النهايه

يوم في يوم غريب فيهو الشمس
لمت غروبها وسافرت
بانت نجوم متفرقات زي الدموع
فى خد حبيب ودع حبيبته السافرت
والليل ضفائر حزنه مداها الألم
زي التقول عارف النهاية القاربت
والكون حزين خلف الهجير
شاف الربيع غابت شهوره وهاجرت
شفتا الفريق ضامي الفرح
فى دار حبيب ضميتو في قلبي الحنين
ماتت خطاي ضاع الأمل
واحترتا في خوفي الدفين
عاينتا لقيت الحبيب في عرشوا
في تاجو الحزين
حولوا العيون فيها الفرح
بس الفرح في عيونوا ماقادر يبين
والدمعة في عينيك تودع طيف حبيب
خليتو لي قدر السنين

اشتقتا لي طيف الحبيب
ومشيت طريق اسمو المصير
ودعتا زهرات الأماني
ورجعتا لي ألمي الكبير
حسيت شعور الراهب السار السنين
مشتاق يفتش ليهو دير
لمن تعب سارت خطاهو علي الدرب
خاف الأمل كره المسير
ياحبي عيش كلمات خطاب
من الحبيب كان النهاية
حرفوا الدموع صدروا النحيب
والحسرة كانت فيهو غاية
خلاني اغرق في المصير
وانا لسه عايش في البداية
أندم علي الحلم اللي راح
واطفي الشموع وابكي النهاية
وابكييييي وابكيييي النهاية القاربت .


من روائع سيد خليفه

بريق الامل كتب:

انت نبع من الابداع
بوح عذب بعطر الفن
تسلم يا زول قصيده تمس
الجلب وتبكي العين
صباحك ورد

ههههههه
حلوه الجلب دى.......دىمن الصعيد الجوانى
انا برضو فوجئت بالاداء العبقرى لسيد خليفه
وايضا الحديث بين الشاعر والضيف واثر القصيده
فى الشاعربعد سنين تركته لحبيبته الاولى والزواج بغيرها
تاملو هذاالاحساس علىالشاعر

اشكرك لهذاالاطراء الاكثر من حقى

طبعا اختيار عبقرى

القصيده جميله فعلا

والاحساس اللى فيها هزنى بصدق

تسلم ايدك اخى ربيع