the Mr
راكب مميز
الجنس : 
عدد المساهمات : 304
نقاط : 659
تاريخ التسجيل : 09/11/2009
العمر : 39
 | موضوع: أخر كلام  الإثنين مارس 01, 2010 7:03 pm | |
|
أخر كلام
بعد
مابقلع هدومى
قبل نومى
لازم أقرا كام مقاله
نرفزونى..سخنونى
حفزونى..إنى
أكتب
عن ولاد الكلب
والسفاح شارون
قول سهرت
نمت..بعد
الفجر ما إدن
والعيال بيقومونى
صحصحونى
قمت مفزوع من
منامى
هجت فيهم
جت مراتى قالت لى..مالك
إيه جرالك؟
ليه
بتشخط فى العيال
قلت باحلم
كنت باحلم إنى ميت وانفزعت
انبسطى..؟
كشرت
وبسرعة قالت:
إيه دا أصله. طب وماله
يستحق الموت وأكثر
اللى
يهرب من عياله
كنت فين م المغربية؟
تيجى بعد الفجر مادن؟
إنت
فاكر إن دا ح يخيل على
شعرإيه؟
واللا إيه بتهببه.. وتقول
قضيه
هى فين هى القضيه؟
هم يعنى كلمتينك.. اللى حى يحلوا
القضية؟
هيه
ناقصة
وإحنا مالنا
ما انت شايف . كله خايف
والمدافع
همسه حايره..عالشفايف
وانت عارف
الصهاينة ناس قويه.. ومفتريه
واللى
أدهى من داكله
لما يبقى الكل نايم.. وانت قال تكتب
قصيده!!
عن
ولاد الكلب والسفاح شارون
أبقى نايمه!!
أسمعك بتقول شارون؟
من
غير سلام ولا يحزنون!
انت فاهم إنه ح يهمه الكلام؟
واللا
دول عايزين سلام؟
واللا ح يخاف من كلام؟
هو همه من كلينتون.
واللابوش
واللاهمه من باراك.. واللاهمه من...!
واللا عايز
تبقى شاعر؟
واللا من أبنود جنابك؟
واللا عايز تقديريه؟
قلت
طبعاً
أى شاعر يستحق التقديريه
يستاهلها عن جداره
مش
خساره
ليه يا خويا
هو طلع إسرائيل؟
واللا عمر فى
الصحارا
حاجه تانيه!!
والقطاع العام بيخسر
كان منع
عنه الخساره؟
واللاسكان المقابر
كان بنالهم كام عماره؟
واللاشغل
ألف عامل
أو منعهم من الدواره؟
واللا وزع عالغلابة
ألف
طن من الدقيق
واللاحتى كام شيكاره؟
فوق لروحك
هو
خدها عن وهيبه
والأغانى لعبد حليم
مش عشان حل القضيه
القضية
هى.. هى
واحنا فى الخيبه القويه!
قلت جاهله.
إنتى
جاهله
انتى فاكره الشعر ساهل؟
دا اللى ينكر فضل شاعر
يبقى
جاهل
قلبك ابيض
مش حترجع الا لما يحبسوك
عالكبر
ويبهدلوك
انت بتقول يا سادتنا يا قادتنا..
ارفضوا تهديد
أمريكا والتحيز لليهود؟
طب ولو زعلت أمريكا
طب منين
حيأكلونا؟
والحكومة نفسها بتمد إيدها
ويقولوا لهم شحتونا!!
انت
عايز يحبسونا ؟
لوعايزنا نقب اكتب
حط همك فى الأغانى
فطر
الشعب بأغانى
نيم الشعب باغانى
والأغانى..
بيبعوها
بالدولار الأمريكانى
واللا يعنى جت علينا
واشتهينا الفقر..
تانى؟
عيش وهيص
شجع الأبطال ولادنا
اللى رفعوا راس
بلدنا
مسخروا أولاد ناميبيا
واللا ليبيا.
عيش وهيص..
انت
يعنى كنت غاندى..؟
واللا حافظ واللا شوقى؟
واللا بيرم أو
جاهين؟
مانت طول عمرك بتكتب!
حد سمعك؟
قول لى مين؟
والا
كام واحد بيحضر
فى النداوى ف أى حته
حتلاقيهم..خمسه سته!
أما
لو تكتب أغانى
تبقى نجم ولك سماك
واللى جاى يطلب لقاك
واللى
يتصور معاك
والصحافة والإذاعه
والبرامج..
كله ح يسجل
معاك
زى شعبان عبدالرحيم
واللا شوف جمهور حكيم
تبقى
شاعر زى صاحبك
كل واحد يرضى عنك
الحكومه والصهاينه والخلايجه
والتوانسه
والاجانب
والذوات
بالخصوص صنف البنات
هو دا آخر كلامى
تمشى
بيه.. أو تفارق من سكات
ميت يمين ماتقول قصيده
لاملا كل
الدار صوات
واللى يسأل تانى عنك
راح اقول له غار ومات!
Posted by wooshoo_2@yahoo.comat 3:30 PM1 comments
Labels: الشيخ امين الديبSaturday, January 19, 2008 | |
|
احمد عبيد
راكب درجه فاخره
الجنس :
عدد المساهمات : 854
نقاط : 1395
تاريخ التسجيل : 31/10/2009
العمر : 41
| | موضوع: رد: أخر كلام الإثنين مارس 01, 2010 7:28 pm | |
| حلو قوي الاسلوب ده في الكتابه بيسموه الاسلوب الفطري وعلي فكره ده اسلوبي في الكتابه
بس بجد شاعر جامد جدا اللي كتب الكلان ده ووطني بجد
تسلم مستر فعلا من زمان ما قريتش قصيده بالحلاوه ديه والجمال ده | |
|
فارس
راكب درجه فاخره
الجنس :
عدد المساهمات : 965
نقاط : 1609
تاريخ التسجيل : 07/10/2009
| | موضوع: رد: أخر كلام الإثنين مارس 01, 2010 7:41 pm | |
| هههههههههههههههههه
ده قصه مش شعر | |
|
the Mr
راكب مميز
الجنس :
عدد المساهمات : 304
نقاط : 659
تاريخ التسجيل : 09/11/2009
العمر : 39
| | موضوع: رد: أخر كلام الإثنين مارس 01, 2010 7:48 pm | |
| | |
|
خالد محمود
راكب درجه اولى
الجنس :
عدد المساهمات : 565
نقاط : 956
تاريخ التسجيل : 18/10/2009
| | موضوع: رد: أخر كلام الإثنين مارس 01, 2010 8:04 pm | |
| جاااااااااااااااااااااااااااااااااااااااااااااااااااااامده يا مان | |
|
اوشا
راكب مميز
الجنس :
عدد المساهمات : 284
نقاط : 504
تاريخ التسجيل : 13/10/2009
| | موضوع: رد: أخر كلام الإثنين مارس 01, 2010 8:24 pm | |
|
واللى يسأل تانى عنك
راح اقول له غار ومات!
الراجل اللى كتب الكلام ده
جامد طحن
| |
|
