طبعاً العنوان غريب ، لكنى اخذته على وزن من يقولون " أخونة " فقلت " دمرقط "
المهم تعالوا نرى ردود الفعل على نجاج أوباما لكن بالطريقة المصرية طبعاً أنتوا عارفين قصدى
يعنى دايماً سوء النية موجود
يعنى دايماً بيبحثوا عن السقطات فقط
يعنى كل حاجة يعملها الرئيس أو حزبه تحسب عليه ولا يحسب ليه أى شىء
يعنى لو نفس الشىء عمله واحد تانى يبقى دى حرية وديموقراطية
يعنى لو مرسى خرج عن البروتوكول تبقى مصيبة لكن لو أوباما موت ذبابة فى لقاء تلفزيونى على الهواء تبقى مقصودة وليها رسالة
ويعنى ويعنى ويعنى ......................
تعالوا نشوف خفة دم المصريين فى تعاليقهم على نجاح أوباما
@Anas7asan: مطالبات لأوباما بأن يستقيل من حزبه الديمقراطي ليصبح رئيسا لكل الأمريكانيين ، إنما كده هو رئيس للديمقراطيين لأنه بيمثل جماعته الحزبية فقط
@hamomanmax: بيقول السود هايبيعوا البلد وهايفتح الحدود مع المكسيك وهايبيع نهر المسسيبى لكوبا وهايخلى الجيش كله من السود والبيض هايرحلهم أوروبا
@melqawy: هو ازاي حمله أوباما الرئاسية بتحتفل قبل اعلان النتيجه .. ده بلطجه واستباق للنتيجه .. وعايزين يفرضوا امر واقع ع الشعب الامريكي
@Abdurrahmanezz: أنصار أوباما يحتفلون بالنصر قبل اكتمال فرز الأصوات في فلوريدا والاسكا ...... أين أنتم يا إعلام الخزي والعار.
@klashenkove1: هناك مطالبات بعمل مجلس رئاسى لمنع هيمنة الديمقراطيين .. يعنى أوباما يبقى الصبح ورومنى بعد الظهر
@asmaaghazall : توفيق عكاشة : يا بيه انا بأكدلك ان رومني هو اللي كسب حصل على 51% و أوباما حاصل على 50% فقط بالورقة والقلم
يا ترى أمريكا لو كان عندها كده كان حصل إيه !!!!!
التعليق لكم أحبابى
