جيمله ومستحيله

يا جميله..

ومستحيله

انتِ دايماً زى سحابه

الريح تعجّل بى رحيلها

عيونى فى الدمعات وحيله

اسمحيلا تشوف عيونك..

اسمحيلا

أنا لا الصبر قادر عَلَىْ..

ولا عندى حيله

*

يامراسى الشوق تعالى

لا اليالى تمر بدونك هى الليالى

من ضواحى الدنيا جيت..

وعَلَىْ رحالى

لمداين فوق عيونك يا محالى

ريّحينى..

أسُتْرى حالى

فرّحينى

عيونى فى الدمعات وحيله

أنا لا الصبر قادر عَلَىْ..

ولا عندى حيله

حدّثت عنك نجمة جارة

وزرعت اسمك..

حارة حارة

فى مناديل العذارى

فى مشاوير الحيارى

فى لحى الأشجار كتبتو..

نحتّو فى صمّ الحجارة

وبحت للشمس البتقدل..

فى مدارها

عيونى فى الدمعات وحيله

اسمحيلا تشوف عيونك

اسمحيلا

أنا لا الصبر قادر عَلَىْ

ولا عندى حيلة

وانتِ منك لا بداية..

عرفت لسّه ولا نهاية

مرّة أسرح..

ومرّة أفرح..

ومرة تغلبنى القراية

ولّمن أكتبلك وداعاً..

قلبى ينزف فى الدواية

يا صبيّة..

الريح ورايا

خلّى من حضنك ضرايا

عيونى فى الدمعات وحيله

اسمحيلا تشوف عيونك

اسمحيلا

أنا لا الصبر قادر عَلَىْ..

ولا عندى حيلة

يامراسى الشوق تعالى

لا اليالى تمر بدونك هى الليالى

من ضواحى الدنيا جيت..

وعَلَىْ رحالى

لمداين فوق عيونك يا محالى
--------------------------------
 

من روائع وردى
والشاعر اسماعيل حسن

جميله فعلا يا استاذ ربيع
تسلم ايدك على اختياراتك المميزة

تسلم ياكيمو لك تحياتى

وزرعت اسمك..

حارة حارة

فى مناديل العذارى

فى مشاوير الحيارى

فى لحى الأشجار كتبتو..

نحتّو فى صمّ الحجارة
------------------------
تعبيرات فى منتهى الجمال
الله عليك يا عم ربيع