الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: روح للحزب الوطنى الأربعاء فبراير 09, 2011 1:49 am
روح للحزب الوطنى
عايزة وظيفة ؟ روح الحزب الوطني عايز شقة؟ روح الحزب الوطني عايز حتة أرض كام فدان؟ روح الحزب الوطني عايز تدخل شرطة؟ روح الحزب الوطني عايز تدخل حربية ؟ روح الحزب الوطني عايز تدخل نيابة؟ روح الحزب الوطني عايز اي وظيفة؟ روح الحزب الوطني عايز محدش يضربك على قفاك في أقسام الشرطة؟ روح الحزب الوطني عايز تكون من المحظوظين زي عز وابو العنين؟ انت طبعا عارف حتروح فين لكن لو عايز تكون من الشقبانين الغلبانين التعبانين اللي حياتهم كلها قسط ودين وبتركب اتوبيس 170 زي الملايين؟ خليك هنا وكل معانا طين
بريق الامل من اسره مترو
الجنس : عدد المساهمات : 2939نقاط : 3423 تاريخ التسجيل : 16/02/2011الموقع : الجيزه
موضوع: رد: مجموعه كبيرة من قصائد الشاعر الكبير احمد فؤاد نجم الجمعة فبراير 18, 2011 1:08 am
الله علي الكليمات التي تعبر عما بداخل البسطاء
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم السبت فبراير 19, 2011 5:16 am
باحبك
باحبك با حبك با حبك با حبك با حبك با حبك با حبك يا مصر مسايا وصباحي أسبح بحبك وحبك شفايا وجراحى يا مصر واسافر بحبك واميل زي ميلك وتحلا الخطاوي فى حبك يا مصر واحب اغترانى فى صبحك وليلك واحب الونس بالرفاقه يا مصر تنام الدموع فى العيون الهواجع وتسهر دموعي فى حبك يا مصر تهون السجون والشجون والمواجع ويغلا مع القهر حبك يا مصر ولو يحبسونى ولو يشنقوني ولوا فكروا بالعذاب يبعدونى ح اقرب واقرب مش ممكن اهرب وتنزل دموعي على خدودي تشرب تلاقى الرموش والخدود والمباسم مراسم وصورتك عليهم يا مصر باحبك با حبك با حبك يا مصر
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: غنوة للشباب..احمد فؤاد نجم الإثنين مارس 28, 2011 3:56 am
غنوة للشباب
احمد فؤاد نجم
هلى يا شمس البشاير طابت وآن الأوان طلي وحلي الستاير نور الأشاير يبان وارخي الضفاير مناير فوق الزمان والمكان مصر الشباب العزيزة قامت وكان اللي كان مصر اللي خاضت ليالي بحر الضلام الرهيب تسهر عليها المبالي تزعق ولا من طبيب عرف بلاها ودواها بعيون شبابها النجيب تسلم عيون الأطبا ويعيش حكيم الزمان قال الشباب المداوي شقشق يا نور الصباح تظهر أصول البلاوي تطهر عيون الجراح يخضر عود الأغاني يسري العبير فى البراح تسرح فى مصر الأماني زي النشيد والأدان مصر العلوم والصنايع والفلاحين والغيطان مصر الجنود بالمدافع متسلحين للميدان مصر السلام بالمعارك يفرش يغطي المكان ينده يا شمس الحقيقه طلي .. عليكي الأمان
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: سيادة المخلوع ... ارجعلنا...احدث قصيدة ل احمد فؤاد نجم الأحد أبريل 24, 2011 6:12 am
:
سيادة المخلوع ... ارجعلنا
أحمد فؤاد نجم ؟
سيادة المخلوع ... ارجعلنا مش انت واحد مننا ؟؟ و عمرك في يوم ما سرقتنا ...ولا خدت مليم مننا ما تيجي طب ترجعلنا تقعد بأهلك وسطنا أهو مرة تاكل أكلنا وتلبس يا خويا من لبسنا وتعيش في حارة او في شارع زينا قلت ايه ؟؟ يا حارق دمنا سيادة المخلوع ... ارجعلنا وغداك يا سيدي عندي أنا رز و بطاطس مسرطنة لحمة ؟؟... مفيش من سنة فاكهة ؟؟... تعيش انت و أنا و الشاي .. بآخر معلقة م السكر اللي كان عندنا اشرب و فوق وركز بقه .. علشان نكمل حكينا
