اكتب عربي صح
السلام عليكم و رحمة الله و بركاته
قال عمر بن الخطاب -رضي الله عنه-:
"تعلموا العربية فإنها من دينكم، وتعلموا الفرائض فإنها من دينكم".
الفرانكو ارب
او
الانجلو ارب
او
اي اسم يطلق علي هذة اللغة
لغة دخيلة علينا
كتابة اللغة العربية بحروف و ارقام انجليزية
اللغة العربية هي اللغة الوحيدة اللي حصل معاها كده!!!
سبحان الله!
يعني عمرنا ما شوفنا حاجة زي كده في اللغة الانجليزية ولا الفرنسية
بالعكس دا احنا بنشوف شعوب بتحيي لغتهم اللي اندثرت و متمسكين بيها و احيوها بعد ما ماتت!!!
زي اللغة العبرية!!!
اليهود رجعوها تاني بعد ما كانت اندثرت
و اجبروا كل اللي يتعامل معاهم يتكلم بيها
طيب ليه احنا بقي بنعمل كده في لغتنا
هويتنا
لغة القرآن
اللغة العربية
هل دي مثلا عقدة الخواجة!!!!
بقينا نكتب عربي بحروف انجليزي
من كتر ما الموضوع ده ما بقي منتشر اصبحت اللغة دي شبه رسميه!!!
يعني لو دخلت علي جوجل و كتبت اي جملة فرانكو و طلبت ترجمه ليها باللغة الانجليزية هتتطلع!!
!!!!!
حتي متصفح جوجل اعترف بيها كاللغة و بقي يترجمها!!!!
و احيانا كتير اللغة الجديدة دي بتكون غير مفهومة خصوصا اخوانا العرب لما يكتبوا فرانكو!!!
يعني لو حد لبناني او خليجي او غيرة كتب فرانكو انا بقشعر و انا بقراه من صعوبته!!! يعني دا لما بيتكتب كلامهم بالعربي بيكون مش مفهوم اوي مابالك بقي فرانكو!!
شفرة!!
طبعا انا مش بسخر منهم انا بقول بس قد ايه الموضوع ده بيكون صعب اوي...يعني اسهل فرانكو ممكن يتفهم هو المصري
بس برضو احنا عايزين نساعد بعض و نبطل نكتب بيه
طيب و افرض اننا اتفقنا علي اننا نكتب عربي و نبطل فرانكو
ممكن بقي نكتب عربي صح !!!!!!!!!!!! !
بجد لازم نعرف نكتب عربي صح مش ممكن تبقي لغتنا الام و نكتبها غلط
و ياريت غلط عادي لا دي غلطات شنيعة
لو شفت تعليق حد بالعربي علي صورة ولا علي موضوع ولا حتي رساله
تتصدم من الكلام
والله ولا الشفرة!!!!!!!!!!
بالعربي اه
بس غلط غلط غلط من هنا لبكرة
مثلا كلمه الله
كتير بيكتبوها
اللة!!!
ازاي يا جماعة اللة يعني
اسم ربنا اولا مينفعش نكتبه غلط
ثانيا اخر الاسم هاء مربوطه
لكن التاء المربوطة بتخلي الكلمة تتنطق اللات!!!
مثلا ان شاءالله
دي اشهر حاجة ببتكتب غلط
انشاءالله
انشاء زاي!!!!!
انشاء يعني خلق
!!! ينفع
لا طبعا!!!
بتتكتب ان شاءالله
مثلا لما حد يحلف بيكتب
واللهي!!!!
جبت منين الياء دي!!!
بتتكتب والله!!!!
و طبعا الامثلة اللي عن الموضوع ده لا تعد ولا تحصي!!!
انا مش بقول اني انا اللي جامدة اوي في العربي لا ابدا
دا انا نفسي اعرف اكتب عربي صح
عشان دي فعلا لغة افخر بيها
من فترة فكرت اروح لاي مركز بيدرس لغات و اسأل عن كورسات لغه عربية
طبعا اترد عليا بعاصفة من السخرية و الاشمئزاز!!!!!
اصل مفيش حاجة اسمها كورس لغة عربية!!!
دي لغتنا و مش محتاجين فيها كورسات
مع اني متأكد ان موظف السنتر اللي رد عليا كده مبيعرفش يفك الخط!!! و اللغة بتاعته دي اللي بيقولي مش مستاهله ناخد فيها كورس متأكد انه حتي مش بيعرف يقراها
!!
لقيت فكرة تانية
احنا ممكن عشان نتعلم عربي صح نقرا في المصحف كتير و نركز في الكلام مكتوب ازاي
في طريقة تانيه كانت بتتعمل معانا في الدار انهم بيحفظونا القرآن بالكتابه!!!!
اولا عشان يثبت
تانيا عشان نعرف بيتكتب ازاي
ماهو القرآن هو مصدر اللغة العربية
ممكن برضو نقرا كتير
و في شتي المجالات
اولا معلوماتنا هتزيد
ثانيا الحصيلة اللغوية عندنا هتكبر
بجد نفسي اوي نبطل نكتب فرانكو
و نفسي اكتر لما نكتب عربي نكتبه صح
لازم نرجع للغة دي مكانتها تاني
نساعد بعض اننا نتعلم عربي صح
نحاول نشوف حد يساعدنا في انشاء مراكز لتعليم اللغة العربية
وجزاكم الله خيرا