ودي أضمك لين يقطر غرامك
و يكون عطري ضمتك يا عيوني
اوقات احس اني اعيش ابـ عظامك
و اوقات احس انك زلازل سكوني
لا من حضنتك فآح منـّـك هيامك
و احس بـ انك قطعتن في متوني
يتقطع امن الصوت بحة كلامك
و ابوس خدك لين تدفى شجوني
و يضيع قلبي بين مركز خيامك
يآ خيمة الشوق العظيم الجنوني
أذوب لا طرّيت حتـّى سلامك
وشلون لو نخبة مفاتنك جوني ؟
ما اقول غير الله يحفظ مقامك
في خافقي يا نور قلبي و كوني
لك في عروقي صورةٍ من تمامك
راسمك في متحف غلاي و فنوني
احبـــك اكثر من اهلك و عمامك
و اموت من شوقي عليك و ظنوني
دام البحر عينك و انا دون عامك
ضميني أكثر لين يصفــرّ لوني
فدوتك صدري لين يحلى منامك
نآمي حياتي لين تعرق جفوني