سيادة الرئيس ... ارجعلنا مش سبت الحكم .. لأجلنا ؟؟ـ ما تيجي تسمع حكمنا !!ـ أفكرك ؟؟ ولا انت فاكر زينا قطار اتحرق من كام سنة وغازنا اللي طار من أرضنا ... لعدونا وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا ومركبة بأحلى شباب ... ييجوا من ايطاليا غرقانين .. والقرش ياكل لحمنا والله كانوا زينا ويمكن أحسن مننا لهم بيوت و ولاد و عيشة و حلم .. زي حلمنا اتغربوا و اتبهدلوا .. لما الفساد طال كل حاجة في أرضنا واللي ما ماتش .. قاعد في غربته .. والغريب بيذلنا اقول كمان ؟؟ ولا كفاية ... و اهو انت عارف عننا أصبر هتسمع حكمنا سيادة الرئيس ... ارجعلنا ولو انت واحد مننا فعلا يهمك أمرنا بينا عالنائب العام .. تفتنله على ولاد الحرام ... مصوا بلدنا و دمنا
و افتن دي فتنة مش حرام .. ده حقنا دا لو انت واحد مننا أصبر هتسمع حكمنا سيادة الرئيس ... ارجعلنا اقعد معانا و زينا هعرفك .....ـ دي (أم خالد) أمنا ودول أهل (سالي) أهلنا و(عمر بن بنونة ) إبننا فسر و احكي و قللهم .. و قللنا واستسمح الروح اللي منورة في الجنة عند ربنا هتقول مكنش قصدنا ؟؟ـ دول ماتوا غصب عننا ؟؟ـ كداب و فاجر .. و اللي يصدقك زيك .. والكدب ريحته منتنة تتشل إيد اللي ضرب ،، و اللي أمر ،، و عليكوا لعنة ربنا أصبر هتسمع حكما أيوه بقول ارجع لنا ياللي سرقت حلمنا وغربتنا و نهبتنا ... و في كل حتة أهنتنا إحنا اللي سال دمنا
في الأربعين و اسكندرية و التحرير يشهدلنا آدي القفص ... أقف هنا والشعب يحكم .. مش أنا صدقني ... هي بينة من فوق سبع سماوات .. قالها ربنا العين بالعين والسن بالسن ... و هو دا بقه حكمنا ... و مفيش غيره عندنا
ربيع محمد ناظر محطة الابداع
الجنس : عدد المساهمات : 5716نقاط : 8102 تاريخ التسجيل : 17/07/2010العمر : 65 الموقع : الجيزه- مصر
موضوع: رد: مجموعه كبيرة من قصائد الشاعر الكبير احمد فؤاد نجم الأحد أبريل 24, 2011 7:55 am
شكرا لك وسلمت يداك على الاختيارات كل عام وانت بخير
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الإثنين أبريل 25, 2011 3:53 am
ا/ ربيع
اشكرك على المتابعة...وكل عام وانتم بخير
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: سيدى المخلوع الجمعة مايو 06, 2011 3:19 am
سيدى المخلوع احمد فؤاد نجم
سيدى المخلووووع في عيد ميلادك الكام وثمانين ...كل سنة وأنت مش طيب واحنا طيبين كل سنة وأنت مش حاكم واحنا مش محكومين واحنا مش مظلومين واحنا مش متهانين ويا ترى يا حبيب الملايين فاكرنا ولا احنا خلاص منسيين فاكر المعتقلين فاكر الجعانين فاكر المشردين فاكر اللي ماتو محروقين فاكر الغرقانين الله يكون في عونك - هاتفتكر مين وللا مين في عيد ميلادك الكام وثمانين بقول لك كلمتين الأولى شيلتنا طين وهل تعلم أن النيل بقى رشاح والجو أصبح بيئة والعيشة ولعة والشرفا قلوبهم عالبلد والعة وانت كنت عاملهم مذبحة ولا بتاعة القلعة والاقتصاد سداح والسرقة بقت كفاح ومصر متاحة بس للسياح وعرض البلد بقى مستباح والتانية ورتنا الويل دا الخطوة في عهدك كانت ميل والضحك بقى نواح وعويل والكوسة عارف الكوسة ممكن أقولك فيها موواويل والجامعة بقت يا إما كباريه أو دار مسنين والشباب معظمهم من غير خمرة سكرانين والعلم عز على المتعلمين والأساتذة بقم دجالين والقادة بقم طبالين واديني في الهايف يا حبيب الملايين والتالتة عارف اليابانيين