شال النوار ...لمحمد الامين

[شال النوار
كلمات الشاعر: اسحاق الحلنقى




يا ريت من أول وريتنا
انك يمكن تتأخر يوم
كان غايتو اطمّنا شوية
وبحرك يا ليل ما طفنا نجوم
بيقولوا الغائب عذره معاه
وفي غيابك ياما نشيل اللوم

مرت لحظات وكمان ساعات
طالت ووحياتك منتظرين
لو وشوش صوت الريح في الباب
يسبقنا الشوق قبل العينين
ونعاين الشارع نلقاه
تايه في دموع المغلوبين

العيد الجاب الناس لينا
ما جابك يعني نسيتنا خلاص؟
مع انك انت الخليتنا
نغني الحب ذكرى واخلاص
صبحت دمعتنا وسادتنا
وكده حاول اعرف لينا خلاص

شال النوار ظلل بيتنا
و من بهجة وعدك وما جيتنا
وفضلنا وحاتك منتظرين
شوف وين روحتنا وديتنا شوف وين




غناء والحان الفنان محمد الامين

تسلم ابة رابى ودوووووم الابداع يافنان

وحشتنا الدرر المكنونة بتاعتك والصهللة والجلجلة يافنان

ربنا يسعدك على طول يا ربيع المتروووووووووووووووووووو
تقبل تحياتى يا كوتش

ههههههههههه
معلش يا ميدو اتاخرت عليك فى الرد خاااااالث على راى استاذتنا اميره
لكن شوف قوه الكلمات واللحن والاداء ثنائى جميل قدم روائع