كيف تصطاد الفتاة عريسا

ملخص كتاب / د :الفيلسوف الكبير poky (اللى هو انا)
كيف تصطادين عريس ويبقي معك حتى كتب الكتاب
يلا كل واحده تطلع ورقه وقلم يلا
واكتبي يا اخوتشي انتى وهى

* لو جالك عريس متقوليش لحد من صاحباتك انتوا عارفين الحاجات دى بتتنظر وانتى عارفه البنات عينها وحشه (بس انا والله عيونى خضره)

* لو واحده صاحبتك جابتلك عريس اوعى توافقى عليه او حتى تقابليه (يا اختى لو كان عدل كانت خادته هى بلا وكسه ((بيئه صح)))

* هتقوليلي طب لو هى متجوزة (خالتى بمبه يعنى) هقولك يبق يعايزالك واحد اقل م المنيل جوزها

* متفضحيش نفسك لما يجيلك عريس وتشتغلى ورك ورك لك لك لك
لا استنى شويه وامسكى ع الموضوع لحد ما يثبت بدل ما تحسب عليكي خطوبه ايون خليكي عاقله زيي

*
فى اول مقابله لو لقتيه بيبص فى ساعته...مش على بعضه...وشة اتخطف وبان
عليه خيبه الامل اعرفي انك معجبتيهوش ....اسبقي انتى وقولى انك رافضاه
متخليش واحد زى دة يقوول انه مش عاوزك
متزعليش عليه الرجاله زى الاتوبيسات واحد عدى التانى جاى وراه

* كمان الرجاله زى الدبان هتهشي هيجي عشره غيره(كدابه انا فى دى صح؟)

*عجبتك؟ طب خدى
الرجاله زى المطبات كل ما تفتكرى انك خلصتى منهم تقعى فى واحد غيره

*مهما كنتى وحشه متقلقيش فى اللى اوحش منك واتجوزوا

بعد الخطوبه

*بصي..عذبيه....الراجل يحب يتعذب لكن لو لقاكى سهله يدوبك يقعد معاكى حبه بعدين يدور على غيرك

*اوعى تقوليله بحبك او عينك حلوه الراجل ميحبش كده ابدا

*اوعى تروحى فى الميعاد او قبله حاولى تتلكعى خليه يتلطع عشان يتعلق بيكي اكتر

*لو سالك عرفتى حد قبله قوليله لا حتى لو كنتى عرفتي رجاله مصر القديمه والجديده

*لو قالك بحب الصراحه وحب ييوقعك برده خليكي ناصحه انتى معرفتيش رجله غير باباكى طبعا

*لو قالك هسامحك ومش عارف ايه متصدقيش برده الرجاله قلبهم اسود وهيمسكهالك ذله العمر كله

*احترمى اهلك ومتغلطيش فيهم قدامه حتى لو هما بيئه عشان ميتجراهش عليكي وعليهم

*بلاش
زن ورنات تليفونات ورسايل حب وهيام دول عالم .... مش هيقدر الحاجات دي
هيتغّر ويفتكر نفسه أحمد عز وهو زي ما إنتي شايفاه قومي بصي لصورته ع
الموبايل

*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي واحد ملوش لازمة زي ده يفتكرك واحده من إياهم
*هيضغط
عليكي باسم الحب ياسم العواطف باسم أنكم في حكم المتجوزين إنك تروحي الشقه
معاه روحي بس المرة الجاية مش هيبقي لوحده هيجيب معاه أصحابه

سيبيه
يرغي براحته وعدي الفشر اللي هيفشره عن البنات اللي دايبين في دباديب
سيادته إعملي إنك مصدقاه مع أنك عارفه إنك لولا خايفة لا تبقي عانس مكنتش
قبلتي بواحد زيه

*خليكي
دايما في أحسن صورة هيقولك بحبك تكوني على طبيعتك بحبك من غير ماكياج
متعمليش كده لأنه بيتلاءم عليكي عاوز يعرف أنتي حلوة فعلا وإلا دي بويه
..خليه على عماه

احنا ما صدقنا وقعناه...

على فكره يا نجوى دى افكار جميل جدا بس مش الولاد زى بعضها زى ما مش كل البنات زى بعضها
وشكرا للموضوع

شكرا يا نجوى على الموضوع بس انتي هزئتي الرجال شويه وخصوصا اعتبرتيهم كالذباب

شكرا يا نجوى على الموضوع
بس أرجو عدم الأسائه للرجال

تسلمى نجوى على النوضوع المميز

مع تحياتى

ودمتى بكل الود

» كيف تصطاد بنت
» كيف تصطادين عريسا؟؟؟؟؟؟؟؟؟؟؟؟؟؟؟؟؟
» كيف تصطادين عريسا ؟؟؟
» كتاب كيف تصطادين عريسا تلخيص كامل للكتاب مع تحميل النسخه الاصليه
» تطورات خطبة الفتاة