كل سنه وانتم طيبينن
فوزية دي كانت جارتنا وكانت تقريبا طيبة .بابا الله يرحمه كان مسميها مدام فكاشه لانها بتحب الاسم ده لانها حاسه انها من اصول عرق سوسية وصرحت بكده في كل مكان
الجزور العرق سوسية هي خليط من الجزور المصرية علي ايسلنديه متفرع من مكرم عبيد وطبعا اختلاط الجزور كان ليه الاثر في شخصيتها
طنط فكاشه كانت مؤمنه بحرية المرأة وان المرأة لازم تحصل علي كل حقوقها بالدراع يعني من حق كل ست تشتغل سباك او نجار او حتي عجلاتي وكتير قالتلي انها اتجهت تشتغل حداد عشان تشغل وقتها بعد قصة حب مريرة
قالتلي ان عمر الشريف مش سهل تنساه
قولتلها يا طنط فكاشه يا حبيبتي انا معرفش غير عمر شريف واحد بتاع السنما
قالتلي هو ده اللي ساب العالم عشاني
تعبت وزوهلت واغرورقت عيناي بالدموع
وتسائلت في حيرة وريبه لماذا
ومسئلتش لماذا جتنا في مصر هوجة الفشر زي فرة الفراخ لاء
سئلت لماذا سابها عمر
