بالفيديو و الصور...القبض علي قس أسيوط مع فتاة في سيارة مشبوهة

اخى العزيز رسلان/
ارجو منك بحكم الصاقة والاخوة بالله ان تسمعنى بكل هدؤ ومحبة بعد الصلاة على الحبيب محمد صلى الله علية وسلم .......
اولا اخى رسلان حتى لو الخبر دة صحيح المفروض المتهم برىء حتى تثبت ادانتة صح ولا اية احنا فى دولة قانون ولا يجب التشهير بالناس وانا بقصد اللى مروج الخبر ومنزل الفيديو دة على اليوتيوب مش حضرتك انا عارف انك ناظر همام وعايز تنقل لنا الخبر حصريا يعنى الذنب مش ذنبك بس انت بلعت الطعم زى اى واحد غيور على دينة واسلامة وبنات بلدة ودة شىء جميل بس انا عايز اقولك ان ممكن تكون دى فتنة من اخوانا المفسدين اللى بيخططوا لالهاء الناس فى فتنة طائفية وحرق البلد ارجو منك ان تتماسك يا اخى وتعتصم بحبل الله ونحن معك الى ان نرى اخرتها اية علشان ممكن يكون بالمنتدى معانا اخوة مسيحيين وانت عارف طول عمرنا عايشين مع بعض على الحلوة والمرة ومستحملين ولا عمرنا سمعنا وشوفنا حاجات زى دى الا اليومين دول وانت عارف وخصوصا الصعيد كلة فتنة طائفية فارجو منك التريث الى ان تتجلى الحقيقة وكمان عايز اقولك ما تفقدشى الثقة بالقضاء المصرى لانة ما زال بخير والدليل واضح فى قضية رد القاضى محمد رفعت فى قضية المخلوع فاصبر يا اخى ولا تنجر وراء تلك الخبار لانى واثق انها من فعل ابالسة حتى تقع الفتنة ونتقع البلد واحنا مش عاوزين كدة
واخيرا تقبل منى اخى رسلان وجهة نظرى البسيطة حتى ننهض بمصرنا ونرجع زى زمان والخير هايعم علينا ان شاء الله
\ودمت بخير يا اخى رسلان والله انى احبك فى الله بس انا خايف على مصر زيك تمام ويجب ان ننصخ انفسنا لانها اهم فترة فى تاريخ مصر وهى فترة حساسة لازم ننصح انفسنا ونوعيها وجزاك الله عنا كل الخير حضرة الناظر
وتقبل مرورى وتحياتى

ا حول ولا قوة الا بالله
من المعروف ان حوادث القساوسه الجنسيه فى مصر كثيره ولكنها كانت لا تخرج من امن الدوله الا فى اوقات معينه للضغط على شنوده فى موقف ما
على العموم ده العادى بتاعهم
ولسه يا ما هنشوف الايام الجايه بعد انطلاق حريه الاعلام الحقيقيه فى مصر

تعقيب /.....
مساء الفل على احلى ناظر ..رسلان
انا هعقب على كلامك الرائع بكام جملة بسيطة :::::
-----------------------------------------
يا اخى انا هدفى انى اوصل فكرة واحدة هى ان نحترم بعضنا ونتعايش بصورة سلمية مع بعض بمعنى ان المسيحى والمسلم ايد واحدة يعنى مصريين والدين طبعا لله والوطن للجميع اما بخصوص وجهة نظرك انا شايف انها سليمة مية بالمية ودة كلام المسيحى العاقل قبل المسلم اة والله هناك اخوة مسيحيين كتير جدا وجيرانى بيقولوا كلام جميل وان النظام البائد هو السبب فى خلق الفتنة الطائفية بيننا بمعن استخدام الدين فى لعبة السياسة القذرة ودة معروف منذ زمن واشار الية زميل لى فى رد سابق عجبنى عن ان امن الدولة بيطلعوا كروت فى اوقات معينة للضغط على البابا شنودة لهدف معين يخدم مصالحهم لكن الفكرة اللى عايز اوصلها لجميع من يشاهدونا اننا دولة اسلامية والاخوة المسيحيين عايشين معانا منذ قديم الازل ومصر تحتضن كل الاديان انا نفسى نفهم ان كل الفساد اللى زرعة نظام مبارك افسد العلاقة بين الاقباط والمسلمين
وكانت الغلبة لهم فى اى قضية اة والله امن الدولة للمخلوع كانت بتنصف المسيحى على المسلم وكلنا عارفين دة كويس ارضاء لامريكا والغرب المسيحى لكن يا اخى انا عاوز نهدى الاوضاع حتى نستطيع ان ننتخب الاصلح وكلنا طبعا عارفين هاننتخب مين انا عايز نفوت عليهم فرصة افساد الانتخابات علشان لما ان شاء الله نحكم البلد كل شىء يرجع لاصلة وكلة هياخد حقة ان شاء الله لان المجلس هيكون بارادة الشعب وفية نواب من قلب الشعب وبعدين نرشح رئيس شجاع للمرحلة القادمة اللى عايزة بطل محارب بمعنى الكلمة لان البلد منهارة بكل شىء واوعى تصدق ان الجيش كل المور فية تمام لا والله الفساد فى الجيش اكبر من الحياة المدنية .؟
وربنا يستر وانا بادعى ان النتخابات تتم على خير وبعدين نتحاسب ومفيش حد هايفلت من المحاكمات الحقيقية وان غدا لناظرة قريب
وتقبل تحياتى اعمل اية موضوعك هو موضووع الساعة ودى بلدنا ولا اية وياريت كل عضو يدخل ويقول راية وبكفايانا عدم اهتمام مصرنا تنادينا مصرنا جريحة ياخوانا صحصحوا ربنا كبير والله وهو اللى نصر ثورة 25 يناير وماحدش يخاف لان صوتك دلوقتى مهم لاولادنا ولمستقبلهم