زمان في سنة اتنين وخمسين كان عندنا تروماي وكان عندنا علم ومتعلمين وثقافة ومثقفين وأدبا وعلما وفنانين وكانو اليابانيين بالنووي لسة مضروبين وللصدقة مستحقين دلوقتي إحنا فين وهما فين هما فوق واحنا في أسفل سافلين والرابعة أمن البلد فى عهدك كان تنين والمحاكم اتملت مظالم والعدالة بقت كمالة وكلمة الحق في الزبالة وأصحابها في الزنازين والخامسة القطاع العام…. عام والفساد…. ساد وفي جتة بلدنا بيرعى أفتكر لجنابك إيه وللا إيه وكل ذكرى ليك بدمعة آآآآآآآآه آآآآآآآآه أنا كنت حالف ميت يمين أكملهم لك تلاتة وتمانين بس هاكفيهم ورق منين وكل سنة وأنت مش طيب واحنا طيبين
ربيع محمد ناظر محطة الابداع
الجنس : عدد المساهمات : 5716نقاط : 8102 تاريخ التسجيل : 17/07/2010العمر : 65 الموقع : الجيزه- مصر
موضوع: رد: مجموعه كبيرة من قصائد الشاعر الكبير احمد فؤاد نجم الجمعة مايو 06, 2011 4:36 am
لغايه امبارح لسه فيه ناس مغيبين عن ا لوعى بيحتفلوا بعيد ميلاده . هؤلاء هم من انقطعت عنهم السبوبه التى كانوا ينهبون معه منها كل سنه وهم بلاش...............مش عايزهم ياخدو حسنات منى
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: قصيده / كأنك مفيش.... احمد فؤاد نجم السبت مايو 07, 2011 3:24 am
قصيده / كأنك مفيش
كلمات / احمد فؤاد نجم
كأنك مفيش
برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..
*** يا فرحة قلوبنا رئيسنا ظريف ..
فُكهي ..
إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر ..
مفيش !!
*** مسيِّب علينا عصابة حبايبك
فضايح وسرقة ونهب بسبايبك
مابين حزب نجلك ... وهانم جلالتك
وجيش الغوازي إللَّي داير يجاملك
وناملك وقاملك .... وحارسك وأمنك
شبعنا مهانه ... شبعنا لطيش ..!
وأنت .. مفيش !!
*** باعونا فـ حضورك ...
ببركة عِبـيدك وغالي وسرورك
باعوا الأراضي .... وكل المصانع
وباعوا البنوك ....
وقدَّام عِنيك .... صوتنا إتـنبح ..
ننادي عليك ..
إلحق يا ريس : ده باعوا الحديد !!
وأنت منشِّف دماغك عنيد !!
.. كأنك مفيش !
*** دوشتوا دماغنا " بجمال " طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا ريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنـَّك مفيش !!
*** ورحمة أبوك .. مادام أنت قاعد
عيب لمَّا عُصبة نَـوَر يسحبُوك
م تُقبض عليهم .... م تقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش
***
ياريس علىّ الطلاق تعبانين !!
ياريس علىّ الحرام كفرانين !!
صبرنا سنين ..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين !!
ما تنهض يا ريس تلم الديابه ؟!!
ده شعبك غلابه ....
ومليان طيابه ...
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب
يا ريس " شريفك " ماهوَّاش شريف !!
" نظيفك " يا ريس ماهوَّاش نظيف !!
وحتى " حبيبك " ماهواش حبـيب !!
وأنا غصب عني ... خلاص إستويت ..
بـ غـُلبي إنحنيت ...
وطلعان عنيا ... وصعبان عليا
بحسبة بسيطة ومن غير خريطه ..
وكونك مفيش .. لقيت متساويش
ومش فارقه أعيش ...
نويت أشتكيك للِّي فوقي وفوقك
وأصلي الفرايض ....عسى يفـُك طُوقـك
قالولي إللي يسجد عدو النظام !!
حاولت أحكي حالي ...!!
قالولي الحكاوي نميمة وحرام !!
فكرت أكتب ..
لقيتكم سيادتك منعتوا الكلام !!
فقررت أحلم ..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .... تاخُدني أمَّا انام !!
