السلام عليكم ورحمة الله تعالى وبركاته
اخواتى الفضليات انا في مشكله كبيره من 5 سنين.فلقدتوفي والدى من حوالى 22
سنه,وكانت امى في عز شبابها ,ومع ذلك لم تتزوج وراعتنى انا واخواتى لحد ما
كلنا اتجوزنا والحمد لله,وكان جوازى من 5 سنين.والمشكله ان جوزى بيشتغل في
مدينه سياحيه بعييده قوي عن البلد اللى انا عشت فيها مع امى,فرفضناه عشان
كده,بس هو اتعهد انه يخلص شغله هناك خلال سنه او اتنين وبعدين يرجع,خصوصا
ان شقة الزوجيه جنب امى على طول,قولناله نفضل مخطوبين الفتره دي,قال لا
نتمم الجواز وانا اوعدكم ان مراتى هاتفضل ي شقتها وانا هاجيلها كل
اسبوعين,واحنا دلوقتى بقالنا 5 سنين ,لا راضى يرجع ولا راضى يخلينى اقعد
جنب اهلى,وبيقولى لو اقعدتى هناك لنا مش هاقعد من غير زوجه,وده حقي,طب
اعمل ايه,خصوصا ان امى مريضه جدا ومحتاجانى جنبها.
