من وحي طوابير فرن العيش في العهد البائد

قمت بكنابتها في العهد البائد واعيد كتابتها اليوم حتي لا ننسي ما كنا فيه من ظلم وفساد
وادعو الله ان لا اضطر الي كتابه مثلها في هذا العهد

من وحي طوابير فرن العيش في العهد البائد 137964

من وحي طوابير فرن العيش في العهد البائد 137964

طوابير فرن العيش ليست كأي طوابير علشان كده حبيت اكتب عنها واقول اللى في نفسى
وكمان اقول لكم اللى بيحصل هناك
وبذات في افران عيش النهضة الجديدة وطائرها المغرد.
لما تيجي رايح الطابور لازم تشد الرحال وتودع اهلك وتشحن موبيلك.
فربما تطول الغيبةاكثر من يومين ؟! ربما اسبوع او شهر اواكثر
.
شوف بقي وانت واقف في الطابور او قاعد او نايم .. مش دا المهم
المهم اللى بيحصل في العالم الغريب اللى اسمه طابور العيش.
ايه اللى بيحصل بقي؟؟
وانت واقف في اخر الطابور اللى مش شايف اوله فين تسمع نغمه موبايل الراجل اللى قدامك ترررررن ويرد.....
- الو
-!!!!!!!!!!!!!!!!!!!!!!!
-هاتيه يا وليه، يا واد ياجزمه انا متغرب وسايب حالى عشان اجيب عيش وانت بتشرب سجاير
طيب وحياة امك لما اجيلك في اجازة الفرن .
ويقفل الخط
اما الاتنين اللى وراك فكل واحد فيهم بتفشخر على التانى....
الاول - جدي كان شهيد سنه 56
وعمى شهيد سنه67
وابويا في 73
الثانى - وايه يعنى ما انا عمى شهيد العبارة
واخويا شهيد حدود ايطاليا
وابويا مات فى موقعه طابور بطاقة التموين
وخالى استشهد فى طابور فرن العيش السنه اللى فاتت ومراته ماتت من الجوع
.
وكان فيه ثلاثة قاعدين على الرصيف سمعت منهم فكرة جامدة موت
الاول - ليه ما يدوش ابو تريكه يوزع الدقيق
الثانى - ايوه على الاقل ابوتريكه بيصعب عليه الغلابه
الثالث - ويا ريت حسن شحاته هو اللى يمسك الفرن

وانت واقف لقيت واحد من اللى وقفين في الطابور جايب معاه راديو
ونشرة الاخبار كان فيها تصريح على لسان مسئول تموين النهضة
المس؟؟؟؟؟: - اؤكد لكم ان موضوع طوابير العيش ده اشاعه مغرضه من الاصابع الخفية،
طوابير العيش ذى الفل ومفيش حد بيقف في الطابو اكثر من ثلاث ساعات بس
واللى بيقف ذيادة خمس دقايق بياخد على كل دقيقه رغيف زيادة ،
وانا شارح ده في كتابى (تدبير الجهابز فى علم المخابز
(
المذيع :- نشكر سيادة مسئول النهضة على هذا التصريح الصريح

والي اللقاء