لوداع[
بيني وبينك مُختلِف
[color=red]كان ضحكتين
وإدين بتحضن عِشقها مِن غير دموع
حلمين حزانا وقسّموا ليلهم سوا لحظة خشوع
نظرات خضوع قلبين قصاد سهم النوى
...
مدّيتي شوقك للهوى
فسكنتي عيني برغم إنّ
عليها حارس
وغسلتي روحك بالربيع
رغم انّي واثق
مِ المُحال تفضل شهور
العمر مارس
كان قلبي حاسس بالوداع كلّ امّا اشوفك
كات نار كفوفك تطفى لمّا تقرَّبيلي
وامّا تقرى عنيكي سطري !!
كان ليه ابتسامِك
رغم جرح حروفي- ف عنيكي – وخواطري
تراتيل ملامحك كات رساله بدون نبي
لطبيعه معجونه بنفاق
كنتي ف جحود العمر لهفه ونبض تايه واشتياق
كان حلم قلبك باللقا مش مستحيل
وامّا الطريق بينّا اتفرَش شجو وهديل
سلِّمتي روح الشوق لقضبان الفراق
شوفتي اختلاف الحلم لحظة ما انطفى ؟؟؟
نظْرات عيونك كات دفا
كات نار حنيني للهوى برد وسلام
كنتي ابتكار الغنوه , ترتيل الهيام
كنتي الكلام الحلو ف لسان اليمام
دلوقتي قلبي بانهزام روح المعاني بيعترِف
تفتكري ليه بعد الغنى بالشعر انا ..
مدّيت إدين قلمي لحروفي وبستلف ؟
ليه ببتسملك ,, والدموع صبحت مشاع
شوفتي الوداع ازّاي ما بينّا بيختلف
ضمّيني أكتر بين جوانحك واضحكي
منا ضمِّتي لحضنك قوي
مش ضمِّة ( اللام للأف )
وانا بعترف
شاعر .. وعاش بالشوق عبيط
وانّ اللقا عادي وبسيط
بس الوداع .. كان مختلف
