بسم الله الرحمن الرحيم
للرجال الغيورين فقط
حادثه واقعيه لعل فيها الذكرى
يقول صاحبها
قبل فتره كنت مع صديق عمري جالسين في احد المقاهي نتبادل الاحاديث , لفت نظري اوراق على الطاوله فسئلته ما هذه الاوراق , قال: هذي تأشيره (سائق) الجديد سئلته وانت ماذا تريد بالسائق ماعندك غير زوجتك توصلها الشغل وترجعها
قال: المشكلة هالايام مشددين علينا في الدوام والتأخير وساعات تريد تروح السوق وانا مشغول قلت افك عمري واجيب سائق .
قلت له: طيب أشرايك بدل ماتجيب سائق والخساير انا اخذ زوجتك واوصلها للبيت كل يوم ابلاش ولو بغت اي مشوار انا حاضر . طبعا كلمة حاضر هذي ماكملتها الا يده ترتفع علي وده يضربني (طبعا انا توقعت ردت الفعل هذي) مسكت يده ونزلتها وقام بسرعه وهو يهدد ويتوعد , انا لحقته للسياره ويوم شافني كمل السب والغلط ويوم خلص , قلت له: هاه خلصت الحين ممكن تخليني اتكلم , رد علي بعصبيه
ماذا تريد تقول اكثر من الذي قلته وانا معتبرك صديق عمري .
قلت له: هني مربط الفرس رغم اني صديق عمرك وماكلين عيش وملح والثقه بينا مالها حدود زعلت وعصبت علي وتحركت فيك الغيره والرجوله الي كانت قبل دقايق بس معدومه , عصبت علي انا صديق عمرك لما قلت باوصل زوجتك للشغل وحسيت بالغيره لكن هالغيره وينهي وانت بتجيب رجال غريب لاتعرفه ولايعرفك ولاهو من طينتك بتسمح له يختلي بأهلك ويوصلهم ليل نهار . ولا ذاك السائق مو رجال او ماعنده احاسيس , شفت كيف بغيت تضربني مع اني متأكد انك تثق فيني اكثر من الهندي لكن للاسف مادري ماهي نظرتك له حتى يكون الامر عادي عندك لما يسوق بهلك وممكن يسيل فيه الدم لما انا عرضت عليك اني اسوي الي بيسويه بالضبط.
طبعا صديق عمري ماتمالك نفسه بعد الكلام الي قلته ومسك الاوراق والتأشيره وقطعها ورماها في سلة المهملات وتأسف مني وقال : والله الكف الي كان ممكن اوجهه لك انت بكلامك وجهته لي وصحيتني .
ولكم تحياتي
