الـظـروف
كنا قبلك يا حليوة في دروب ما فيها إلفة
لا الصباح زاور دروبنا لا قليب نلقالو مرفا
لمّا حن الليل علينا ولاّعينك جابتنا صدفة
ما غريب علينا شوفتك زي زمان بيناتنا عرفة
الظروف يا حلوة دايماً لعيون حلوة بتجيبنا
يا رضت بريدنا ليها ولاّ صبح الهم حبيبنا
الزمن تاريهو برضو بقساوتو بيصفى مرة
جابني ليك من غير إرادة وصحى في أعماقي ذكرى
زي عيون في خيالي ديمة هسه ليها بحاول أطرى
وفي عينك الليلة تهت وما بيهم لو اشقى بكرة
الظروف يا حلوة دايماً لعيون حلوة بتجيبنا
يا رضت بريدنا ليها ولا صبح الهم حبيبنا
العيون العاجبة سيدها نحن برضو نشتهيها
والضفاير الحاضنة ليلنا شايلة ضي أفراحنا فيها
هدي ليلو وعزي ريدو والعيون ما تكسفيها
ولو خطاك بخلت علينا نحن بشوقنا بنجيها
الظروف يا حلوة دايماً لعيون حلوة بتجيبنا
يا رضت بريدنا ليها ولا صبح الهم حبيبنا
حمد الريح
