لو انت متضايق من مراتك تعمل أيه ؟؟

زائر

لو عايزتطهق مراتك فى عيشتها...بس حرام عليك وربنا
________________________________________
الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟
ولو حاولت
ترجع تنام تانى قول لها مادام صحيتى حضري الفطار بقى

اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

( ملاحظة : اغلب النساء ذو ثقافة كروية ضعيفة )

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر
البيض فى الحوض

فى عيد ميلادها زينلها تورتة عيد ميلادها بخمسين شمعة ولو سألتك لية
خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

> لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

متنساش رأيك فى طبيخها لو عاملة لحمة قول لها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية يا حبيبتى ؟؟ ولو عملة كيكة قالها انا بحب اشرب شاى مع البسكويت الحلو دة !!

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى
دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقولها حبيبتى معلش ممكن كوبية مية علشان ضهرى بيوجعنى !!

طبعا احنا جايين نهدى النفوس :؛ ...............
أكيد انتم فاهمين qwr

ايه يا أستاذه الدرس ده
وتهديه النفوس
طيب مش خساره عليه كده
لان تانى يوم حتصحى متعمده قبله
وبدل الصحن الواحد
تعمل نفسها بتغسل صحون البيت
الصينى وهوب
ومعلش يا حبيبى
وقوعوا منى غصب عنى
معلش يا عيون قلبى هات
غيرهم والدتك اليوم معزومه على الغداء عندك

سامحنى يا حياتى

يطلع يشترى الاطباق

ههههههههه
والله يا استاذ محمد انت جبت من الاخر

ههههههههههههه

درس مجانى اهه من الستات ماتبقوش تزعلوا
انتو بتوزونا على العكننه............. احنا ياعينى طيبين

رحاب كتب:

ههههههههه
والله يا استاذ محمد انت جبت من الاخر

ايــــــوه يا أستاذه رحـــاب
ألآستاذه غـــــار دينيا
بتهدى النفوس على حساب
جــــيــوبنا واحنا عارفين
ايــــــــــــــــــه بيحصل لنا
مع ثوره 25 يناير ممكن ألآكياس تكثر

نعمل ايه نصحيها بكل حنيه
وكل صباح نهدى اليهاا ورده
اسف أستاذه غاردينيا

كده والا
الاكياس

» بالزمة مراتك ولا نجوم اف ام
» (( إوعي تسيب مراتك في البلكونة .. !! ))
» إوعي تسيب مراتك في البلكونة
» اوعى تسيب مراتك فى البلكونة
» لو مراتك بتهزر كده هتعمل معاها ايه!!!