حمار ..وجاله مزاجه

حمار ..وجاله مزاجه
يستقيل م الشغل
نهق بحرقة وقال: ملعون ابو ده ذل
من طلعة الفجر للمغرب ..على ده الحال وقلة الأكل..
حتجيب لي داء السل
مش ماشي
مش ماشي واضرب بقى ..مية سنه لقدام
لا ضرب حيهمني ..ولاحتى شد لجام
ونام ..ومدد على الاسفلت في الشارع
وقال له: يا عربجي ..حتى ولا الاعدام
مش ماشي ..مش ماشي
ان كان على شغلتك ..انا مستقيل منها
وان كان على لقمتك .. الله الغني عنها
وان كان على البردعه والا اللجام خدهم
وأديني حريتي ..جه وقت اعلانها
مش ماشي
مش ماشي
طول عمري باجري على مراتك وست عيال
لايوم عصيتك
ولاقلت اني مش شغال
باجري عليهم ..وعامل حضرتك راجل
وانت قليل الحيا ..ماتبطل استغلال..
ايه شغلتك حضرتك ..ممكن تفهمني؟
مش بس قولة
" شي حاه يا حمار "
وتشتمني؟
وكل خطوة ..تفرقع كرباجين صنعة
دانا لحم يا عربجي .. والضرب يألمني..
من وسط روض الفرج ..باسحب على قليوب
وتنام تشخر..وانا صبري غلب ايوب
الليل..وبرد الشتا..والطينه..وشخيرك
خلوني حاسس كاني ماشي بالمقلوب...
تيجي تحاسبني واحاسبك ..ياضلالي يا دون
واقطع دراعي واراهنك..حنلاقيك مديون
جدك شاريني بنص جنيه
سنة عشرين
وابوك ورثني ..وكان راجل فظيع مجنون..
ابوك هراني ..
ودغدغ جسمي بالنبوت
ومن عرق جتتي ..بقالكوا ست بيوت
جيت انت وورثتني..طلعت ايماني
حتسيبني طبعا لولدك بعد ما انت تموت
عايز انهق بقى ..وارفس لا حاه ولا شيه
واكل ..ما اكلش ..بمزاجي واللي نفسي فيه
واللف واجري ..وانام وارتاح بحريه
وارمي اللجام واقطعه ..دانا مااتولدتش بيه
لو يوم بقيت عربجي ..وانت انقلبت حمار
حتعيش معايا..معيشة بحبحه وهزار
ونقسم الشغل والمعلوم بيني وبينك
بالحق ..مشوار تجر انت ..وانا مشوار
والله مانا ماشي .

ههههههههههههههه والله عنده حق !!

سلمت الايادي أخي

ارق تحياتي ..

ههههههههه
والله الحمير اللى عندنا فى مصر بيصعبوا على الواحد الحمار من دول يفضل يلف بصاحبه طول النهار وفى الاخر لما يتعب شوية ويمشى بالراحة يلاقى صاحبه نزل عليه بالشومه
فعلا حمير غلابه
المفروض الحمير تعمل واقفه وتطالب بحقوقها او يعملو نقابة الحمير
ويكون شعارهم
ياصاحبى انا اشد العربيه شويه وانت شويه
ولا ايه الكلام

هههههههههههههههههه
دا كلام موزون ومعصور عليه ليمون
ههههههههههه
ويخرج التراس الحمير يتظاهروا فى الشوارع وينهؤا فى كل شوارع مصر
وعليهم وعلى زريبة الحاج نعسان ابو نعسه دى اكبر زريبه فى البلد
وكل حمار هناك يبدى تنهيقه والتنهيقه الصح هى اللى هيتعمل بيها
والمفروض يخصصوا بند فى الدستور الجديد للحمير
مساء الفل والياسمين يا اختى الغاليه
اهو هو دا الكلام مش كده تمام ولا مش تمام

هههههههههههههههههههههههههههههه بصراحه الحمير هنا مظلومين قوي بس لازم ميسكتوش عن حقهم ويعملوا حمله نفس محكت اميره هههههههههههههههههههههههه



هههههههههههههههههههههه شوفت طلع كريم ازااااااااي

هههههههههههههههههه
يا عينى على الحمااااااااااااااااار
بحبك يا حمار
وازعل قوى لو حد قالك يا حمار

هههههههههههههههههههههه
حمارررررررررررررررررر

من اطلق صفه الغباء على الحمار بالعكس
لم اشاهد حماران تصادما فى حادث ونتج عنه قتلى وجرجى
انما هم الاغبياء من يقتلون الناس على الطرق بسبب غباءهم
فى قيادة السيارات او القطارات

اسفين ياحمار
هههههههههههه