معتز الدمرداش يتلقى ضربة قاضية من مين إدخلوا وإنتوا تعرفوا

من المسؤل على كل كوارث مصر
من حكمها 4 اشهر ام من حكمها 30 سنة
اين عقولكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
***************************
سوال جميل للمتفهمين ومحير للدخلاء الخبئاء
جميل لكل من يتفهم ويعمل مقارنه
وبعد تعليقك لا تعليق تانى يا استاذ
سلمت يداك
تقبل مرورى

رسلان كتب:

من المسؤل على كل كوارث مصر
من حكمها 4 اشهر ام من حكمها 30 سنة
اين عقولكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
***************************
سوال جميل للمتفهمين ومحير للدخلاء الخبئاء
جميل لكل من يتفهم ويعمل مقارنه
وبعد تعليقك لا تعليق تانى يا استاذ
سلمت يداك
تقبل مرورى

شكراً لمرورك أخى وأستاذى الغالى رسلان
شرفت بمرورك وردك ودائماً منور بزيارتك لما أضعه من موضوعات
لك منى كل الحب والود وتحيتى لك أستاذنا

مرسي لو قعد 4 سنين مش 4 شهور برضوا مش هيعمل حاجه

ليه

لانه ليس لديه برنامج محدد ناوى يعمله

ثانيا ليس لديه عقليه ابتكاريه للحلول

ثالثا يعتمد على اهل الثقه وليس اهل الخبره

رابعا لديه من المطبلاتيه والمنافقين الذين يبررون اى حاجه لصالحه وخلاص مما يفقده الشعبيه يوما بعد يوم

من وجهة نظرى ان الريس لو حط ايده على الفاسدين تهيج الاقلام وتطالب بالحرية وحرية الراى ولو سكت وتوجه لنهضة البلد وجلب الاستثمارات يقولوا سايب البلد خربانه ورايح يتفسح هنا وهنا ولو توجه لفرض سيطرة مصر وعودتها للريادة فى الشرق الاوسط وبين دول العالم يقولوا سايب بيته ورايح يبنى فى بيت غيره
انا عايز اقول حاجه لكل الشعب اللى بقدرة قادر بقى بيفهم فى السياسه ليه ما نصبرش 4 سنين لغاية ما نحكم على الريس فى الاخر
والله الموقف ده بيفكرنى بفريق الزمالك والاهلى مع الفرق طبعا بين الكوره والسياسه
بس الزمالك بيحاسب المدرب بالقطعه علشان كده بقاله كام سنه ما اخدش ولا بطوله انما الاهلى علشان عنده وعى بيستنى لنهاية الموسم وبعد كده يحاسب علشان كده طالع واكل نازل واكل
اللهم لا حسد
نفسى بقى نستنى لما الموسم يخلص وبعد كده نقعد ونتحاسب وبأذن الله هنطلع ناكل وهننزل ناكل
وعجبى على الشعب السياسى

اخى عاق الكونغ فو

رأيك صائب جدا احيك عليه

وتفكير سليم

بس المشكله ان الرئيس دخل الانتخابات على اساس تنفيذ مروع النهضه

وانا واحد انتخبته لذلك

وبعد الانتخابات قال انه لا يوجد مشروع النهضه

وهو ما اصابنى شخصيا بالاحباط

فلماذا انتظر 4 سنوات اخرى وانا اعلم انه ليس لديه خطه معينه ومحدده فى ادارته للبلاد

اخى الغالى اسد الغابه
السلام عليكم ورحمة الله وبركاته
احترم رايك واقدره
ولكن من قال ان الرئيس قال انه ليس لديه مشروع نهضه
طيب ازاى هيقول كده وهو لسه من شهر طالع على التلفزيون المصرى واظهر الاشياء التى نجح فى تحقيقها والاشياء التى فشل فى تحقيقها
وازاى اخى الفاضل هو ماعندهوش خطه للادارة البلاد وان اى رئيس كان هيمسك وعايز يبنى بلد كان هيعمل زى مرسى انه يجيب استثمارات من الخارج ودى موارد حيوية هترجع فى النهاية بالنفع على الشعب المصرى
ماهو مش معقول هياخد البلد من غير نية تحتيه وهيدور ازاى يظبط الشعب فى اربع شهور مش المفروض بنبى البيت من الاساس ولا بنصب الخرسانه الاول ( السقف )
دا الواحد لما بيفتح محل مش ممكن يجيب ارباح من اول شهر لازم الصبر
وفى الاخر نحاسبه ولو ما حققش اللى الشعب عايزه يبقى مع السلامه
بس بأذن الله يكون عند حسن ظن الناس بيه وان شاء الله خير
اشكرك اخى الغالى احبك فى الله

