هما كلمتين لشاعر العاميه احمد فؤاد نجم

[center]
كل عين تعشق حليوه
وانتى حلوه فى كل عين
ياحبيبتى قلبى عاشق
اسمحى لى بكلمتين
كلمتين يا مصر يمكن
هما اخر كلمتين
حد ضامن يمشى امن
او مأمن يمشى فين
شابه يا ام الشعر ليلى
والجبين شق النهار
والعيون بحرين امانى
والخدود عسل ونار
واللوالى من ابتسامتك
يحكو اسرار المحار
ياللى ساكنه القصر العالى
امتى يهنالى المزار
كلمتين ياصبيه
طال على الانتظار
كلمتين يا مصر يمكن
هما اخر كلمتين
قصرك المسحور غيلانه
اغبى من دود الغيطان
بعض مص الغصن الاخضر
ينحتو عضم العيدان
واللى خلى الارض خضرا
واللى خلى الدار امان
عاش بجوعه ملو جوفه
مات بخوفه من الغيلان
روح الغلبان ما قلشى
عن شقا العمر اللى كان
كلمتين يا مصر يبقى
همااخر كلمتين
ادى كلمه من عذابى
قلتهالك وباقى كلمه
من حنينى صنتهالك
فى الضلوع من دنيا ظالمه
كنت خايف يلمحوها
يقتلوها فى سكه ضلمه
شقشقت النور بشاير
زهرة الصبار ياسلمى
يانسيم الشوق ياطاير
خد لمصر الصبح كلمه
طول مايبقى الركب ساير
بالبصاير والعينين يبقى ضامن
يبقى امن..يبقى شايف يمشى فين

هما بس كلمتين
ومن هيسمح ليك تقولهم
وكل حته مخبرين
واللى قالهم قبل منك
راح فى سابع ارض طين
واللى حاول يومها يفهم
راح سراية مجانين

سندريلا كتب:: هما بس كلمتين
ومن هيسمح ليك تقولهم
وكل حته مخبرين
واللى قالهم قبل منك
راح فى سابع ارض طين
واللى حاول يومها يفهم
راح سراية مجانين

الله عليكى حافظه وعارفه
بارك الله فيكى ودمتى

يا سلام يا عم ربيع يا جامد
اختيار رائع فوق الوصف
تسلم ايدك
وزوقك الجميل

كلمتين يا بلدنا نفسى
نفسى اقولك كلمتين
ليه الغلابه فيكى خايفه
والامان للفاسدين
ليه فيه ناس مش لاقيه تاكل
وناس فى تخمه وشبعانين

صلاح الدين كتب:: يا سلام يا عم ربيع يا جامد
اختيار رائع فوق الوصف
تسلم ايدك
وزوقك الجميل

اشكرك ياابو صلاح
تحياتى لك

خالد محمود كتب:: كلمتين يا بلدنا نفسى
نفسى اقولك كلمتين
ليه الغلابه فيكى خايفه
والامان للفاسدين
ليه فيه ناس مش لاقيه تاكل
وناس فى تخمه وشبعانين

علشان احنا فى مصر

تسلم يمينك

ولك تحياتي

[quote="خالد محمود"]كلمتين يا بلدنا نفسى
نفسى اقولك كلمتين
ليه الغلابه فيكى خايفه
والامان للفاسدين
ليه فيه ناس مش لاقيه تاكل
وناس فى تخمه وشبعانين[/quote
ايه دا كله ياخالد
اظهركدا وورينا مواهبك....اتارى الكبت خلى الناس شعراء
تحياتى لك

البحرالوافي كتب:: تسلم يمينك

ولك تحياتي

تسلم يابحر ياذوق

» انا مصرى لشاعر العاميه احمد فؤاد نجم
» مجموعه كبيرة من قصائد الشاعر الكبير احمد فؤاد نجم
» رباعيات احمد فؤاد نجم
» مؤلفات على احمد باكثير . قصص ورويات ومسرحيات على احمد باكثير. المجموعه الكامله لمؤلفات على احمد بكاثير
» مجموعه اشعار لشاعر كبير