جايبه لكم طريقة عمل اكله مغذيه جدا ومحبوبه للكبار والصغار خاصة فى مصر
وهى عمل المفتقة المصريه
المقادير:-
5كيلو عسل اسود
ربع كيلو تحويجه
ربع كيلو سمسم
نصف كيلو جوزهند
ربع كيلو حبة البركه مطحونه
كتيره ضانى ب3 جنيه
حبه خضراء بجنيه
كيلو ونصف زيت
الطريقه:-
1-تنقع الكتيره الضانى فى كوب ماء ساخن لمدة 6 ساعات.
2-تنقع الحبه الخضراء بعد تكسيرها فى كوب ماء ساخن لمدة 6 ساعات.
3-يحمص السمسم ثم يضاف الى الزيت ثم يضاف اليهما جوز الهند فى اخر تقليبه.
4-يضاف الزيت الى العسل ثم يضاف اليه التحويجه وحبة البركه والكتيره الضانى وماء الحبه الخضراء فقط مع مراعاة فوران العسل عند اضافته للزيت.
5-تؤخذ عينه من الخليط كل فتره حتى تصبح غليظة القوام عند ذلك يضاف عصير نصف ليمونه وتقلب وتطفأ النار.
6-ثم تترك لتبرد المفتقه وتعبأ فى برطمانات
كده خلصت الطريقه
بس فيه ملحوظه مهمه
الحاجات اللى فاتت طبعا دى كلها تتجاب من عند العطار
وبالنسبه للحبه الخضراء بعد ماتنقعوها هتاخدو ميتها بس اللى اتنقعت فيها يعنى هتصفوها مش هتاخدو الحبه الخضرا نفسها
ولو حد ليه اى استفسار يسئلنى
