدد المساهمات : 2939
نقاط : 3423
تاريخ التسجيل : 16/02/2011
الموقع : الجيزه
| | موضوع: رد: اى كلام وخلاص الأربعاء مارس 16, 2011 10:18 pm | |
| والله عندهم حق هما الاثنين هبل وفشارين تسلم ايدك يا ماضي  | |
|
فارس
راكب درجه فاخره
الجنس :
عدد المساهمات : 965
نقاط : 1609
تاريخ التسجيل : 07/10/2009
| | موضوع: رد: اى كلام وخلاص الإثنين مارس 28, 2011 5:28 pm | |
| ههههههههههههههه
يا المسنجر بيخبى | |
|
