انا مش حنزل يوم الجمعه

انا مش حنزل يوم الجمعة

مش عشان بحب مبااارك
ولا مش عارفة حال البلد على ايده
ولا عشان انا حزب وطني
.........ولا عشان خايف يتقبض عليا
ولا عشان سلبية

انا مش حنزل عشان مديش فرصة لحد يقتل اخوه

انا مش حنزل امتثال لامر رسول الله
"إذا رأيتم الناس قد مرجت عهودهم ،
وخفت أماناتهم وكانوا هكذا . وشبك بين أصابعه ،
قال : فقمت إليه
فقلت : كيف أفعل عند ذلك ! جعلني الله فداك ؟
قال : الزم بيتك ، واملك عليك لسانك ، وخذ بما تعرف ودع ما تنكر ، وعليك بأمر خاصة نفسك ، ودع عنك أمر العامة"

انا مش حنزل عشان احافظ على ممتلكات البلد ومديش فرصة للبلطجية يلاقو حد يبلطجو عليه وتبقى مدبحة

انا مش حنزل عشان احافظ على البلد دي

اة عايزة البلد تتغير
اة عايزة مبارك يمشي بخيرة وان قل وشره ان كثر
اة عايز اصلاح وتغير نظاااااااااااام

وعايزة برضة احس بامان واعوض اي خسااااااائر
اتكلمت وعبرت وغضبت وثورت وابتدت الوعود مع قليل منها ابتدا يتنفذ
لازم استنى واشوف واحاسب على ردود الافعااااااااال

منكم حيوافقني ومنكم حيختلف معايا

دة في رأيي هو الصح والحق

كلنا بنحب البلد دي بس مش كلنا بنعبر صح



هذا المقال ورد على ايميلى واعجبنى

مقال جميل وانا مع كل كلمه فيه
وان كمان مش حنزل يوم الجمعه

انا هنزل
ولازم انزل
عمر لحريه ماهتيجى عندك لحد البيت
لازم انت اللى تاخدها
وقال الرسول صلى الله عليه وسلم
أفضل الجهاد كلمة عدل عند سلطان جائر
وكلنا عارفين لما سيدنا عمر بن الخطاب قال: (( لقد وليت عليكم ولست بخيركم فإن أحسنت فأعينونى وإن أسأت فقومونى )).. فقال رجل من الصحابة( لو وجدنا فيك اعوجاجاً قومناك بهذا )).. وشهر سيفه.. فقال عمر( الحمد لله الذى جعل فى أمة محمد من يقوم عمر بن الخطاب بسيفه ))..

اللهم انصر شباب التحرير
اللهم ارحم شهدائهم
اللهم اعنهم على اعدائهم من الداخل قبل اعداء الخارج

صح جدا يا حنان الحب
اللهم اعنهم على اعدائهم من الداخل قبل اعداء الخارج وان الحريه لن تاتى لمن يخاف على نفسه وان ساعه الفراق تاتى فى اى وقت ومع اى سبب كان
واكيد انا معاكى فى كل شئ

انا هأخرج
وهأنزل
الايام دى لا مكان فيها للجبناء او العملاء الفساد
ومن يتحججون باى شئ علشان اجهاض الثورة العظيمه
اللهم اعنهم على اعداء الداخل
زبانية مبارك واعوانه