ادخل واعترف ؟ اي نوع من الاطفال كنت

يختلف الاطفال في سلوكهم وتصرفاتهم ونفسيتهم ..

لذلك .. هناك نماذج مختلفه من الأطفال كنا في يوم من الأيام مثلهم ..

الطفل البريء ...

في المنزل تجده حبوب وطبيعي 100
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..

الطفل العنيد ...

يطبق نظام البيت بالعكس .. يسوي الي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يضرب كثيرا في طفولته .. ومع ذلك عنيد مايغير رايه ..

الطفل الحنّان ...

يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كرها .. يعانون اهله من الصداع المستمر ..

الطفل المادي ...

هذا الطفل مايرد السلام الا ( بمصاري ) ..
تعامله مع اهل المنزل .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتّان ...

تجد عند هذا النوع جميع اخبار المنزل ..
يجد المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع .....

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جدا ..

الطفل العله ...

يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احيانا .. ويمكن دائما بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها ..

الطفل الداج ...

هذا الطفل مستحيل يجلس في المنزل ..
يعيش في ال اكثر من بيته .. خبره ودليل في كل مر وطريق ..
يعرف طول ال بالسنتيمتر .. من الممكن ان يصبح اذا كبر مهندس طرق ..

الطفل الملسون ...

يستانسون اهله على سوالفه .. فصيح جدا ..
ويلقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..
يتميز احيانا بقلة الذوق والوقاحة اذا انفعل ..
لاينصح بأستفزازه ابدا ..

الطفل الزقه ...

تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يضرب كثيرا .. وخاصه من اخوانه الي اكبر منه .. او خواته ..
لانه عباره عن رادار على طلعاتهم ..
احيانا يضطرون يطلعون من نافذة المنزل للهروب منه ..
ولكن للأسف يجدونه بانتظارهم في السيارة ..ويسألهم ليش تأخرتوا عليّ ..

الطفل الهادي ...

هذا الطفل ماله صوت ابد .. وين ماتحطه تلقاه ..
احيانا يهملونه اهله .. لانهم ناسينه ..
واحيانا يلقى اهتمام زائد من اهله ..
لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..

الطفل القوي ...

اهله دائما في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتودون له حفاظا على سلامة اطفالهم ..

يلا كل واحد يدخل يقول من أي الأطفال كان

الطفل الهادي ...

هذا
الطفل ماله صوت ابد .. وين ماتحطه تلقاه ..
احيانا يهملونه اهله ..
لانهم ناسينه ..
واحيانا يلقى اهتمام زائد من اهله ..
لو يموت من
الجوع ماتكلم ..
في كثير من الاحيان تلقى اهله ناسينه بالسوق او عند
الاقارب اثناء الزيارات .

الطفل
العله ...

يزعجك بأسئلته الي ماتنتهي .. يستفسر من كل شي .. حتى
لو عطست ..
قالك شلون عطست .. وليش عطست .. وشلون تكونت العطسه ..
يحرجك
احيانا .. ويمكن دائما بأسئلته .. مره تجاوب عليه ومره تسفهه ..
واكثر
الاوقات ماتلقى اجابه لاسئلته .. لانك في الحقيقه تجهلها ..

لطفل الهادي ...

هذا الطفل ماله صوت ابد .. وين ماتحطه تلقاه ..
احيانا يهملونه اهله .. لانهم ناسينه ..
واحيانا يلقى اهتمام زائد من اهله ..
لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..

» الموسوعة الطبية الشامله لامراض الاطفال وعلاجها (طب الاطفال)
» تحرش في الاطفال
» حل مشاكل النوم عند الاطفال . اضطرابات النوم عند الاطفال
» ايوة بحبك واعترف انى بحبك السلطان العاشق
» ايوة بحبك واعترف انى بحبك السلطان العاشق