عايزين بخور.....ونطفي النور
ونحضر الجن ونرقيه
نعمله زار.......علي ديل حمار
نجيب كباب ونعشيه
ملبوس ياناس....بقيت مداس
في رجل جن واسمه ايه
روحت لمشايخ....شباب وشايخ
وكل واحد ماعرفش ليه
لما بنام.....يجي اوام
يلعب في شعري وينعكشه
بقوم مفزوع...الاقيه دلوع
عمال بيضحك ايه فرفشه
يلبس هدومي...ويخلي يومي
اسود لو انا زعقتله
ياما حايلته....علي ظهري شيلته
وبردوه قاعد وزهقتله
هياخد مني ايه......ايه تاخد الريح من البلاط
ده جن صايع....وعقله مضروب في الخلاط
مره يجيني....يلبسلي صيني
ويقول كلام مابفهموش
وساعات بشوفه....رمسيس وخوفو
يطلعلي من الارض بطربوش
عفريت ده ولا....عفاريت في رحله
طلعين عليا وكأني ملئف
جايلي متوصي......يموع نفسي
وانا كنت هايف طلعلي اهيف
زهقت منه.....وجني جنه
لو كان ده راجل راجل لراجل
يضرب ويجري.....عيل ولعبي
هذيع عليه بيان وعاجل
هكنس عليه الاوليا....من انهي داهيه جيت يلا
واظهر وبان عليك الامان
هجيب لبان ومستكه....ونمله لجوزها متلككه
يمكن يحل عن الغلبان
قصه كوميديه انتقد فيها بعض اللذين يؤمنون بهذه الاشياء
واشهد ان لا اله الا الله
وان محمدا رسول الله