اخى العزيز عاشق الكونغ فو

اسمح لى بالتدخل فى الحوار

ونسأل نفسنا ليه الناس جالها احباط من الغد

للان القرارات التى تفكر بها حكومه الرئيس قرارات مستفزه

اولا يريدون حل مشاكلنا بالاقتراض من البنك وانت تعلم جيدا ان الاقتراض يمحق البركه من الرزق

ثانيا يفكرون فى غلق محلات الناس

يفكرون فى رفع فواتير المياه والكهرباء

عوده الضرائب العقاريه

هل هذه القرارات تشجع الناس فى غد افضل

ماهو المشكله يا اخى محمد ان الريس زملكاوى
ههههههههههه
ياريت فاله مايكون زى فال الزمالك
قلوا امين

طيب ما هى الحلول من وجهة نظركم
ونحن كل يوم مظاهرات ومليونيات وتهجم وتعطيل اعمال وخسائر بالبورصه وطلبات فئويه
وقطع طرق وبلطجه

المشكلة أننا مستعجلين كل شىء
وكما بين أخى عاشق الكونغ فو أنه مهما فعل الرئيس فنحن نسير فى إتجاه معاكس له فإن عمل شىء ناقشناه فى شىء أخر وإن شرع فى تحقيق أمر طرحنا عليه أموراً أخرى
الكثير يقولون أنه ليس هناك خطة عند الرئيس يعمل بها وأقول لهؤلاء وأين خطتكم فى إنتقاد الرئيس هل المطلوب تحقيق كل شىء فى وقت واحد
مطلوب من الرئيس تحقيق الأمن فى بلد لا يريد أحد فيها حتى تطبيق الشرع فى إحياء سنة رسول الله صل الله عليه وسلم بالتبسم فى وجه أخيك وإلقاء السلام فيما بيننا ونقول نحن دولة نطبق الشرع فهذا جانب لا يطبق الشرع فيه إلا القليلون وهو من أهم ما يبعث الأمن بين الناس

مطلوب من الرئيس توفير الوقود والكهرباء ومعترضين على غلق المحلات والمقاهى ، فى حين أننى واحد من بين الكثير متضرر من أحد المقاهى والتى تعمل 24 ساعة وتفترش الطرقات بالليل فلا يتثنى لإمرأة ولا شيخاً أن يمر فى هذا الطريق إلا وتعرضوا للأذى اللفظى على النساء والأدبى والإنسانى تجاه الشيوخ كما نجد كثير من المحلات يبالغ فى إستخدام الإضاءة وتكون فى كثير من الأحيان خارج عداد الكهرباء خاصة المناطق الشعبية ناهيك عن الضوضاء الذى تسببه هذه الأماكن للسكان من حولها وفيهم المريض والطالب وصاحب الأعذار

مطلوب من الرئيس الإهتمام بالسكة الحديد والمرور والمواصلات ، ورغم وجود تقصير إلا أننا نجد عدم إلتزام بل وتعمد فى مخالفة قواعد المرور عند غالب السائقين الأجرة وكثير من سائقى الملاكى فعندنا لا نحب الإلتزام ، كذلك نجد مثلاً على طريق السكة الحديد مزلقانات يمر السائق عليها وفى كثير من الأوقات يطلب من الخفير المرور بسرعة ويتحجج والقطار بمقربة من المزلقان وقد تحدث المصائب بسبب ذلك الإهمال من السائق والموظف

المطلوب من الشعب أن يحاسب الحكومة والرئيس وهذا حقنا ولن نسمح لأحد أن يسلبنا هذا الحق ، ولكن قبل ذلك لابد من محاسبة أنفسنا هل نؤدى واجباتنا بالصورة التى تجعل لنا الحق فى المطالبة بحقوقنا ؟!!! هذا هو السؤال

يا اخى رسلان تنفيذ القانون على قاطعى الطريق ومعطلى الانتاج

حتى لو اعيد قانون الطوارى واضح هناك ناس تخاف ماتختشيش

مثلا اضراب المترو الاسبوع الماضى ليس له مبرر رافعين يفط نعتصم من اجلكم وليس لنا مطالب
وقرات ان موظفى الضرائب ايضا سيعتصمون يريدون حوافز 300% تخيل موظفى الضرائب حوافز من تعب الناس
حاجه تقرف