***
حلمت إني شعب ....!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ "أولاد علي"
ورجلي على جزع نخلة فـ "حلايب"
ومرتاح براسي على حِجْر مصر
وشوفتك ياريس ....كأنك ولي ..
كأنك نبي ..
فـ إيدك عصاية وليك معجزات
وشايل صليبي وبتفـُكني ..
وانا فـ جنَّه خضره .. وتحتي جداول ..
ومن فوقي نور ... وريحة بخور ..
همست ف ودانك بآخر وصيّة :
إنسى إللي فاتك ...
هننسى الأسية ... !!
أمانه عليك ..
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا ريِّس وبـينك
وحَق اليَمِين و" ألكتاب " فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .... وعدته بدور
لملم عيالك ... وجمَّع فـ مالك
وإسحب " جمالك " وسيبنا وغور
***************************************
هذه القصيدة من روائع نجم وكانت قبل ثورة 25 يناير....
واخيرا سابنا وراح ...وطلع على مصر أحلى صباح
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: الجحش قال للحمار الجمعة مايو 27, 2011 3:06 am
الجحش قال للحمار
رائعة أحمدفؤاد نجم
الجحش قال للحمار
يابا اديني الحنطور
ياباإنت سنّك كبر
و وَجَب عليّا الدور
كَـحّ الحمار كَـحة
فزعِت لها الركاب
مش يابني بالصحة
ده كل شئ بحساب
و سواقة الحنطور
محتاجة حدّ حكيم
و إنت عينيك فارغة
همّك على البرسيم
قوللي تسوق إزاي
و التبن مالي عينيك
ده حتى حبل اللجام
واسع يا إبني عليك
إعقل و بطّل طمع
لا تسخّن الركاب
ماتجيش يا واد جنبهم
لا تبقى ليلة هباب
دول صنف ناس جبّار
قادر مالوهش أمان
يبان عليهم وَهَن
لكنهم فرسان
يابا دا نومهم تِقِل
و بقالُه يابا سنين
كل البشر صحصحوا
و لسه دول نايمين
يا جحش بطّل هبل
و بلاش تعيش مغرور
رُكابنا مش أغبيا
ولا عضمهم مكسور
بُكرة حيصحولك
و يزلزلوا الحنطور
و تلاقي في قفاك
تمانين خازوق محشور
نورا ربيع محمد راكب مجتهد
الجنس : عدد المساهمات : 90نقاط : 135 تاريخ التسجيل : 10/06/2011العمر : 26
موضوع: رد: مجموعه كبيرة من قصائد الشاعر الكبير احمد فؤاد نجم الأربعاء يونيو 15, 2011 1:41 pm
mido messi ناظر محطة الفرفشة
الجنس : عدد المساهمات : 6134نقاط : 8769 تاريخ التسجيل : 29/03/2011الموقع : القاهرة
موضوع: رد: مجموعه كبيرة من قصائد الشاعر الكبير احمد فؤاد نجم الأربعاء يونيو 15, 2011 2:27 pm
اللة عليك ياحبيبى وزميلى فى المهنة ..يا دكترة..
القصايد بعرضك ليها بقت بنت بلد لابسة ملاية وماشية فى عقولنا متغندرة..
ونجم والابنودى وجاهين لو شافوا مجهودك..يادكتور..
لكانوا عملولك احلى زفة فى احلى عربية بحنطور..
ومشكووووووور على جهدك الف شكر يا دكتور..
