قصيدة مافيش حاجة للشاعرة ايمان بكرى

يسلمووووووووووووووو

والله يعطيك العافية

ولك تحياتي

[b][u][center][right][list][*]
مانيش عايزة حاجه ولا محتاجه انا الحاجه
لو عايز صحيح حاجه مخللتيوليش ولاحاجه
عموما بصو فيه حاجه
حقولها بس محتاجه لعقولهم تفهم ولو حاجه
مهياش مفهومه ولا حاجه
نفسرها بكام حاجه
نوضحها بكام حاجه
واهى حاجه مع حاجه
هتظهر وتبان لنا حاجه
انا مابخفش من حاجه
ومانيش مسنوده ولاحاجه
هيحصل ايه ولاحاجه
هيعملوا ايه ولاحاجه
وبعيد الشر بعيد الشر
لو واحد من القاعدين
من السامعين من الضالين
قالهم حاجه هيعملوا ايه
اكيد برضه ولاحاجه
فتوكل على الستار
لوجه الله تقول حاجه
فيه ناس بتعيش عشان حاجه
وفيه ناس بتموت على الحاجه
وناس تديلك الحاجه وتبقى ليها محتاجه
وناس تديلك الحاجه وتاخد قدامها ميت حاجه
وناس تكبر وتكون حاجه
وناس تصغر عشان حاجه
وناس منظر ومش حاجه
وتلقاه كبير وحرس ونفير
وهو جبان وشيخ منصر
ولايبنش عليه حاجه
كلامى ياخلق فيه حاجه
لحد دلوقتى فيه حاجه
كلام عادى وبسيط جدا
ولافيهوش ولاحاجه
اما انا مااقدرش اقول حاجه
صحيح نفسى اقول حاجه وميت حاجه
وياخدونى وراء الحاجه
وهو لو سمع حاجه هيعملوها ميت حاجه
عموما بصو لو واحد من القاعدين
عاوزنى اقول حاجه
بقول له مابخفش من حاجه
نعم فيه ايه
لا لا مافيش سرقه ولاتهليب ولاتهريب ولاحاجه
قضيه ايه
ياشيخ روح خلاص مافيش حاجه
حرامى ايه..ولكح ايه..وهرب ايه
شفافيه ايه مافيش حاجه
بتقول ايه..لا لا عيب
لافيه تدليس ولاتدبيس ولاترقيص ولاحاجه
سمع هس انا حاسه فيه حاجه
دقيقه سكات لتبقى حداد زمانكو ياخلق فيه حاجه
دا بقى اذا كان فيه حاجه
انا عن نفسى مش حاسه بولا حاجه ولامتضايقه ولاحاجه
سعادتك برضه مش زى مافيش حاجه
اهه بيقول مافيش حاجه
جنابك برضه مش زى مفيش حاجه
اهو بيضحك وبيقول مفيش حاجه
انا قولتلكوا من الاول مفيش حاجه
على النعمه يا اخوانا مافيه حاجه
ورحمه ابويا على ابوك على اللى جابوك مافيه حاجه
وعهد الله وعهد الله مافيه حاجه
وماخللونا ولاحاجه
بقول ايه خلاص فركش
ويالا يااخوانا مافيش حاجه.



افففففففففففففففففففففففففففففففف

رائع يا استاذ ربيع
تسلم ايدك

دى شا عرة جامده طحن
تسلم يا عم ربيع

مافيش حاجه
ولا حاجه
لان احنا ولا حاجه
ولا نسوى لهم حاجه
نموت م الجوع
نعيش فى نجوع
ونستسلم لهم فى خضوع
ويوم ما يقرروا يبيعوا
يبيعوا الشعب بلا حاجه

عزيزتى شاهدت لها حلقه مع ابراهيم عيسى فأعجبتنى القصيد وطريقه الالقاء
ادى كل الحكايه
وعلى رايها فيه حاجه؟؟؟؟؟؟؟؟ شكرا لكى

تيتو كتب:

مافيش حاجه
ولا حاجه
لان احنا ولا حاجه
ولا نسوى لهم حاجه
نموت م الجوع
نعيش فى نجوع
ونستسلم لهم فى خضوع
ويوم ما يقرروا يبيعوا
يبيعوا الشعب بلا حاجه

يا تيتو الكبت يولد الاشعار

البحرالوافي كتب:

يسلمووووووووووووووو

والله يعطيك العافية

ولك تحياتي

تسلم يا بحر شكرا لك

حنان الحب كتب:

رائع يا استاذ ربيع
تسلم ايدك

تسلمى وشكرا لكى

اسد الغابه كتب:

دى شا عرة جامده طحن
تسلم يا عم ربيع

شاعرة متمكنه جدا شكرا لك ياملك

تسلم ايديكى اناحقيقىبحب ايمان بكرى

كنانة كتب:

تسلم ايديكى اناحقيقىبحب ايمان بكرى

شكرا لكى
على فكرة الموضوع خاص بى الاخت الفاضله الامورة نزلت الفيديو الخاص بالالقاء
معظم المنتدى يتذوقون الشعر وشعراء ايضا

دى شاعرة رائعة