طبخلنا ايه النهارده ياهانم رز بالخلطه
وعمللنا كوسه وطبق فته وكمان سلطه
والحلو كمان صنيه بسبوسه بالقشطه
تسلم ايديكي وتسلميلي يا عنيا
طب وباقي الشهر هنعمل فيه ايه
ناكل زلط والطوب نحلي بيه
وايجار الشقه انتي اللي هتدفعيه
ولا نبات في الشارع الايام اللي جايه
ومصاريف المدارس ولبس العيد
والدروس الخصوصيه ومصروف الايد
والميه والكهربا والغاز اللي بيزيد
وفاتوره التليفون والدكتور والادويه
هجيب منين يا هانم ارحميني
ده انا لو امير ما كنتيش تدبحيني
اقبلها مني دعوه يارب خدها ونجييني
روحي وانتي طالق من قلبي يا عنيا
وديه نهايه قصه الحب الخياليه بين حسن مطاوع موظف السكه الحديد وزوجته الست فاطمه واللي عايز يتاكد يزور عم حسن في مستشفي الجانيين قسم التزوجيين ويشوف الست فاطمه بائعه الفجل والجرجير علي ناصيه شارع المطلقات؟.............لا للجواز نعم لمستشفي الجانيين وان شاء الله في حكايات اخري عن المتزوجون
