قاعد علي المصطبه وفارد رجليك
تنهش في لحم الخلق بعنيك
وبرمت شنبك وقولت انا العمده
وعملت قعدت عرب بس جامده
حل يا حلال العقد
ديه عايزه تطلق وترمي عيالها
وده ماشي يبصبص لجمالها
وده واحد خايب عامل ناصح
ودي واحده فاكراك الفالح
هتحل ايه والبلد
علي كف عفريت طلع م القمقم
طايح في خلق الله والحكم يظلم
القاعده طولت والقافيه تحكم
عايزين الولد
بنتخبط ونتلخبط ونرجع نزيط
ونشتم في غيرنا وهات يا صويت
ومين يسأل نطاط وغاوي تنطيط
موجع يا خلق وبموت بالبطئ
شايفها غرقانه مالهاش بر
والتوهه صعبه لو انت مش حر
والحريه مش جمله اعتراضيه
الحريه اني اعيش في الدنيا ديا
مش عايش ميت يا عمده
