أيـــــــــــــوه بغــــــــير ..

أيوه بغير وبقولها
أيوه بغـير
لا أنا نقصان ولا ضعفان
ولا مسطول ولا سكران ولا زايغ من عيني الضي
ولا حد أحسن مني في شي
بس بغير
واللي قالو لك غيرة الراجل
قلة ثقة أو قلة فهم .. خلق حمير
غيرة الراجل نار في مراجل
نار بتنور مبتحرقش
وإحنا صعايده بنستحملش
شمسنا حامية
وعرقنا حامي
وطبعنا حامي
واللي تخلي صعيدي يحبها
يبقى يا غلبها
أصلنا ناس على كد الطيبة
كلنا هيبة
والنسوان في بلادنا جواهر
طب لو عندك حتة ماس
هتخليها مداس للناس ؟
ولا هتقفلي أوضة عليها بمية ترباس
يمكن حتى تأجري ليها جوزين حراس
يبقى أنا لا أنا غافل ولا جاهل
كل الفرق ما بيني وبينك إني صعيدي
لو كان بإيدي كنت أعملك هندي بريش
وأقلب شعري كانيش كرابيش
وألبسلك سلسلة متدلدلة خرزة وقلب
بس إزاي ألبسلك سلسلة هو أنا كلب
ثم العبرة ماهيش في اللبس
أصل المشكلة مش في اللبس
أصل المشكلة عندك
عندك
قلت هسيبها وبكرة تحس
بعده تحس
بعده تحس
ده أنا لو جبس
كنت زعقت

ماشي صداقة
وماشي زمالة
بس مجتش على الرجالة
ما هي نسوان الدنيا كتير
وأنا مبقولش تخاصمي الناس
ولا تتحجبي عن الرجالة
ولا تعتكفي وتسكني دير
بس يا ريت حبة تقدير
إني بحبك
وإني بريدك
وإني زرعت حياتي في إيدك
وإني غزلت بنات الدنيا عقود على جيدك
وإني تعبت من التفكير
وإني بغيـر
****
كلمات ليست كالكلمات
لابن مصر
هشام الجخ

هذه مجموعه من الجواهر
مش ابيات وخلاص

بجد راااااااااااااااااااااااااااااااائعه
شكرا لاختيارك الرائع

هما دول الصعايده
رجاله وهيفضلوا طول عمرهم رجاله

تسلم ايدك يامصرى اصيل

الصعيدى اللى بالاخلاق دى فعلا عمله نادرة
وعلى فكره انا عن نفسى غالبيه اصدقائى فى الجامعه من اصول صعيديه
ويمكن لما افكر ارتبط
مش هرتبط بواحد من بلدنا
هرتبط بواحد صعيدى

رحاب كتب:: هما دول الصعايده
رجاله وهيفضلوا طول عمرهم رجاله

الاخت والاستاذه

رحــاب

مشكوره على تعبيرك الرائــع
نحن مصريون المولد الدين والجنسيه صعيــدى
ونفــخر كــل الـفخــر بــذلك عــنـدنـا الـغـيره الشديـده
عـلـى الـست والبـنــت مـش خـوف ده أهتمام زيـاده بها
فهى أمى وألام مقدسه وهى الاخت والابنه والزوجـه
حبنا يشعروا أنه نوع من الغيره
الكنوز والدرر والآألى لا بد المحافظه عليها وهم عندنا
أغلى وأثمن من هذه الكنوز
عندنا الكلمه والموده والرحمه الصعيدى بتاع التليفزيون
منعرفش عنه حاجه ده مسخ التعاون
وأهم شيئ عنــدنا ألكبير

بارك الله فيك ودعوه مفتوحه لاى
اخ أو أخت كريمه لزيارتنا فى أسوان

ولا تخافوا أحنا بنظايف الاجانب
وأنتم أحق بالظــيـافه منهم
وشوفوا الصــعــيد على حــق

بنت المنصوره كتب:: الصعيدى اللى بالاخلاق دى فعلا عمله نادرة
وعلى فكره انا عن نفسى غالبيه اصدقائى فى الجامعه من اصول صعيديه
ويمكن لما افكر ارتبط
مش هرتبط بواحد من بلدنا
هرتبط بواحد صعيدى

مشكوره أختى الحبيبه واستاذتى الجوهره /

بنت المنصوره

على حُـسن الخلق وطيب القلب
وأشكر جميع أصدقائك بالجامعه ونعم أصدقاء
الخــير لطالمــا صادقوا الخير يـا كــل الخــيـر

أمــا لما تفكرى ألآرتبا ط هرتبط بواحد صعيدى
فهـذا شـرف عظيم لنا ونفتخر بــه
ونــتـــشــرف بــك

اولا شكرا لمؤلف القصيده الرائعه
ثانيا شكرا لمن اختارها ووضعها فى المنتدى
ثالثا شكرا لكل من تكلم بحب واحترام على الصعايده
ويشرفنى اننى صعيدى من سوهاج
وتقبلوا تحياتى للجميع

حنان الحــــب
رحـــــــــاب
ربيـــع محـمد
شيــــــــــرى
بنت المنصورة
محــمد العابد
فـــــــــارس
[img]

أيـــــــــــــوه بغــــــــير .. 62479632

أيـــــــــــــوه بغــــــــير .. 62479632

والله والنعم في الصعايدة
رجاله بمعنى الكلمه

تسلم لتقديمك الرائع
وبانتظار جديدك

المصرى20 كتب:: حنان الحــــب
رحـــــــــاب
ربيـــع محـمد
شيــــــــــرى
بنت المنصورة
محــمد العابد
فـــــــــارس

[img]

URL=http://files.mothhelah.com/] أيـــــــــــــوه بغــــــــير .. FH352813

[/url]

مشكور أخى المصرى أيـــــــــــــوه بغــــــــير .. 938223

على جميل ردك الجميل ياجميل أيـــــــــــــوه بغــــــــير .. 368308

وقطه ومـــيرســه بالطليانى

سلامى واحترامى وتقديرى لحضرتك

ولكوكبه النور فى لائحه الشرف

الا واحد لايستحق هذا الشرف رقم (6)

كتير علينا هذا الشرف

[quote="المصرى20"] أيـــــــــــــوه بغــــــــير .. 585982181

أيـــــــــــــوه بغــــــــير .. SqU95711

]بسم الله الرحمن الرحيم
أيـــــــــــــوه بغــــــــير .. KN195711

بارك الله فيك أخى المصرى
وأنت والعائله الكريمه بخير وبصحه وعيدكم
مبارك أنشاء الله والعام القادم
بعرفات الله أنشاء الله