مبارك فقد النطق أثناء التحقيق معه اليوم

قررت النيابة اليوم إيقاف التحقيق مع الرئيس المخلوع مبارك وذلك بعد أن إستمر التحقيق معه 5 ساعات متواصلة فى تورطه فى الموافقة على التصدير الغاز لإسرائيل بسعر أقل بكثير من السعر العالمى وقد أوقفت النيابة التحقيق بعد أن فقد مبارك النطق وأغمى عليه من شدة التعب والإرهاق وأسرع الأطباء فى المستشفى بسرعة لعلاجه حيث اكد مصدر طبي من داخل المستشفي ان الاطباء المعالجين لحاله الرئيس اضطروا لتهدئته بأدويه منومه حتي يمر من حاله الارهاق النفسي والتعب الذي تعرض له وطالب الأطباء من لجنة التحقيق تأجيله لحين إستقرار حالة مبارك

اتوقع ان مبارك ستطول فترة التحقيق معاه ومنهاالى البراءه لانى بيتم فى الكواليس كيف ينجى مبارك ببدنه من السجن والدليل انه فقد النطق وتم اعادته للمشفى وكل مره هيكون كذلك دى اوامر ممليه عليهم والله اعلم

مسرحيه ممله
مبارك رجل عسكرى واعصابه من الفولاذ
وكل المحيطين به يعلمون ذلك
اما انه ينهار
يغمى عليه
يفقد النطق
انها حاجه فى نفس يعقوب

بجد اجادتى فى تعليقك يسلم فمك وتفكيرك رائعه حقا شكرااا على مرورك وتقبلى تحياتى

السلام عليكم يارسلان
الكلام الفاضى ماعاد يدخل على اى طفل
كل يوم الحاله الصحيه سيئه وناس تكدب
مش عارفين ايه الحكايه. تصدق الواحد
كره يقرى جرايد او يسمع اخبار من كتر
الفتايين. كله بيفتى...ايه رايك فى موضوع
مسرحيات القبطيات المسلمات.اناراى كلام
فاضى. يعنى اتنين نسوان حيزودوا المسلمين
ياسيدى عندك الاف المسلمين بالوراثه. اولى بينا
نخليهم يعرفوا ربنا ويصلوا ويزكوا. مش نولع الدنيا
عشان اتنين ستات. وفى الاخر واحده انكرت اسلامها.
معلش طولت عليك.

مبارك فقد النطق
يا سلام
ده فى عز الثورة والاحداث كان بيخرج ويخطب ولا كأن فيه حاجه حصلت فى البلد
مبارك اغمى عليه
ده رغم انه اتخلع
والدنيا كلها اتقلبت
القى خطاب صوتى فى العربيه وبيتكلم كأنه صاحب حق
ولسه صابغ شعره ومحتفل بعيد ميلاده وبيفكر يترشح للانتخابات
مبارك ده زى القطط بسبع ترواح
احسن حاجه اننا مانجبش سيرته لحد السر الالهى ماينزل

اعرف معلومة قديمة ان سلاح الطيران لا يدخله الا من يتمتع بقوة ارادة واعصاب حديدية
طيب هى فين يا عم مبارك
ايام الثورة قالوا ان مبارك عنيد "ده كان طيار ودول عندهم عناد ومواجهة للمخاطر الى النهاية" طيب هو فين يا عم مبارك
بعد الثورة "الرئيس المخلوع مريض نفسيا ، اعصابه ورق شفاف فقد قدرته على الكلام"
يبقى كنا مغشوشين فى صورة رئيس كان يضرب به المثل فى القوة والارادة
اثناء التحقيق ده على اساس ان فيه فعلا تحقيق لم نرى عناده ومواجهته للمخاطر ، لكن شفنا ضعف عام واغماء وعدم القدرة على الكلام
ده نسميه "ندم "على اللى عمله فينا ، أو نسميه مفاجأة له لانه لم يكن يتوقع ان ينكشف سره وخيانته لشعبه الذى وثق به الى ابعد الحدود .
فى النهاية اللهم لا شماته فمن حفر حفرة لاخيه وقع فيها ، وهو كان بيحفر للشعب كله
تقبل مرورى اخى رسلان

اهلا بيك عمونا ربيع/ ازاى بقه تقول انك طولت عليا بالعكس انا بستمتع بكلامك صدقنى والله اضيف شىء ياعمونا انا كتبت رد فى المنتدى من يومين وقلت كم مسلم يسمع الاذان ولم يتجيب لنداء الله كم مسلم متسكع على القهاوى والمصاطب بيحكى وبشرب ولم يقوم ليصلى كم مسلم لديه المال ولم يفكر فى زيارة الحبيب او يؤدى الفريضه كم طفل مصاب بامراض خبيثه واليعاذ بالله ولم يتقدم احد لعلاجه او يتبرع له كم رجل اعمال مسلم لم يهتم بتربية بناته ولايسالهم اخر الليل اين كنتم كتير مقصر من المسلمين وبعدين ياسيدى النسوان فى الاسلام ولاده صدقنى بيجيبوا بالاربعه والشباب بتتزوج فى سن ال15 سنه وبعملولهم سواقط قيد احنا مش محتاجين كامليا ولا جدة كامليا ولاعبير ولاام عبير بس يريت نقدر نخلى الناس والشباب منهم بالذات يدخلوا المساجد ويحفظوا حتى المعوزتين ولا هل اتك حديث الغاشيه معلش ردك خلانى كتبت موضوع مش رد على ردك عموما تسلملنا ياعمونا بتعليقاتك الراقيه المفيده الشافيه جزاك الله خير الجزاء تقبل تحياتى يامنورنى دايما ولك منى السلام

الله عليك يا شيخنا الاستاذ الفاضل ايهاب بصراحه فصلت مبارك زى الخياط مابيفصل الجلبيه عندنا فى الصعيد بجد كلامك مقال وليس رد اجادت فابدعت ربنا يجعلك فى العلالى دائما وتمتعنا بحلاوة كلامك وفصاحة لسانك اشكرك لزيارتك لصفحتى وتقبل تحياتى / اخيك رسسسسسلان

الله عليكى يابنت المنصوره اسعدتينى بردك ونورتى صفحتى وان شاء الله هيطلع السر الالهى بس لما ناخد القرشين اللى هربهم علشان اخواتك المصريين الغلابه اللى بيقفوا طول اليوم علشان عشرة ارغفه اما اللحمه هما نسيوها بس نجيب القمحيات والفولات (الفول )وشوية العدس وبعدين نقوله فى ستين داهيهتقبلى تحياتى ولكى منى السلام اخيكى رسسسسلان