اقتل خالد او محمود ولو ماقدرتش سكته
اقتل اي صوت بينادي بالحق واخرصه
اعمل ودنك ردار وايدك مدفع ولسانك قنبله
فجر واحرق واقتل خالد وحل المشكله
بسم ساحر مايعملوش غير شيطان متمكن
وقلب ميت مايحركوش غير غرور مطمن
ومد ايدك بالسلام ولف السلاسل بالحديد
وابكي كام دمعه وروح زور الشهيد
واقتل خالد.....
واقتل خالد وامشي في جنازته وصوط
والطم واقطع هدومك وصوط
اقتل اللي باقي من رجاله بلدنا
وسيب العجايز اللي عايشين بدلنا
واعمل تمثال لكل خاين في كل ميدان
واقتل خالد وبسكينه تلمه اقطع لسان
وحط ايديك ورا ظهرك يا كل واحد قال حرام
ومصمص شفايفك وقول كان جدع حرام
واسمع اغاني وارقص وهيص وانتج افلام
ودم خالد بكره هيتنسي مع الايام
واقتل خالد.........