من الجنوب قامت اغانى الريده(الحب) تتوجه شمال
حاضنه المداين والجناين والجبال
تزرع اغانى الوحده فوق ضهر التلال
ليك ياشقيق الوادى ياود عمى ياسمح الخصال
القبلى شال والنيل حضن رزقه الجديد رزق الحلال
رزق الازاهر والمزاهر والعيال
والنيل جدل والجدل عادلابس وشاح اخضر ومعاه شال
الوادى سال احيا الرجال
الفاتو من سابق سنين
واقفين معاى زحموا المجال
بيغنوا تاريخا قديم وزمانه طال
مابينا مابيدخل دخيل ودربنا مادايرسؤال
حققنا اهدافنا الكبار واخوان على درب النضال
يالاياتاريخ تعال احنا الجنوب حضن الشمال
ونحنا زى ماقال خليل ياعازه نحنا فى هواك نحنا الجبال
احنا الزرع احنا الضرع احنا الفرع فوق فى السما فوق الارض فوق الجبال
ويالا يا تاريخ تعال
صلاح بن الباديه
