يانهار مش فايت الرجوله ماتت خلاص !! ""'

يانهار مش فايت الرجوله ماتت خلاص !!
===================================

هما دول رجاله فعلا .. ولا خلاص الرجوله والشهامة ماتت من زمااااان ... ماهو برضو مينفعش اى واحد يتقال عليه راجل الا لما يبان من تصرفاته وأفعاله ان هو راجل فعلا ... المهم هحكى لكم ليه انا بقول كده
امبارح كالعاده الصبح صحيت وخدت الشور بتاعى وبما ان احنا صايمين فطبعا مفيش الصبح فطار ولا هعرف اشرب القهوه بتاعة كل يوم الصبح المهم
بعد مالبست واتشيكت وحطيط البرفان وخدت نفسى ونزلت للشغل بتاعى وانا كلى نشاك وحيويه وتفاؤل باليوم اصلى بحب التفاؤل اوى اه وربنا مع ان مفيش حوالينا حاجه تدعو للتفاؤل ههههههههه ماعلينا المهم وقفت كالعاده استنى مواصله اركبها عشان اروح الشغل بتاعى .. ماهو كان لازم استنى طبعا لان انا من عامة الشعب ومعنديش عربيه بسواق للاسف المهم بعد ماركبت الاتوبيس ووصلت للمكان اللى هنزل فيه والحمد لله .... مشيت بقى فى الشارع فى طريقى لشغلى ...
قومت شوفت المنظر اللى عصبنى وخلانى اتوتر والدم يفور فى عروقى وطبعا اكيد مادام قولت الدم يفور فى عروقى يبقى اكيد السبب فى ده راجل من بتوع اليومين دول ... المهم المنظر كان ايه بقى ؟؟؟؟؟؟

واحد ماشى هو ومراته وعياله فى الشارع الظاهر كده والله اعلم مسافرين عشان يفطروا فى رمضان عند حد من اهلهم .. اه بمناسبة رمضان كل سنه وانتوا طيبين بقى
المهم المنظر اللى عصبنى كان ايه بقى ؟ بصيت لقيت الراجل ماشى حاطط ايده فى جيوبه ولابس النظاره الشمس على عينيه زى الباشا والست الغلبانه مراته اللى صعبت عليااااااا اوى ماشيه وشايله على دراعها اليمين الطفل البيبى الصغير ومدخله فى دراعها برضه الشطنه الخاصه بيها وكمان شايله فى دراعها الشمال شنطة البيبى وكمان شايله شنطة تانيه كده كبيره شويه بس فيها ايه الله اعلم ده غير انها ماشيه واخده بالها من العيال التانيين ولادها اللى معاها وتقولهم خد ياواد هنا متعديش الطريق العربيات ماشيه ..... وغير ان طبعا الجووووو حر موووووت
كـــــــــــل ده الست الغلبانه دى مراة " السيد الفاضل دكر البط " بيتفرج وحاطط ايده فى جيوبه ولابس النظاره الشمس بتاعته ومريح نفسه على الاخر ...

انا قولت عليه دكر البط لانو بصراحه مينفعش يتقال عليه راجل طب هى فين الرجوله دى لما تسيب مراتك تعمل ده كله وتشيل ده كله وانت ماشى باشا ولا على بالك ..... مانت لو كنت فاهم الاسلام صح وازاي كان الرسول الكريم بيعامل زوجاته كان عرف ان الاسلام والدين مش صلاة وصوم وبس ده نظام حياة ومن نظام الحياة اننا نعامل زوجاتنا بالحسنى ....

انا بجد كنت هتجنن من المنظر وبقيت اقول ياربى هى الرجوله ماتت فى الدنيا ومبقاش فى رجاله عندهم دم للدرجادى ولا ايه ؟؟؟

طيب انا هسألكم أنتوا بقى ايه رايكم فى دكر البط جوز الست دى ؟؟؟ وياترى فى لسه رجاله ولا خلاص ماتت الرجوله من الدنيــــا ؟؟؟؟؟؟
..
..
ميدووووووووووووووووووو
=====================

==

العيب مش عليه

العيب على المدام اللى مرمتلهوش الحاجه فى وشه وقالتله شيل انت

رجاله مناظر

لو فاهم الاسلام صح وازاي كان الرسول
الكريم بيعامل زوجاته كان عرف ان الاسلام والدين مش صلاة وصوم وبس ده نظام
حياة ومن نظام الحياة اننا نعامل زوجاتنا بالحسنى
ده الرد اخي ميدو متعك الله بالصحة والعافية واحي فيك نزخة الرجولة والرفق بالقواوير وكل عام وانتم بخير والشعب الصري الشقيق. ....

ايناس جوهر كتب:: العيب مش عليه

العيب على المدام اللى مرمتلهوش الحاجه فى وشه وقالتله شيل انت

رجاله مناظر

هههههههههههههههههه

ياجااااااامد ياجااااامد

شكرا استاذتنا ايناس لمرورك الراقى

تقبلى تحياتى

يانهار مش فايت الرجوله ماتت خلاص !! ""' Download

=======================

احمد ابو سلمان كتب:: لو فاهم الاسلام صح وازاي كان الرسول
الكريم بيعامل زوجاته كان عرف ان الاسلام والدين مش صلاة وصوم وبس ده نظام
حياة ومن نظام الحياة اننا نعامل زوجاتنا بالحسنى
ده الرد اخي ميدو متعك الله بالصحة والعافية واحي فيك نزخة الرجولة والرفق بالقواوير وكل عام وانتم بخير والشعب الصري الشقيق. ....

شكرا اخى الغالى جدا استاذ احمد لردك الكريم

وتحياتى لك ولاهلنا واشقائنا بالسودان الشقيق

تقبل منى ودى وتقديرى واحتراماتى

يانهار مش فايت الرجوله ماتت خلاص !! ""' Picture

يانهار مش فايت الرجوله ماتت خلاص !! ""' Picture

========================

» خلاص ماتت أحلامي ..
» قتلونا ..وقتلوا ثورتنا ..خلاص ماتت فرحتنا ؟؟!!!..
» يانهار منيل بنيلة
» اختبار لمعنى الرجوله
» أنا اسف ..خلاص