افكار جميله وعمل اشياء مفيده ومبتكرة فى المنزل بالخيش
كاتب الموضوع
رسالة
سندريلا راكب درجه فاخره
الجنس : عدد المساهمات : 778نقاط : 1293 تاريخ التسجيل : 26/09/2009
موضوع: افكار جميله وعمل اشياء مفيده ومبتكرة فى المنزل بالخيش السبت مايو 15, 2010 7:50 pm
بسم الله
أخواتى بنوتات مترو.... أزيكم جايبلكم النهاردة شغل ايديا وحياة عنيا حاجات كنت عملتها بال[ندعوك للتسجيل في المنتدى أو التعريف بنفسك لمعاينة هذا الرابط] قبل الجواز عشان شقتى.... اصلى بحب كل حاجة تبقى على ذووقى أنا ....وبس فكرت فى كل الافكار اللى ممكن أنفذها بخامة بسيطة ورخيصة وشيك فى نفس الوقت فكرت فى الخيش..... ايوة الخيش المنشى... وهاتلاقيه فى الموسكى والوكاله .....
..اسيبكم مع الصور وهاستنى رأيكم ...
-أولا دى صورة رواز كبير حطاه فى الطرقة وعملت عليه بالودع.. القواقع... برواز مش مكتمل
ودى صورة تانية ومعاها اباجورة شيلت الشابوه بتاعها واشتريت شابوه تانى ولفيت عليه الخيش وعملتله من تحت بخيط [ندعوك للتسجيل في المنتدى أو التعريف بنفسك لمعاينة هذا الرابط] وشراشيب [ندعوك للتسجيل في المنتدى أو التعريف بنفسك لمعاينة هذا الرابط] اشترتهم جاهزين
ودى صورة لنجفة بسيطة بالخيش وملصوق عليها نجوم اكسسوار خشبية.. وبها دلايات خشب ومعمول لها بخيوط من الخش امطعم بالذهبى اطارات لكل وحدة. ودى صورتهاوهيه من غير نور
ودى صورة لنجفة تانية فى الطرقة برضه.. من الخيش بس عملتلها وحدات [ندعوك للتسجيل في المنتدى أو التعريف بنفسك لمعاينة هذا الرابط] بلون تانى على شكل اشكال هندسية وركبتلها شراشيب انا اللى عملتهم...
ودى بقى ساعة عملتها بطبق الحلويات الشرقية بس بلاستيك وعملت فيه فتحة صغيرة اوى فى المنتصف بدقة وغطيته بطبقة اسفنج رقيقة.. وعليها لصقت الخيش.. وعملت اطار برضه من الاطارات اللى بتتباع عند بتوع الخردوات.. وقسمت الساعة الى 12 قسم بالظبط.. وحطيت ارقام الساعات من كرتونة كانت عليها ارقام ... قصيتها ولزقتهم على الساعة.. وعلى كل رقم حطيت كل الافكار اللى جتلى من حبوب وبذور المطبخ... فاصوليا بيضة.. قرفة خشب..ذرة صفرا. .نوى مشمش..ترمس.. لوبيا.. توم بقشرة. .مكرونة.. عين العفريت .. ذرة ... وانت وافكارك.. واشتريت من عند الساعاتى ماكينة ساعة حائط
وحطيت العقارب بعد مادخلت المسمار فى الفتحة اللى فتحتها فى النص.. وحطيت على الطبق من بره شريط ستان بنى عشان يدى شكل الخشب.. وعملت لها تعليقة شوفوا...
طب هاكمل بقى طالما كدة دى شيالة عملتها عشان الحمام... أنتو اكيد عارفين باب الحمام المكان اللى وراه بيكون دايما فاضى ومش مستغل.. انا بقى استغليته هاوريكم أزاى؟؟؟؟ جيبت خيش وكويت عليه من الضهر قماش فازلين عشان يبقى ماسك نفسه.. وعملت لكل استخدامات الحمام جيوب
اول جيب للبشاكير الكبيرة لفتها وعملت الجيب على قدها وزينته بخيوط ال[ندعوك للتسجيل في المنتدى أو التعريف بنفسك لمعاينة هذا الرابط] وخيطته ودى صورته وده جيب عملته عشان الحاجات اللى بنستعلها انا بخبى فيه الفوط الصحية.. وجيل التواليت.. وحاجات كتير..
ودى جيوب ضغيرة عملتها للصابون وكريم البشرة وكريم الايد وفرش الاسنان الجديدة... وده جيب كبير باشيل فيه بكر التواليت. بشترى العبوات الجم الكبير واشيلها فى الحيب ده واغطيها بسيلوفان .. كشكل جمالى وكمان عشان البخار فى التواليت مايبهدلش المناديل.. وده جيب متوسط لفوط الوجه... برضه بلفهم وعملت الجيب على مقاسهم وخيطته... وده جيب صغنن اوى .. لشباشب التواليت الجديدة.. عشان لو عندك ضيف..
واللوف بتاع الشاور الجديد.. والشاور كاب... يعنى.. كل واحدة تحط افكارها بقى
وده شكل اخير للشيالة مرة اخرى.. بس طبعا أعذرونى انا متجوزة بقالى اربع سنين واتبهدلت شوية..
.. ومش هاقول تانى على التقييم.... فاهمين..
احسن والله مش هاقولكوا على حاجة تانية بعد كدة... وهاروح العب مع العيال التانيين... ههههه ومش اسامح اللى تاخده وتنسبه لنفسها... ممكن تكتب منقول... مش هايضرها ولا حاجة
افكار جميله وعمل اشياء مفيده ومبتكرة فى المنزل بالخيش
ههههه
