خايف أموت .. عبد الرحمن الابنودي

خايف أموت .. عبد الرحمن الابنودي

خرج الشتا وهلِّت روايح الصيف*

والسجن دلوقتى يرد الكيف

مانتيش غريبة يا بلدي ومانيش ضيف

لو كان بتفهمي الأصول

لتوقفى سير الشموس..

وتعطلي الفصول.

وتنشفي النيل في الضفاف السود

وتدودى العنقود

وتطرشي الرغيف

ما عدتي متمتعة وانتى في ناب الغول

بتندغي الذلة وتجتري الخمول

وتئني تحت الحمول

وتزيفي في القول

وبأي صورة ماعادش شكلك ظريف

دوس يا دواس

ما عليك من باس

واكتم كل الأنفاس.

الضهر مليئ بالناس

إللى حبيتهم دون ما يبادلوني

الإحساس.

وأنا عارف إني ما باملكهمش

لأني ما مضيتهمشي في الكراس

الناس اللي دمغها الباطل دمغ

اللي بتنضح كدب وتطفح صمغ

اللى بتحشش

وما بتحسس

واللي بتضحك كل ما تنداس

تتعسني فكرة إني هموت

قبل ما اشوف- لو حتى دقيقة-

رجوع الدم لكل حقيقة..

وموت الموت..

قبل ما تصحى..

كل الكتب اللى قريت

والمدن اللي ف أحلامى رأيت

والأحلام اللي بنيت

والشهدا اللي هويت

والجيل اللي هدانى

والجيل اللي هديت..

قبل ما أملس ع الآتي

وادفن كل بشاعة الماضي

في بيت.

حاقولها بالمكشوف:

خايف أموت من غير ما اشوف

تغير الظروف.

تغير الوشوش..

وتغير الصنوف.

والمحدوفين ورا

متبسمين في أول الصفوف.

خايف أموت وتموت معايا الفكرة

لا ينتصر كل اللي حبيته..

ولا يتهزم كل اللى كنت أكره..

اتخيلوا الحسرة.

مأساتنا.. إن الخونة.. بيموتوا

بدون عقاب ولا قصاص..

مأساتنا

إن الخونة بيموتوا.. وخلاص.

بدون مشانق في الساحات..

ولا رصاص.

مع احترامى لتاريخه الفنى
لكن مثل كل الكتاب والفنانين وكل المثقفين الذين التزموا الصمت
طول العقود الماضيه وارتدوا ملابس الشجاعه حاليا.انتظارا لفرعون
لفرعون جديد يمجدونه ويفرعنونه.
ليبقى كما كان. لسنا فى حاجه لشجاعته الان

اللى خايف انه يموت ومايشوفهوش
اهو حصل
واتغيرت كل الوشوش
وزالت ممالك كنا فكرين انها
من صلب
واهتزت عروش
وبكره اجمل م اللى فات
وكل البشر الصبح
تتقابل بوجه بشوش
ثورة وحصلت م الشباب
السمر
اتقدموا
خطوه ورا خطوه
وماترجعوش

اهلا ...بنت المنصورة...فبنك

اشكرك على المتابعة والرد

» افضل الاشعار للكاتب الكبير والشاعر ( عبد الرحمن الابنودي )
» لسه خايف من فراقك
» خايف علية
» مجموعة مختارة من شعر الأبنودى
» اغنية ايساف " سيبني أموت فيك " Master Q 256Kbps للتحميل