قامت الثورة ... وقال الشعب

قبل ان تقوم الثورة كان لسان حالنا يقول : إصبر على جارك اقصد رئيسك السو اما يموت او تجيله مصيبه تاخده
كان منا من يقولون الراجل كبر وموته قرب كلها ايام ويموت وبعدين نشوف ايه اللى هيحصل
قالوا توريث وقالوا اغتصاب حقوق الشعب واعدام حريتهم
وقامت الثورة وانتفض الشعب
فكتبت :

الثورة وحرية الشعب
مطلب كان فى الامنيات
قامت الثورة ...وقال الشعب
مش عاوزينه إن شاالله ما مات
عايش! ميت!..مش عاوزينه
رد شوية من أنصاره :
يرحل ويسيبنا فى أزمات؟!
قال الثوار :
أزماتنا هنقدر نغلبها
بس يرحل سارق الممتلكات
واكل قوتنا وناهب جيبنا
ومكوش بالمليارات
عايش ميت ... ميت عايش
يمشى يسبنا إن شاالله ما مات
آل إيه عاوز ابنه رئيس
وفى الحزب كانت البدايات
مِلك أبوه إحنا ولاّ وارثنا
ولاّ هننسا شهيد علشانّا مات
من النهاردة مفيش توريث
ولا حتى عاوزينه رئيس
امشى وغور انت وابنك
ومراتك هى وحكومتك
وحبيبك ونظيف بالذات
أصلك انت ماعندك أصل
وحرامى ونصاب فى الأصل
والأخر بتقول شحات!!!!!!

شكرا لك كلام جميل هذا ماكان يجب ان نقوله من زمان
سلمت يداك

شكرا لمرورك العطر اختى/ تاج الإيمان
اكيد ده كان مطلب كل الشعب لذلك تحقق المطلب واخذ الشعب ما أراد
وإن كان ما تحقق ليس كل المطالب إلا ان المطلب الأساسى هو رحيل رأس الحية عن جسدها وبذلك يسهل القضاء على باقى الجسد لنعيش بسلام واطمئنان
تحياتى وتقديرى لكى اختى الغالية

واضح انك يا ايهاب شاعر متمكن
فين الكلام الحلو ده من زمان
اكتب ومتعنا يا فنان
وفى انتظار ابدعاتك دائما

زجل جميل ايهاب
فكرتني بالعم بيرم التونسي
تسلم الايادي
قامت الثورة ... وقال الشعب 569747

حنان الحب كتب:: واضح انك يا ايهاب شاعر متمكن
فين الكلام الحلو ده من زمان
اكتب ومتعنا يا فنان
وفى انتظار ابدعاتك دائما

شكرا اختى /حنان الحب
مرورك اسعدنى وشرفنى
واشكرك على مجاملتك الرقيقة
وذلك وسام على صدرى من اخت عزيزة وقارئة متمكنة وفاهمة
تحياتى لكى اختى العزيزة

بريق الامل كتب:: زجل جميل ايهاب
فكرتني بالعم بيرم التونسي
تسلم الايادي

اشكرك اختى / بريق
مرورك عطر صفحتى
اما بخصوص بيرم فانا فيييييييييييييييييييين والأستاذ بيرم فييييييييييييييييييين
ولكن ده وسام اعتز بيه اشكرك جزيلا عليه
تحياتى وتقديرى لكى

الله عليك بجد
انت تنفع تعملك كتاب كامل

شكرا اختى / لولو
والله ايدى على كتفك انا اكتب بس مين اللى هيدفع
وعندى شرط القلم والورق عليكى ماشى
ههههههههههه أوعى تغيرى رأيك بعد ما تقرى الكلام ده

ايهاب عبد المنعم كتب:: شكرا اختى / لولو
والله ايدى على كتفك انا اكتب بس مين اللى هيدفع
وعندى شرط القلم والورق عليكى ماشى
ههههههههههه أوعى تغيرى رأيك بعد ما تقرى الكلام ده

هو ان قلت حاجه لا انسى كل الكلام الي انا كنت كتباه في الاول
هههههههههههههه

ولا خلاص انا عندي ورق كتير بس الرباح نصف بالنصف ماشي

طيب انتى بتعلى صوتك ليه
كده يطمع فينا كل اللى فى المنتدى ويقوللنا فيها لاخفيها والكلام ده ممكن يقطع علينا المصلحة
عموما لو حد دخل فى الموضوع اديله كلمتين زجل ويخرج
هههههههههههههه

وانا نصيبي فين من الارباح وبعدين هزعل وهبلغ جميع الاعضاء في المنتدى هههههههههههههههههههههه Laughing

اه كده العملية شكلها خسرانه
بس عموما اذا خسرت فلوس فانا كسبت اخوة مميزون وقراء اذكياء
ومتزعليش انا هضمك لقائمة الشركاء
تحياتى لكى اختى الغالية

خلاص انا معاك وخلاص مش هقول لحد
سركوا في بير ههههههههههههههه

اه الامر فعلا طلع مرهق بس لازم نتعامل بروح الابطال ونصبر والاخر اكيد المكسب كبير

بس ممكن تضحكو عليه بعد ماتكسبو وبعدين اناهزعل وانا زعلي وحش قامت الثورة ... وقال الشعب 529283

هههههههههههههههههههههههههههههههههههههه

لا هو فين الزجل وهخرجهم
كده اي واحد هيدخل هيطمع فينا
كده مش هيكون النصف بالنصف
كده هيكون الربع بالربع

انا فين من الهيصه دى وبعدين يا ايهاب
جاى تبيع على رصيفى من غير ماتدفع
ارضيه
ماشى ياعم حلال عليك

اوعى تفهمنى صح عمى ربيع
انا كنت ناوى اقولك فى الملعب بس انتم فركشتوا الماتش بدرى
قولت اعملهالك مفاجأة واجيبلك نصيبك ناشف
عموما مادام قلت حلال عليك يبقى انت متنازل عن حقك وكده هوزعه على باقى الاعضاء كنفحة من عمى ربيع
هههههههههههههههههههههههه

» "إنقاذ الثورة": الشعب سيسقط الإخوان كما أسقط الحزب الوطنى
» الاخوان المسلمون تهنئ الشعب بعيد طهور الثورة و... ترقع بالصوت
» سوف يتم انشاء حزب جديد غدا لكى لا ننسى الثورة وضحايا الثورة
» يا من صنعتوا الثورة انقذوا الثورة
» وقال استووا ..