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الجمعة يونيو 17, 2011 1:53 am
الله كلامك حلو ...ياسكرة
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الأحد يونيو 26, 2011 3:03 am
بحبك بحبك بحبك يا مصر مسايا وصباحى اسبح بحبك وحبك شفايا وجراحى يا مصر واسافر بحبك واميل زى ميلك وتحلا الخطاوى فى حبك يا مصر واحب اغترابى فى صبحك وليلك واحب الونس بالرفاقه يا مصر تنام الدموع فى العيون الهواجع وتسهر دموعى فى حبك يا مصر تهون السجون والشجون والمواجع ويغلا مع القهر حبك يا مصر ولو يحبسونى ولو يشنقونى ولو فكروا بالعذاب يبعدونى ح اقرب واقرب ومش ممكن اهرب وتنزل دموعى على خدودى تشرب تلاقى الرموش والخدود والمباسم مراسم وصورتك عليهم يا مصر بحبك بحبك بحبك يا مصر
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الأحد يونيو 26, 2011 3:05 am
على رأى المثل
ان قلت كلمه لم تخاف وان خفت كلمه لم تقول كلام تقيل على الخفاف والفهم لاصحاب العقول مفهمتنيش شد اللحاف ونام وسيب النوم يطول وبوس ايديك وكلها حاف والصبر برسيم العجول تاكل شمال تشيل كتاف يعرض قفاك واصبر تنول ولما تفرج بالكفاف تهيص وتملا المخله فول
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الأحد يونيو 26, 2011 3:07 am
يادي العجب يا رجب يا مرتب الحكايات
إسمع وشوف وإندهش وأكتبها فى الكتبات
عسى الكلام ينقري لو قلبوا الصفحات
خلي الشعوب والدول تتعلم البطولات
الحزن طول عمرنا له من حياتنا حياة
نقضيها فى النهنهه ونضيع إلآوقات
نبكي على اللي مضى ونعيش مع اللي فات
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الجمعة يوليو 01, 2011 6:09 am
طاطى راسك طاطى طاطى انت ف وطن ديموقراطى انت بتنعم بالحرية بس بشرط تكون مطاطى لما تكون شغال بذمة خايف على مصلحة الامه شغلك بطلع من غير لازمه علشان مبيعلاش غير واطى طاطى راسك طاطى طاطى انت ف وطن ديموقراطى لماتلاقى بلاد الدنيا فيها البنى آدم حاجه تانيه وانت فى الطبقات الدنيا قرد مسلسل او وطواطى طاطى راسك طاطى طاطى انت ف وطن ديموقراطى لما الجهلة يبقوا امامك او فوقك ماسكين ف زمامك ويسوقك على الهلكة امامك تشرب م السم السقراطى طاطى راسك طاطى طاطى انت ف وطن ديموقراطى لما الكلمة تكون بتدينك لما تخبى ف قلبك دينك لما الذل اشوفه ف عينك هات احباطك على احباطى طاطى راسك طاطى طاطى انت ف وطن ديموقراطى
عدل سابقا من قبل mamado في الجمعة يوليو 01, 2011 6:10 am عدل 1 مرات
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الجمعة يوليو 01, 2011 6:09 am
غابه كلابها ديابــــا ... و نازلين في الناس هـم و اللي ينام في الغابة ... رح يتاكل هــــــــم و اللي يدور وشـــــو ... في غمضة عين يتهــــــم
و اللي يغيب عن جحرو .. لاجل القوت و المم يتخان من ورا ظهرو ... او يتاخد خم غابة بتاكل ميتة ... غابة بتشرب دم
غابة كلابها ديابا ... نازلين بالناس هم غابة و ناسها غلابة .. خيخة لا ناب و لا فم متكلين عالصدفة .... متاكلين بالهم
و احنا يا ملح الغابة .. هم يحرك هم ضايعين و سط ديابا .. مش فاضيين نهتم فاهمين و بنتغابا ... مش راضيين نتلم
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الإثنين يوليو 04, 2011 6:03 am
استغماية
غمي عيونك سد ودانك إفتح بقك قول انا فين
الشاطر فيكو يحزر فزر في دقيقتين والإشطر منه اللي يحزرها في غمضة عين والإشطر خالص ما يحزرش يقول انا فين والإشطر أشطر اللي يبص يشوف بالعين انا فين ؟ فيه ناس اختلف في الموضوع وحكاوي اتقالت عن مواضيع والناس لا مؤاخذة في زمن الجوع يتعشوا كلام يفطروا تشنيع !
فيه واحد شافني بلبده ولاسه في باب اللوق والتاني لمحني بقفصين موز علي باب السوق والتالت شافني في كاديلاك راكب مع بنتين والرابع شافني ف طنطا بابيع بلابيع ونشوق ! وصحافه الصاوي والورداوي والجمال وأباظه ولاظه وباقي الدلاديل والأندال بتأكد جدا جدا جدا بالتدقيق إن انا محبوس وباروح يوميا للتحقيق!
طب اصدق مين وأكدب مين ؟! ماهي حاجه تمخول أيها عاقل وانا مجنون وباكلم نفسي وعقلي صراحه ماهوش مضمون لو كنت بلبده ولاسه وماشي ف باب اللوق طب إيه مشاني مفلس جدا جنب السوق ؟! لوكنت بدأت كتاجر فاكهه وبقفصين ؟ مش كنت زماني معلم طمبه وجوز اتنين؟
لوكنت ف كاديلاك زي ما قال التالت بيه ومعايا بنات زي الشربات طب ح انزل ليه ؟!
