عمل بنصيحه امه وراح يتقدملها
خد معاه علبه شوكلاته ودبله علي قدها
وهب اسبوع اثنين متجوزين وفي شهر العسل
مجدي بيه وحرمه سعاد هانم ملكه الكسل
بعد شهريين من جواز سعيد وتهاني
اكتشف مجدي بيه ان الهانم في عالم تاني
بتدور علي الفاستين والسهره النهارده فين
وناسيه الراجل الشقيان الغلبان المسكيين
كلمها كذا مره يا هانم انا موجود
تقوله وانا قصرت وتحمر في الخدود
اشتكها لحماته وحماته ودن من طين ودن من عجين
ساق طوب الارض عليهاولا هي هنا يا متجوزين
مافيش ادامه غير الطلاق حل اكيد
بس الشقه باسمها والشبكه اللي تعدي وتزيد
وحتي المؤخر قطمه وسط مبلغ وقدره
بعد الطلاق ضرب تفليسه وراح عقله
ومشي يقطع هدومه ويفول مراتي ملاك
خدت مني كل حاجه وسابتلي درفه شباك
حجزوه في السرايا الصفرا في عنبر المتجوزين
والهانم سفره مارينا تحضر حفله حكيم
ومجدي بيه العاقل الرزين
راكب مقشه وهي راكبه ليموزين
ولو مش مصدقيين اسالوا الباش تمرجي مستشفي المجانيين عبدالعال افندي ابو شنب بفردتين
