اقبال شديد على ترشيح جمال مبارك للحصول على التى شيرت

فاكرين الاشاعه اللى انتشرت من حوالى خمسه شهور ان جمال مبارك هيدى 6 الاف جنيه للى يرشحه للرياسه
لو عايز تقرا الموضع ادخل على الرابط التالى
قرض من جمال مبارك ب 6 الاف جنيه للرجل و 3 للمرأة بدون فوائد


ساعتها كنا بنضحك ونسخر ونقول مين اللى هيبيع مستقبله ومستقبل عياله علشان 6 الاف جنيه
ولكن يبدوا ان فى مصر ملايين مستعدون ان يبيعوا البلد كله من اجل جنيه واح
[b]وكم فيك يامصر من مبكيات مضحكات‏..‏ ولكنه ضحك كالبكاء‏!‏
نعم هذا ماحث هذه الايام
فقد اكتفى السيد جمال واختصر المشوار الطويل والاغراءات الماديه ( بتاى شيرت) لا يتعدى السبع جنيهات ليجد الاف المؤيدين المهرولين يتقاطر اللعاب من افواههم وهم يلهثون ليبصموا بالعشره انهم مؤيدين ومبسوطين وفرحانين بترشحه للرئاسه بس المهم هاتوا التى شيرت

انظروا الى هذا الخبر فى جريده المصرى اليوم بتاريخ 18 اغسطس
[/b]ورصدت «المصرى اليوم» إقبالاً من جانب سكان المنشأة على التوقيع، حرصاً على الفوز بـ«التى شيرتات» التى كان يوزعها عبدالله داكر،

شفتوا قد ايه البلد دى رخيصه على اهلها
شفتوا الوعى السياسى للناس وصل لحد ايه

اه يا بلد
باعوكى بتى شيرت بسبعه جنيه
وعجبى

فى مثل شعبى قديم بيقول : ان بيت أبوك خرب خدلك منه قالب . .... للاسف هو ده مبدأ المصريين
المنفعه
والمصلحه
والفايده
انما يخترعوا مثل يقول ان بيت ابوك خرب صلحه ولو بقالب
ماحدش قاله
علشان كده الشعوب كلها بتتقدم خطوه خطوه للامام
واحنا بنلاجع خطوه خطوه للخلف

"من أجل مصر "

"لا للتوريث ..لا لتزوير الانتخابات"

بادج يجب أن يعلقه كل مصرى حر

على صدره



كونوا احرار

وانضموا لحملة الشعار



******

"البلد دى بلدنا مش عزبة تورثوها

يا حسنى لم ابنك لا الدنيا نولعوها "



البلد دى بلدنا ..البلد هى مصر

ازاى هانت علينا ..دى ست كل عصر

مين قال ان الحرامى يبقى فيها الكبير ؟



مين قال ان الرغيف يبقى هم الفقير؟

مين اللى حوجنا للغرب وللأمير ؟

كنا نطرح كرامة ..ونزرع كل خير

اصبحنا نمد ايدنا لايطاليا وللكفيل

يا اللى معندكش دم ..احنا خلاص كفرنا

ان مكنتش تتلم ..حالفين نأخد بتارنا

الشعب لسه مماتش ..هيقوم من القبور

يوم الحساب قرب ..يا ويل كل ظالم

الشعب حالف يرد لولاده كل المظالم

الشعب اللى حرر مصر من الانجليز

فاتح صدره وحالف ليكون للموت عريس

لا أمن دولة يخاف ولا من *قانون اللحاف

هنرجع مصر تانى عزيزة وكريمة

ولا يمكن يوم نسيبها لولاد اللئيمة..

..............

*قانون اللحاف : قانون الطوارئ

من المعروف منذ القدم ان الغوغاء والدهماء ليسوا اهلا للمشورة او الحكم
وهم اسبق الى بطونهم وامعائهم
لذلك ركز عليهم جمال مبارك فى الترشيح
ولانهم ليس لديهم ابطاقة انتخابية فقد تم اخذ صورة بطاقتهم الشخصيه لضمان صوتهم فى التزوير القادم

منتهى السخف أن يقال أن المصرى يمكن أن يبيع نفسه للشيطان من أجل (تى شيرت )
ألم تروا أيها المصريون أين أوصلكم والده الى هذا الفقر المدقع وماذا يعرف
هذا الابن المدلل عن أحوال الغلابه الذين لا يجدون قوت يومهم فأصحابه
وشلته كلهم من الذين يقال عنهم ((رجال الاعمال)) أى أعمال ؟؟ كلنا نعرف
أهيب بكل مواطن شريف من أجل مستقبل مصر ومستقبل أبنائه وأحفاده ألا يوقع
بالموافقه على اختيار هذا الرجل فمصر مليئه بالرجال الشرفاء الذين يحبون
مصر ويريدون اعادتها الى ماكانت عليه من عز وازدهار

