ياراجيانى

يا راجياني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

لمّ سحابة تلاقي سحابة

وتنزل منها دمعة عشاني

لمّ تلاقي مسافر عايد

تمشي وتسألي عن عنواني

وانا عنواني عيونك انتي

وأي مكان تمشيهو مكاني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

ياالفرهدتي فرح جواية

أنا جملتك بألواني

أنا علمتك تاخدي المعنى

من إحساسي وتدي معاني

أنا سافرت عشانك انتي

وسبت البلد الما ناسياني

كم حاولت أصارحك ياما

إلا العزة بقت مانعاني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

إستنيني ولو حاولت تصدي حناني

إستنيني ولو حاولت تصدي حنيني

ياما حتشقي ماظن تلقي

حِنيّن زيي يريدك تاني

ألأيام وانا قربك انتي

مهما تطول محسوبة ثواني

إنتي جمالك ياهو جمالي

وانتي زهورك من ريحاني

الأفراح بعرف ميعادا

وأي زمان تلقيهو زماني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

تتحدانى



للشاعر اسحاق الحلانقى
غناء والحان وردى

تسلم يااستاذ ربيع محمد
على الطرح الجميل
وبنتظار جديدك

تسلم يا بحر ويسلم مرورك الدائم

يسلموا يا استاذ ربيع على الشعر الجميل ده
واختيارك الاجمل
شكرا لزوقك الجميل

صلاح الدين كتب:

يسلموا يا استاذ ربيع على الشعر الجميل ده
واختيارك الاجمل
شكرا لزوقك الجميل

شكرا لك ياصلاح لو لم اجدكم جميعا بلا استثناء انكم تتذقون المعانى الجميله
وتزيدون عليها من ابداعاتكم لما اكملت
شكرا لكم جميعا اخوة واخوات

اختيار كما تعودنا منك دائما
راااااااااااااااااااااااااائع
كلمات راقية
وزوق عالى
تسلم ايدك

تصورى مزاجى عالى كدا من غير لاقهوة ولاسجاير يادوب ميه ساقعه
ولو ساقعه قوى اسكر