سعد زغلول : مافيش فايده

فعلاً أخى طارق مافيش فايدة الشعب اللى إتعود على القهر ما يقدرش يعيش من غيره لأن الحرية عندنا مفهومها هو :-
- إنى أشتم رئيس الجمهورية لكن الإعلام ماينفعش يتشتم ولا ينتقد
- إن القضاة يتكلموا فى السياسة ويخرجوا عن حدود وظيفتهم وماينفعش حد ينتقد وجهتهم السياسية وإلا يكون متهجم على القضاء
- إن الفنانيين ينتقدوا أصحاب الميول الدينية ويشتموهم وماينفعش إن حد يعلق على أعمالهم وخروجها عن نطاق الدين فى غالبها ويرد الإساءة للدين
- إن السائق يمشى مخالف وماينفعش رخصته تنسحب ولا يتاخد مخالفة
- إن الموظف يطالب بزيادة راتبه وماينفعش أقوله أدى عملك كما ينبغى فى مواعيد العمل الرسمية
- إن الطبيب يعمل إضراب وماينفعش المريض يعترض عليه وإلا مصيره هو وأهله قسم الشرطة لتهجمهم على الطبيب أثناء عدم تأدية عمله
الحرية عندنا هى عدم المسئولية عن أى شىء وكل شىء وإن الواحد يعيش ملك يأمر ومافيش حد يأمره ياخد كل حاجة ومايديش أى حاجة قوله هو فقط الصواب وكل الأقوال غيره خاطئه

شكل النظام السابق شربنا شاى بالياسمين ههههههههههههههه

فارس كتب:

اخى العزيز عاشق الكونغ فو

اسمح لى بالتدخل فى الحوار

ونسأل نفسنا ليه الناس جالها احباط من الغد

للان القرارات التى تفكر بها حكومه الرئيس قرارات مستفزه

اولا يريدون حل مشاكلنا بالاقتراض من البنك وانت تعلم جيدا ان الاقتراض يمحق البركه من الرزق

ثانيا يفكرون فى غلق محلات الناس

يفكرون فى رفع فواتير المياه والكهرباء

عوده الضرائب العقاريه

هل هذه القرارات تشجع الناس فى غد افضل

تعرف اخى الغالى فارس فى اليابان بعد حدوث كارثه فى هذه البلد التى اعتبرها من اعظم شعوب العالم تحضرا جميع العاملين بالبلد تبرعوا براتب شهر كامل من اجورهم لانقاذ بلدهم .. وبنضحك عليهم علشان كلهم شبه بعض
ياريتنا نبقى شبه بعض زيهم
اولا اخى الغالى
انا طبعا ضد الاقتراض لان ده ربا وانا مش مؤيد لهذا القرار واعتقد ان القرار ده مش هيتنفذ باذن الله لان ده كان رأى مقترح ويتم مناقشته ولم ينفذ او يتم اخذ قرار نهائى فيه ولكن كما عودتنا وسائل الاعلام دايما تعمل من الحبه قبه
ثانيا يفكرون فى غلق محلات الناس
طيب وايه الفايده من هذا القرار مش توفير الطاقه وزى ما وضح الشيخ ايهاب ان فيه مقاهى بتشتغل ل3 و4 الفجر ولا يسلم المارين من مضايقات هؤلاء المتسكعين على المقاهى وبعدين القرار عمل شرائح للمحلات وكل نشاط ليه معاد يقفل فيه
و القرأن بيقول ( وجعلنا الليل لباسا *وجعلنا النهار معاشا )
ثالثا يفكرون فى رفع فواتير المياه والكهرباء هو محاسبت الحكومه بقى بالنيه يعنى لما المسؤل يفكر فى حاجه اقوله لا مش المفروض يتم الاعلان عن هذه الزياده اولا فى وسائل الاعلام الرسميه ان الحكومه هتزود فاتوره المياه والكهرباء ولا كل ما واحد يطلع فى قناة من اياهم ويقول كلمه نطلع نزعق ونتخانق مع الحكومه ولو حدث ده فعلا انهم هيزودوا المياه والكهرباء انا هكون معارض لهذا القرار فليست دائما الحكومات على صواب فيها من القرارات ما يخطئ وما يصيب
اشكرك اخى الغالى على مداخلتك وارجو ان اكون وفيت الرد بكل احترام وعلى قدر معرفتى