بتشتري ذمم الناس . من اولها رشاوي
والناس جبنة كده ليه لدرجه دي بنبيع بلدنا بفنلة بنبيع مستقبل ولادنا بحتت
قماشة. هو شعب مصر جاهل كده ليه الله يخرب بيت الغباء والتخلف بتاع الناس
ويحرق كل انسان شايف ان البلد دي متهمهوش المهم انه ياخد التي شرت " يعني
يارب المرشحين في الحزب يشتروا اصوات الناس والكبير بتاعهم يشتري امضائتهم "
دا ايه البلد المتخلفة دي . شترين بس نجيب العبايه دي علشان من الخليج
محترمة. والنقاب اسلامي للعفة . ودخول الحمام بالرجل اليمين ايمان. وقراءة
القران في المواصلات علشان نرضي ربنا .والافلام ذات المناظر حرام علشان
منغضبش ربنا . وصيام رمضان طبعا دا كلام الله لازم نعملة ...... اشمعنا
بنعمل الحاجات دي بس ولا علشان الحاجات دي من تدبي ناس معينين انتوا
عارفنهم عوزنا نعيش في جهلنا منبصش غير علي الحجاب ولاافلام والحمام
والصيام ... انا تعبت من ناس دمغها فاضيه شوية شويه هتبقي مصر حته من
الخليج .. استرها يارب . وربنا مقلش ان اللي يبيع ذمته بالفلوس او امضته دا
حرام . وازاي راجل يبدء حكمة برشاوي للغلابة ... يحرق التخلف والمتخلفين

ياااااااااااااااااااا رب صبرنا على اللى احنا فيه

لا حول ولا قوة الا بالله - انا عارف ان اغلب الشعب المصرى تحت مستوى الفقر وانا واحد منهم لكن للاسف كنت ناسى ان فية عيال صغيرة وبتلعب وبتشبط فى لعبة جديدة
وهى التى شيرت - والله لو كانت حاجة تستاهل كنت اروح اول واحد واخدها وبردة
حانتخب واحد تانى لان مفيش حاجة اسمها تى شيرت او فلوس او قرض او سيارة او اى
حاجة نضيع مستقبلنا علشانها- ياريت كل مصرى يحس ويعرف ان اكثر من 30 عام
ومفيش اى فايدة - ( شوية الفنونزا الطيور - وشوية الفنونزاالخنازير - وشوية الجراد وشوية جنون البقر وشوية القضية الفيسطينية ويروح لهم الاف الاطنان من الاكل والادوية وحجات تانية كتير واحنا الشعب يجوع ومش مهم - المهم عندة السياسة الخارجية يعنى بدل مايكون رئيس فى الداخل والخارج اصبح وزير للخارجية - وكل شيوية الفنوانزا طيب هو وزير الصحة والمسؤلين كانو فين هما كانو مسفرين ولا حاجة - المفروض قبل خروج اى طائر من اى مزرعة يكون فية على الاقل كشف مبدئى او حتى كشف بالعينة
- ولا داعى من اعدام كل الطيور وكل الخنازير طيب الزبالة مين حايكلها غير الخنازير - والاغرب ان الصين بتاخز وبتستورد الزبالة ويتم تصنيعها من جديد طيب احنا فين من الكلام دة - للاسف مفيش فايدة و بالعكس اصبح الفساد يوميا وعلى عينك يا تاجر - والسرقة والنهب والعنوسة للبنات والسبب الاسعار وعدم الامان وعدم الاستقرار - للاسف اصبح الشعب المصرى بلا ولاء او على الاقل اكثر الشعب المصرى بدون ولاء لمصر - حتى الرجال فى بداية الانقراض فى مصر للاسف - وحتى
نهر النيل حايروح من مصر وامام عيون كل الناس وكل العالم شايف المصرى فرحان
بتي شيرت من انسان ( لا ) ( ولم ) ( ولن ) يشعر بالجوع او الجرى على مستشفى
للعلاج ومش لاقى الدواء ولو الدواء موجود يبقى يموت احسن لان سعر الدواء للاغنياء
فقط ورجال العمال وبس - للاسف مفيش يوم وقف فى طابور ومصر كلها طوابير
كل احلامة مجابة لانة ابن صاحب البلد واحنا ضيوف فى بلدنا
الشعب المصرى لازم يصحى ويفوق ويعرف الفرق مابين الرجل الصالح والغير صالح
( ان الاوان للانتقام ) ( العمر واحد والرب واحد ) ( انا لله وانا الية راجعون )
( موت واحد او موت عشرة او موت مائة افضل من 80 مليون )
انا فدائك يا مصر - انا فدائك يا نهر النيل - انا فداء لكل ضعيف وكل فقير -
انا فداء الحق والخير والحرية - انا فداء المستقبل لكل مصرى -
للاسف معروف عن الشعب المصرى انه لا يتحرك الا بعد المصيبة او الكارثة
على العموم الله سبحانة وتعالى قادر على كل شىء
ولو الظروف اصبحت فى صف صاحب التي شيرت او حسنى مبارك دخل الانتخابات
انا حاكون موجود لكل مصرى - واحب اموت شجاع - وبكرامة - وبحرية -
انا فدائك يا مصر ( على فكرة والله العظيم كل كلامى صحيح وليس له علاقة بالاناشيد)
انا بحب كل شعب بلدى - شعب مصر الغالى - الشعب الحنين - والجدع والكريم
وباحب كل العرب وكل المسلمين وكل البشر المسيحى منهم والمسلم
عظيمة يا مصر - عاشت مصر حرة من الفساد - تحيا مصر بشعبها الشجاع
روحى فدائك يا مصر
امضاء اخوكم العضو سوبر مان
a555-1975@hotmail.com) 0165552149 ) وشكرا