بعد ايه

بعد ايه

بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه
انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
الغدر بي نفسو ما بقسو عليك
جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك


محمد وردى

انت مابتعرف صليحك من عدوك
للفنان مجذوب اونسة لديه اغنية في اجدي مقاطعها بقول اغرب حاجة حسادك اجاويدك المسكين شقاك بجبتوا بايدك يضاهي هذه الاغنية الرائعة للراحل المقيم وردي وكالعادة استاذنا ربيع تختار الدرر والروائع من الاغنيات .

انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك
************************ جميل جميل جميل
وحقول جميل
كلامك يضاهى مشاعر الاخرين
عبرت اخى با اختيارك الرائع
سلمت يداك
يا استاذنا الكبير
عمى
بلاش
هقول ربيع