قصاقيص ورق.....صلاح جاهين

قصاقيص ورق....
.صلاح جاهين

منين اجيب مقص مجنون زيي بس نص نص
واجيب ورق وافضل اقص اقص اقص
افضل اقصقص ورد من على كل لون
لحد ما اعمل عندى حبه كتير كتير
واركب لى نسمه واطير اطير
واحفن وادردب ع البلاد مطر غزير
ينزل يرخ يرخ على قرعه بنات اخت البشر
يتسبسبوا ويتشيكوا
ويبقوا لابسين لا مؤاخذه طراطير
ويا سلااااام..........
لو كان كمان معايا وقتيها قلم كوبيا طويل
طويل طويل
ابله من قلبى اللى عرقان م السفر
واكتب به وانا طاير على خذ القمر
انا بحبك يا جميييييييييييل

قصاقيص ورق..
لكن مطر
يرخ ,جامد,قد ما يحبوا الولاد
يادوب كده
مقدار ما يجروا ويمسكوا
مطر!..خطر!
ينزل على كتاف العجايز...يضحكوا
يشبك فى سلك التلفون
هنا وهنا وهنا وهنا
على كل لون
واللى ف جنازته فى التابوت يفوت يبص
يلاقى عالم كله كله كله زينه عيد ميلاد
ويبقى فصل,لكين مفيش بالشكل ده
لابد من عيد الميلاد
انا عيد ميلادى مالوش معاد
فين الورق..والنسمه ..والمقص والقلم يا واد

والا بلاش ده مفيش امل
اعياد كتير بيبتدوا وبيفرغوا
وبيفضل العالم كده
مكبوس ودمه تقيل تقيل
يا ربنا
ياللى خلقت لنا الايادى للهزار وللعمل
ادينى قوه الف مليون ايد
علشان
ازغزغه!!

لو كان كمان معايا وقتيها قلم كوبيا طويل
طويل طويل
ابله من قلبى اللى عرقان م السفر
واكتب به وانا طاير على خذ القمر
انا بحبك يا جميييييييييييل
بجد مفيش حد زى عمنا صلاح جاهين

اكتب يا حلوه من دمايا كلمتين
انا بحبك وبالغرام انا مستكين
واعمل انا جلدى ورق
واعمل دفاتر منه
واكتب على خدودى قصيده حبنا
واقول هواكى
انا فيه بقيت سجين

» اشعار صلاح جاهين
» رباعيات صلاح جاهين
» من رباعيات صلاح جاهين
» رباعيات صلاح جاهين
» من روائع صلاح جاهين..........