حبايب قلبي
وحشتوني كلكم جدا جدا جدا
جبتلكم النهاردة 4 أصناف من الفراخ ان شاء الله يعجبوكمانا الفترة اللى فاتت كنت مقاطعة اللحمةفكانت كل اكلاتي بالفراخ صورت اللى قدرت اصوره
وان شاء الله يارب وصفاتي تعجبكم
علشان انتو غاليين عندي جدا جدا
( 1 )شيش طاووق بطريقة ام مريم 
( 2 ) دبابيس فراخ محمرة 
( 3 )صدور الفراخ المشوية 
( 4 )كفتة الرز بالفراخ 
ان شاء الله يعجبوكم
نبدأ
بسم الله الرحمن الرحيم
( 1 )شيش طاووق بطريقة ام مريم المقادير حوالى 1/2 كيلو وراك فراخ مغسولة كويس جدا ومقطعة
التتبيلة بتاعت الشيش طاووق وهي عبارة عن عصير ليمونة
كوب زبادي
ملح وفلفل اسود
ملعقة صغيرة كاري
ملعقة صغيرة زعتر
ملعقة صغيرة كسبرة ناشفة
رشة بسيطة شطة
بصلة صغيرة مفرومة ناعمة جدا جدا
3 فصوص ثوم مطحونين ناعم جدا جدا
طماطماية متوسطة مقشرة ومعصورة
نخلط كل المكونات دي مع بعضها بالشكل ده
نجيب طاسة
نحط فيها حتة زبدة صغيرة
ننزل عليها الفراخ تعمل تشوك
علشان تحتفظ بالعصارة بداخلها
ننزل الفراخ في التتبيلة
نغطيها بالبلاستيك الشفاف ونسيبها ساعتين على الأقل في التلاجة
او ممكن لتاني يوم يكون أفضل
بعد كده نحضر الخضار بتاعنا
فلفل رومي وفلفل حار وبصل وطماطم
بعد مانطلع الفراخ من التلاجة
نشغل الفرن على درجة حرارة متوسطة
ونجيب صينية نحط فيها ميا مع شرائح الليمون ونزش فيها شوية زعتر
نجيب اعواد الشيش طاووق
وندخل فيها الفراخ بتاعتنا مع الخضار بالشكل ده
بعد كده نرصهم على الصينية
بعد كده ننزل التتبيلة المتبقية على الفراخ بالمعلقة كده
ندخلها الفرن لحد ماتستوى وبتبقا ريحتها جنااااااااااااااااااااااااااااااان
طبعا ممكن تتاكل كده وبيبقى طعمها رووووووووووعة
بس انا عملت خطوات تانية
نزلت الشيش طاووق في الحلة
ولعت فحمة على البوتجاز
وحطيتها في طبق قصدير
او ممكن ورق سيلفر تعمليه زى الطبق
ونحطها في الحلة كده
ونغطي الحلة لمدة 5 دقائق
بعد كده نغرف الشيش طاووق في الطبق
طبعا في السندويشات بيكون تحفة
بس انا عملت جنبه رز بشعرية
