إياك تقول تعبت
إياك تقول تعبــت ده انــت لســه فى البدايـــــــة
لازم تكـون عنيـــد عشان تِكَمِـــــلْ الحكايــــــــة
ما تحاول مرة ثانية ما تقولش خلاص كفايـــــة
ما دام ف الروح إيمان أكيد هتوصل ف النهاية
و إياك تقول تعبت
لو يوم حلمت بحلم ضاع سيبه و احلم من جديـد
ما تسبش نفسك للضياع حاول هتوصل يوم أكيد
لو حتى قابلك ويل صعاب خلى أعصابك حديــــد
وإياك فى يوم تقول يأست لازم يكون قلبك عنيـد
و إياك تقول تعبت
الدنيا دايـــرة يا صاحبـــى و كل يــوم فيها بحـــــال
ساعات يكون حظك شديد ساعات تلاقى البخت مال
لكن أكيــد الفـــرح ييجــــى مهما ليـــل الحزن طــال
بس انت تصبــــر حبتيـــن و كل شئ هيبقى عـــــال
و إياك تقول تعبت
للشاعر محمد الخطيرى