لوكنت يا طنطا بابيع بلابيع وسطل وبخور مش كنت زماني مدير على جامع أو مأمور ؟
وصحيح الصاوي والورداوي والجمال حابسين أفكار الناس في بلدنا وعال العال إياك قاصدين إن انا مسجون زي الملايين ؟ كده يبقي تمام ولأول مره ح اقول " صادقين " بس انا لا مؤاخذه وبالتدقيق ماحصلشي معايا ولا تحقيق ! مش حاجه تحير طب أنا فين ؟ حزرتوا خلاص فزرتوا خلاص ؟ عارفين أنا فين أنا ساكن قلبي ومتونس بالناس والناس الونسه كتير ماليين القلب وشاغلينه سارحين في الدم وفي التفكير وجناين قلبي العمرانه بالناس الأزهار العصافير سايعاني وسايعه اللي باحبه وتساعي معايا رفاقه كتير شايفين انا فين ؟ الشاطر فيكو يحزر فزر في دقيقتين والأشطر طبعا حيحزرها في غمضة عين أنا ...... فين ؟
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الأربعاء يوليو 20, 2011 3:11 am
عجبى عليك يا زمن فيك العجب الوان فيك ابن الحلال الجدع واللى مالوش امان فيك الولدابن البلد اللى على الحب اتولد واللى حياته انقسمت حبه فرح وكتير صبر وفيك اللئيم اللى سرق وعبا فلوس من غير عرق وناسى ناسه والبلد واخرته فى النارغرق
ربيع محمد ناظر محطة الابداع
الجنس : عدد المساهمات : 5716نقاط : 8102 تاريخ التسجيل : 17/07/2010العمر : 65 الموقع : الجيزه- مصر
موضوع: رد: مجموعه كبيرة من قصائد الشاعر الكبير احمد فؤاد نجم الأربعاء يوليو 20, 2011 9:59 am
شكرا لك وللاشعار الجميله واختياراتك الرائعه
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الجمعة يوليو 22, 2011 3:41 pm
الشاعر الأكره
أنا الأديب لما أتكلم ما باخليشى لأني جاهل وفاجومي ومخ مفيشي وأي تغيير في حياتي ميتعبنيشي وأنا اللي قولي على نويى مش من بره وأبدأ كلامي عن الأشعار واللي زانوها بيرم وخيرى وكل الناس اللي صانوها أما الكلاب عند الجواسيس واللي خانوها فدول كلاب وما مبنذكروش هنا بالمره الله الله يابدوي هنا بالمره
***
ياعم بيرم وحياتك واللي أماتك وخلا الناس مآبين عايشيين على مقالاتك وواد مباحث يتطاول على مقاماتك لاجعل الشعرا الأندال مسخه وعبره الله الله يابدوى هنا بالمرة
***
فى كل مولد ياشويعر لفلفت حزام ورقصت تبع المزيكة وكنست مقام وصاحبت كل الألاتية ومشيت خدام لكل عالمة وشبشبها حسب الأجرة
***
حرباية يابن الحرامية مية المية على كل لون جاهز تركب ع التسقية أما انت مالح ومزبط وابن غبية وحصانك اللي راهنت عليه يخسر بكره الله الله يابدوى يخسر بكره
***
الطبل غير الشعر يا واد ماتهبلشي وأى شخص يكون شاعر مايطبلشي ياتقول كلامك جواك يا متقبلشي ملعون ابوك طالع نازل شاعر أكره
السلطان العاشق من اسره مترو
الجنس : عدد المساهمات : 1607نقاط : 2268 تاريخ التسجيل : 13/06/2011العمر : 62
موضوع: رد: مجموعه كبيرة من قصائد الشاعر الكبير احمد فؤاد نجم الجمعة أغسطس 12, 2011 2:08 pm
اللة عليك يا كبير يا نجم الكلمات
تحياتى موضوع جميل
السلطان العاشق
mamado من اسره مترو
الجنس : عدد المساهمات : 1497نقاط : 2413 تاريخ التسجيل : 06/10/2010الموقع : العجوزة-الجيزة
موضوع: رد: مجموعه كبيرة من قصائد الشاعر الكبير احمد فؤاد نجم الجمعة يناير 20, 2012 4:17 pm
