شرح برنـامج HDD Regenerator 1.71 لإزالة البادسيكتور من الهارديسك , طريقة ازالة البادات من الهارد

شرح طريقة ازاله الباده من الهارد , شرح طريقة ازاله البادسكتور من الهارد ديسك

نبذه عامه عن البرنامج --

طبعا
كل واحد دخل الموضوع ده عندكوا كمبيوتر .. شئ اساسى يا لورد .. ده ايه
الذكاوة اللى عندك دى ..امممم .. طيب .. وشئ اساسى برضه داخل كل كمبيوتر
هارد .. بسم الله ماشاء الله عليك يا لورد .. نبيه من يومك يبنى .. شكرا
يارجالة .. بلالاش تحرجونى اكتر من كده .. القرص الصلب .. بطبعيته مصنوع من
معدن ..وطبعا بما ان مافيش حاجة كاملة فى الدنيا دى .. التصنيع هايكون فيه
اخطاء مغناطيسية على سطح الهارد اللى هيا اسمها البادسيكتور او القطاعات التالفة.. بس طبعا مش اول ماتشترى الهارد هتلاقى الهارد بايظ يعنى .. ده بيحصل مع كثرة الاستخدام وكثرة تنصيب البرامج
والاستخدام السئ للهارد ..طيب وايه الحل يا لورد لو حصل للهارد بتاعنا باد
سيكتور .. ده الهارد بيكون عليه ملفات مهمة لينا.. ماتخافوش يا رجالة الحل
سهل اوى معايا ..باذن الله .. مبدئيا البادسيكتور او القطاعات التالفة دى
.. تقدروا تشبههوها بالحفرة اللى على سطح الهارديسك ..بمعنى
ان الهادر داخله ابرة بتحتك بسطح الديسك وبتقرا البيانات وكله .. طيب لو
ابرة الهادر دى وهيا بتدور (بتحتك) قابلتها الحفرة دى .. اللى هيا
البادسيكتور .. هاتقع فى الحفرة بكل سهولة .. طبعا ده هاينعكس على نظام
التشغيل بتاعك .. هتلاقيه تقيل جدا حتى لو لسه مسطب ويندوز .. وهتلاقى
التنقل بين ملفاتك فى الهارد صعب. طبعا لان الهارد مش قادر يقرا كل الداتا بشكل كامل بسبب وجود البادسيكتور زى ماقلنا..
ب البرامج
بقى وظيفته تصليح الاخطاء المغناطيسية دى .. لانه بيبعد ابرة الهارد ديسك
انها تقرا المناطق اللى فيها البادسيكتور ..وطبعا ده معناه ان فيه مساحة من
الهارد هتضيع .. بس مش مهم .. اهم حاجة ملفاتنا مش تضيع .. و البرامج بيتجاهل نظام الملفات .. يعنى مثلا لو فيه فى الهارد منطقة فيها بادسيكتور والبادسيكتور دى عليها داتا مهمة .. البرامج بقى مالوش علاقة بالملفات.. البرامج فحصه مادى .. يعنى بيفحص سطح الهادر فقط دون التدخل فى الملفات بتاعتك ..و البرامج بيقدر يعالج حوالى 60% من اضرار الهارد ديسك.. انا اصلا كان عندى على الهارد فوق الـ 100 بادسيكتور الحمد لله عالجتهم با البرامج ده بس من على اسطوانة الـ hiren boot .. البرامج بيقدر يتعامل مع جميع انظمة الهارد زى
FAT, NTFSاو اى نظام تانى .. او حتى الاقراص الغير منسقة او الغير متقسمة ..unformatted or unpartitioned disks