بيرم التونسي يناديني

اربع عساكر جبابره يفتحوا برلين
ساحبين بتاعه حلاوه جايه من شربيين
شايله علي كتفها عيل عنيه وارميين
والصاج علي مخها يرقص شمال ويميين
ايه الحكايه يا بيه؟جال...خالفت القوانيين
اشمعني مليون حرامي في البلد سارحيين
يمزعوا في الجيوب ويفتحوا الدكاكيين
اسال وزير الشئون ولا اكلم مين؟
( قصيده الطريق لعمي بيرم التونسي)
كلامك جامد اوي بين السطور ياعم بيرم اسمح لقلم تلميذك البليد يكتب شخابيط بسيطه بعد اذنك
تاجر مواشي والعمه ملفوفه وجاي من البدرشين
يبيع مواشي ويرجع بسرعه علي البلد بالقرشين
شافه الحرامي نشن عليه وقاله عندك رايح فين
تاجرنا قاله انا عندي بيعه ردالحرامي هتبيع لمين
وانا الكبير في المنطقه وعندي بدل السوق سوقين
التاجر قاله اشتري رد الحرامي ما اشتريت يا سيد المعلمين
تاجرنا بص فين المواشي في ثانيه راحت يا مفتحيين
لطم وصوت رد الحرامي بقي جاي تبيع الميه في حاره السقايين
حرامي يسرق حرامي وعمار يا محسنين
اهداء وانا في شده الاسف لضعف المستوي امام العملاق استاذي بيرم التونسي رحمه الله عليه

الله عليك يا عم بيرم
والله عليك يا عم احمد
القصيده جميله
والتلميذ طلع استاذ

برافوا عليك يا احمد
اسلوبك رائع ومميز

شكرا يا احمد على كلماتك الرقيقه
وابداعك الرائع

جميله فعلا يا عم احمد يا كبير

اللة عليك ياااااااااا جاااااااامد

الله يا احمد عليك
لا بجد جميلة جدا
لو كملت كدة هتبقي كويس اوي
ربنا يوفقك يارب

عشره على عشره يا فنان