من اجمل ما قرات فى الفيس بوك ولكن للأمانه لم اعلم من الكاتب ولكن من الواضح انه مصرى موهوب وصاحب خفه ظل كالمعتاد من المصرين
يله مش هطول عليكو واسيبكو مع القصيده الرهيـــــــبه ده
أية الكلام ده كلة ... يابو سيف الإسلام
إنت كنت فايق ... ولا في المنام
انت فاكر نفسك ... قاعد في الحمام
هتبقي انت و ابنك ... ناقص كمان المدام
انت صدقت روحك ... ولا من شرب البرشام
----------------------------------------
خليت المصريين خونة ... والتوانسة كمان
اصحي و ارجع لصوابك ... قبل فوات الأوان
دي طلعتك البهية ... بتفكرني بأيام زمان
فين الخيمة و المعزة ... والسيف أبو لمبة كمان
فين الست اللي ماشية ... وراك في كل مكان
طالع لنا في خرابة ... والدمار في كل الأركان
مش فاهمين منك حاجة ... كنا محتجين ترجمان
إسترجل و اشرب بريل ... وانت تبطل سرحان
صدقنا إنك في طرابلس ... مش في بلاد السمان
الله يرحم أسد الصحرا ... اللي زلزل الطليان
ظهرت في التوك توك .... وقولنا عليك سقعان
وقفلت الشمسية ... وقولنا إنك عيان
تيجي النهاردة تغلط ... في أسيادك يا جبان
اصحي و فوق لما تتكلم ... علي أسيادك يامان
أنا عايزك تفوق و تصحي ... وتفتح لي الودان
أحنا المصريين اللي إتكلمت عليهم يا خووان
أحنا بلد الحضارة ... و الأمن و الأمان
ولو كان لينا مطامع ... كنا حققناها من زمان
عمال تقرا في كتابك ... وعايش في التوهان
أحكامك كلها إعدام ... خلاص نسيت الرحمن
بكرة شرع الله يسود ... ويحكم في كل البلدان
والكتاب الأخضر بتاعك ... هيبقي في خبر كان
وساعتها تخش الجحر ... زيك زي الفئران
أو تلحق تحجز طيارة ... تطير بيك علي باكستان
وتتحرر ليبيا أختنا ... حبيبة القلب و الأبدان
وساعتها تطلع لنا تاني ... وتقول أنا آسف أنا ندمان
الليبيين دول اخواتنا ... وتونس و لبنان
وفلسطين المرابطة ... و اليمن و السودان
وعن السعودية مش هقول كمان و كمان
وكل شبر في الوطن العربي ... في القلب و الكـيان
الدور و الباقي عليك ... وعلي كل خائن مالوش أمان
صبرا يا أهل ليبيا ... دعواتنا ليكم بالنصران
عسي ربي أن يرحم ... شهدائكم و يتغمدهم بالغفران
